L govern Renzi y l PD é tl mené tres tl parlament na reforma dla RAI pro chela che dutes les mendranzes che ne à nia viadò les sciables n stat desche spraiza, risia de resté con nia tles mans. Depierpul che i todesc y ladins (Südtirol/Austria), aostans (Aosta/Francia) y slovens (Friul-VG/Slovenia) vegn nominés tl test de lege, ne afìstien plu inió les autres mendranzes. Pro chestes auda does de gran mendranzes, i sards (plu de 1 n milion de sardofons) y i furlans (plu de mez milion de furlanofons). Enfin a sen à gran pert dles mendranzes tl stat talian abú valch trasmiscions tla RAI sun la basa dla lege 489/99, ence sce te orars bendebot descomoc. La reforma nueva cioda de deventé n vare enzescul.
L PD se á desmostré ence con les ghiranzes fora dal grem de sie partí plutost scluc. Na mozion de mudazion prejenteda da plu parlamentars furlans é sen gnuda touta en consciderazion, ma al é dutaorela demé empromiscions da pert dla ministra Boschi.
La provinzia de Udin á encondé che ala fajará plura dan dal Comissariat dla OSCE y la Court Costituzionala, sce al essa da suzede che i furlans resta scluc fora.
L PD te Südtirol se mostra deforavia gen sciche plurilingh y interetnich, ma a Roma se enjígnen ca a ti tó demez a les mendranzes enfinamai les pueces sbrosces de prejenza tla RAI. La Talia ne á perauter nience ratifié la Charta di lingac minoritars che ti garantissa valch sconanza en plu.
(Informazions toutes dal sit www.brennerbasisdemokratie.eu)
Al me plej
(1)Al ne me plej nia
(2)
![](http://www.noeles.info/wp-content/plugins/like-dislike-counter-for-posts-pages-and-comments/images/up.png)
![](http://www.noeles.info/wp-content/plugins/like-dislike-counter-for-posts-pages-and-comments/images/down.png)
1601 iadesc liet
Scrive n comentar
Du musst angemeldet sein, um einen Kommentar abzugeben.