Filo-todesc y filo-talians

Na curta intervista tles Dolomites di 23.02.2010 de Lori Senoner Mussner y sen gràcela anter Ladins Dolomites y „Freiheitlichen“ ladins de Gherdeina. Lori Senoner Mussner s’en é juda demez dai „Ladins“, enscì sies paroles, ajache ai ti fova massa talians.

Chest dantaldut da canche ai é jus deberieda con l grup „Amisc dla Ladinia Unida“ che à sostegnù l referendum a souramont.

Na tel despartizion di ladins fòven usés pro la Svp de Gherdeina. Sen someiel che i „Freihetlichen“ de Gherdeina file inant chesta acia. Sun l argoment entervegn ence Carlo Willeit tles Dolomiten de encuei, 02.03.2010, dijan che i „Freiheitlichen“ met man sia campagna litala con „na propaganda antiladina che audiva perdret pro l temp dles opzions“, despartian i ladins tles categories filo-todesc y filo-talians. Plu dadie ova la Svp tresfora prové de sburlé i „Ladins“ tla casseta de „Ex-DC“, sen sourantol i „Freiheitlichen“ ladins chesta lingia, encadran „Ladins Dolomites“ pro i filo-talians.

An conesc ciamò dolarata puech l program „ladin“ di Freiheitlichen de Gherdeina, ma aladò dles esternazions de Lori Senoner-Mussner pèrel che l sostegn a la reunificazion di ladins sot a Bulsan do l referendum da souramont y l sostegn al ladin standard scrit ne aude nia laprò. Te chest someiei de ester unfat a la Svp de Gherdeina.

{japopup type=“iframe“ content=“http://www.noeles.info/index.php?option=com_content&view=article&id=124:generela-y-freiheitliche&catid=1:politica&Itemid=114″ width=“900″ height=“400″ }Enconteda con i Freiheitlichen{/japopup}

Al me plej(0)Al ne me plej nia(1)

741 iadesc liet