„La mia passione è tutta italiana“

Sportifs mess gonot dé ju declarazions de se sentì talians, garejeiei pu per na nazion entiera.Sportifs mess gonot dé ju declarazions de se sentì talians, garejeiei pu per na nazion entiera.

Al é ben suzedù plu gonot che atletes da chiló (ladines y todesces) se ae declaré talianes o da se sentì talianes. Na tel afermazion gnuda fora dant da puech á endespré la politica. Ala é gnuda contesteda dal aconsiadour provinzial Bernhard Zimmerhofer dl parti STF; al á mané fora na sia touta de posizion publicheda tla „ Neue Südtiroler Tageszeitung“ di 22 de jené 2018 sun cie che la atleta Dorothea Wierer da Valdaura dess avei dit da puech te na intervista al foliet “ Gazzetta dello Sport:
“ La mia passione è tutta italiana, sul cuore il tricolore che ho appeso sul mio fucile; non vorrei essera rigida come una tedesca. Per me – Viva l´Italia. Io mi sento al cento per cento italiana. Molti pensano che noi altoatesini non ci sentiamo italiani. Macché”!
Paroles fortes da na atleta de lingaz todesch de Südtirol arata Zimmerhofer; al veid chiló l gran pericul che duc chi milions che auda chestes paroles nes arate bele talianisés y al se damana, sce Bulsan dess ben ciamó sostegnì de tel sportifs che dij da se sentì tant talians. Al enjonta dijan che Bulsan dess sourantó dut ci che á da fé con sport.
Vignun pò se declaré cie che al arata dret, mo inanter me se sentì talian y l ester talian él n gran aghel sot. A de tel afermazions da se sentì talians porta dessegur truep pro l fat che les atletes da chilò fej pert de scuadres nazionales talianes y porta sun si guanc la bandiera taliana, vegn paiedes dal stat sciche ence si trainers y dut cie che é enceria. Na pert á bonamenter abù pueces lezions de formazion politica, él pu na gran desfarenzia inanter ester zitadin talian y dì che an se sent talian; chilò végnel fat confujion y chest foss da clarí y da splié bele tles scoles. Chel ladin o todesch che fej pert de na scuadra taliana ne é perchel nia n talian, mo ben zitadin talian dal lingaz dla oma ladin o todesch. Ence l fat che atlec de Südtirol garejeia contra atlec dl’Austria renforzeia dessegur la minonga da se sentì plu talians, ciàfei pu da la Talia l gran sostegn che ai adora. Ence sce n ladin o todesch se declareia de volei ester talian, romàgnel empò ladin o todesch; al conta pu sie lingaz dla oma y vigni ladin y todesch fej pert de sia nazionalité – ladina, todescia.
Lois Trebo

Al me plej(4)Al ne me plej nia(1)

455 iadesc liet

Ortiede inant tres

Scrive n comentar a revert de "„La mia passione è tutta italiana“"

Scrive n comentar

La miscion e-mail ne gnirà nia publicheda.


*