L Radio Rumanc promuev l pop ladin
Al deida con sostegn profescional per arjonje produzions de aut livel musical – Radio y televijion rumancia sporj ence n servisc ampl de informazion on-line
L Radio Rumantsch à envié via de fauré de chest ann la scomenciadiva TOP POP Rumantsch con la pruma ciantia “Sorry baby – Quei vul dir perstgisa” (Chest vuel dí perdona) dla ciantadessa sursilvana Susanna Sabbadini. La seconda ciantia é dl grup Bulais, trames da audí on-line.L grup “Bulais” da l’Engiadina.
Con chesta iniziativa vuel l Radio Rumantsch aumenté y mioré d’en gre via l repertore de mujiga moderna rumancia-ladina con produzions enjignedes ca a n aut livel de cualité. L radio rumanc trasmet 15 ores al dí noeles, entrategniment y dantaldut mujiga.
Les paroles dla seconda ciantia dal titul “Mias s-charpas” (Mi ciauzés) é dla conesciuda poetessa engiadineisa Rut Plouda da Ftan. L grup “Bulais” é n duo: Oliver Pernet (ciant y piano) y Corsin Bisaz (ghitara). Ai sona deberieda dal 1992 y à bele dé fora n valgugn cd’s, duc per ladin engiadineis.
Susanna Sabbadini cianta: “Sorry baby – quei vul dir perstgisa”
 TOP POP Rumantsch: Susanna Sabbadini con la ciantia “Sorry baby – Quei vul dir perstgisa” – Scuté su la ciantia  |
| TOP POP Rumantsch: i “Bulais” con la ciantia “Mias s-charpas” – Scuté su la ciantia |
Al me plej
(0)Al ne me plej nia
(0)
(0)Al ne me plej nia(0)55 iadesc liet