Scì a doi projec de miorament

 

Plu neif sun “Cir” y drenaja a Daunei

Doi projec tl Comun de Selva à passé chisc dis l ejam de soportanza ambientala

Tl’ultima senteda dla comiscion per la soportanza ambientala él vegnù cialé tres 20 projec, anter chisc ence doi che reverda l teritore comunal de Selva, plu avisa l raion de Daunei y  l portoi dai schi „Cir“. Dal terac che manacia de smoié sun Daunei déssel vegnì avisé demez l’ega. Les roies, i aghés y les roles da l’ega dess vegnì metudes a forma de steila. L’ega vegnirà enscì abineda adum te trombons y aviseda tres n microtunel de 128 metri de lungheza tl ruf che regor davejin.  Sun l retrat: l raion da schi devers l jouf de Frera.

Con la valutazion positiva per cie che reverda la soportanza ambientala podaràn defata scomencé i laours per l implant da fé neif sun l’ultima pert dl portoi Cir che meina te Val. I diretours à dé pro al engrandiment dl implant da fé neif  per ruvé ju enfin al portoi da podejé. L implant engrandì darà la poscibelté de fé neif sun na souraspersa de 0,75 hectars de portoi dai schi y 0,6 hectars de portoi da podejé. Per chest laour vàl debujegn de mete ju calons da l’ega per na lungheza de 350 metri. (osp)

35 iadesc liet