La SVP se à fat engiané dai siei

La seira de informazion a La Ila soura l scandal SEL, ai 3 de fauré, à cialé de porté a conescenza dl zitadin sciche cie che proa da gnì venù da pert dla SVP sciche n suzes side depierpul sté n grandiscim fal. La SVP  se à fat engiané dai siei y enscì ài engiané duta la popolazion che ai raprejenteia. Y dut pò ciamò gnì dret cer, sce la SEL, sciche an pò ponsé, ne é nia bona da davagné dutes les gares per les conzescions. Dut spliga a cie moda che i contrac messova gnì tegnus asconus. L zitadin ne podova nia savei te cie mans che al é.
L dessegn energetich ciafa na spligazion plena, sce an met adum i projec idroeletrics con i lec da mont. Na zentrala idroeletrica à debujegn de na regoruda de ega tresfora valiva, chest vuel dì che an mess podei calcolé tant de ega che ruva pro ala zentrala, ajache l strom vegn venù denant y spo fat, deache al ne pò nia gnì enmagasiné. Chest spliga ence ciodì che i implantisc‘ mess se enjigné resserves de ega tres maioures, ence jian soura pesimes de segurté fora. Ladins Dolomites capesc les nezescités de chi dai lifc, ma envieia chi dai lifc da combate deplù y de ne se enjendlé nia ju dant la politica idroeletrica provinziala per podei tò fora ega da la Gran Ega ence te na spana temporala plu longia, a d’ejempl dai 30 de setember ai 30 de merz.
Per cie che reverda l lech-resservar sun Piz La Ila é i pericui massa gragn, dij Ladins Dolomites. Dessegur é i lec encuei plu segurs che dant da trenta agn, ma la segurté al 100% ne él mai y con la vita de persones ne déssen nia fé damat. Per cie che reverda i projec concrec sun meisa él vedù dantfora na gran zentrala sun la Gran Ega danter Longega y Mantena Todescia y deplù de piceres zentrales olàche imprenditours privac é enteressés a les conzescions.
Les enrescides dla magistratura portarà  bonamenter a svilups ti proscims meisc y mostrarà  su damiec l funzionament dl sistem, olàche al é  chi plu furbs che se fej i enteresc privac, adoran l strument publich con na pert dla popolazion che se lascia engiané . Al vuel ester na tempesta per daurì cerc cefs, ma la tempesta vegn pa ben ence, é dla minonga i raprejentanc de Ladins Dolomites.

Al me plej(0)Al ne me plej nia(1)

587 iadesc liet

Ortiede inant tres

Scrive n comentar a revert de "La SVP se à fat engiané dai siei"

Scrive n comentar