Debata soura l proporz va inant

 

Willeit damana garanzies per i ladins en relazion al proporz –
L govern provinzial ne mostra deguna oredla


Tla senteda d’auril fòvel vegnù metù n pont sun l orden dl di dl Consei provinzial dal titul “debata sun l proporz y sia aplicazion” per i pité ai anconsiadours la poscibelté de fé domandes y damané spligazions soura duc i argomenc che reverda chesta materia.Te sia touta de posizion à l aconsiadour ladin Carlo Willeit fat deplù domandes, ma cotantes é romagnudes zenza resposta.

Perchel n’àl sen formulé valgunes tla forma de na interogazion y plu avisa vuelel savei sc’al é la volenté politica da lascé permez i ladins a les stieres te dutes les unités sanitares dla provinzia, zenza che ai messe se declaré de n auter lingaz per giaté l post de laour adaté y sce al ti vegnirà dé la poscibelté ai ladins da laoré ence ti comuns fora dles valedes ladines. Plu inant damana Willeit sce an é desponibli da sostegnì l sistem proporzional tres la sconanza y la promozion dl lingaz. (if) 

44 iadesc liet