Tl “Comentar de pruma” sun “La Usc di Ladins” candideia I. Rigo l ombolt de Al Plan, A. Palfrader, a la presidenza dla Lia di Comuns Ladins. La proposta fej n puech marevueia, nia per la persona proponuda ma per does de autres rejons. La pruma é la motivazion trata ca per na tel candidatura: A. Palfrader fossa n bon candidat per via che l comun de Mareo confineia con feter duc i comuns dla Val Badia y ence con Ampez.
Bàstel ester vejin de zachei per ester n bon president dla Lia? Sce ala fossa enscì fossa per ejempl l ombolt de Badia n miour candidat ajache Badia confineia con duc i comuns dla Val Badia (auter nia con Mareo) ma ence (plu o manco) con Ampez, Fodom y Gherdeina. Ie me aspetasse plutost che I. Rigo contasse su i meric de sie candidat, cie che al à fat y cie che al se à tout dant de fé sciche candidat-ombolt no demé per Mareo ma ence, plu en general, per i interesc politics, economics y culturai dla Ladinia y dla Lia di Comuns Ladins. Magari podessa l candidat enstes se lascé audì sce al essa enteres de chest vers.
La proposta de I. Rigo fej marevueia ence de n auter vers. La Usc di Ladins é l organ de informazion dla Union Generela di Ladins; repidleia perchel l editorial (comentar de pruma) la posizion dl editour, donca dla Generela? Ciamò n iade, nia contra na candidatura de A. Palfrader a cef dla Lia, ma l diretour dla Usc podessa ester n puech plu cler, unfat sce la proposta é a titul personal o a inom dla UGLD.
Erwin Valentini
{japopup type=“iframe“ content=“http://www.noeles.info/noelesnet/modules.php?name=News&file=article&sid=827″ width=“700″ height=“500″ }Albert Palfrader te na intervista dl 2004 soura Lia di comuns ladins y Generela.{/japopup}
Cliché medré sun l liam per cherdé su l articul de noeles.net!
(0)Al ne me plej nia
(1)670 iadesc liet
Scrive n comentar a revert de "Palfrader, president dla Lia?"