I referendums é costituzionai

ReferendumsLa arjonta dl cuorum pro i referendums de en chesta domenia (40% di litadours scric ite mess dé ju sia ousc) ti fej l majer festide ai promotours. La Svp à cialé tles ultimes edemes, tres deplù arac giuridics, de sperde la partezipazion, dijan che les propostes de lege metudes a referendum ne é nia conformes a la costituzion, en curt, che al ne paia nia la mueia jì a dé ju sia ousc. Sen ouj la scomenciadiva pro-referendum al ultim moment decontra.

En juebia,  ai 22 de otober da les 10.00, végnel metù a jì tl salf dla jonta na enconteda con 2 esperc giuridics, l prof. Stelio Mangiameli y l prof. Robert Louvin. Tramedoi sotlignarà che les propostes de lege é plenamenter costituzionales, sostegnian la dezijion dla comiscion de vicars che à dé pro dutes 5 les propostes. I vicars à samben demé valuté la forma y nia i contegnus. L ex-senatour di Verc, Marco Boato, spligarà les condizions y l cheder dl statut de autonomia te chel che la scomenciadiva popolara é ponuda ite.

 

Al me plej(0)Al ne me plej nia(0)

630 iadesc liet

Ortiede inant tres

Scrive n comentar a revert de "I referendums é costituzionai"

Scrive n comentar