Da les zités tla Ladinia

Plu posc' publics tles valedes.Plu posc' publics tles valedes.
 Finalmenter á ence la SVP odù ite che al jissa gran debujegn da sposté cotan de posć publics da les zités tla periferia ( cf. Dolomiten 05.08.2916 S.13). L assessour regional Sepp Noggler á dit, che al é demé la forestala y la agricoltura tla periferia! Per nos ladins él di ufizes provinziai demé la forestala tla valeda y n valgugn posć dla sanité. Al fova naouta a San Martin n ufize per la lia di paurs y n ufize de laour; intrami é gnus spostés fora Bornech; che i ladins se ae paré  decuntra dubiteii; la gran pert scutei chiec y se dá sot. A chesta fosa mess i paurs y chi che chier laour ji dlafora, cie che costa temp y scioldi.
I on n grum de jent studieda, ma si post de laour ála ciafé foradecá empede tla valada. Per na mendranza desco chela ladina él n picé mortal perde n grum de studiés che jissa tant debujegn tla Ladinia per ti dé plu forza politica, culturala, plu emportanza ai ladins y a sies strutures che al ne conte nia demé la economia, che les strutures aministratives, culturales y soziales ciafe plu forza y peis. La jent studieda é ence bona da porté tla sozieté plu interes a la cultura, ala politica, de aumenté la identité ladina y da crié plu idealism per defene sia jent. Ester manco sot  tla economia, tl materialism jissa gran debujegn; dailó podessanse speré che al ne gnissa nia plu venù fora tan de patrimone ladin, mo che la coscienza ladina aumentassa.
Al é da speré che chi dla politica se dae da fé y mete ju n document de duc chi ufizes, posć de laour statai y provinziai che aldissa da gnì spostés dai gran zentri aministratifs, da les zités tla periferia, te nostes valedes che nosta jent studieda posse ciafé laour pro sia jent y ne ne ae nia bria da tralascé la Ladinia y jì foradecá a lauré.
Al me plej(3)Al ne me plej nia(0)

375 iadesc liet

Ortiede inant tres

Scrive n comentar a revert de "Da les zités tla Ladinia"

Scrive n comentar

La miscion e-mail ne gnirà nia publicheda.


*