Dai Grijons: na scola paritetica

Scola bilingua a Glion, rumanc y todesch a la pèr

Na proposta nueva di joegn dl partit Pcd dla Surselva

La sezion joena dl partit cristian democratich dla Surselva ti Grijons à lascé audì a Glion, la pruma zité a les spones dl Rein, (Ilanz per todesch) sia proposta sun l problem dla scola y ala volessa “introducir la scola bilingua”. La cossa peia via da na enrescida fata da Annalisa Cathomas anter 282 genitours de Glion, da olache an veid che plu dl 50% de chisc genitours é a una de “introducir a Glion ina scola bilingua che promovess parallelmein ed egualmein il romontsch ed il tudestg en scola primara”.

A Glion rejona l’80% dla popolazion rumanc. Enchinamai les families todesces s’à declaré a una con la proposta. Annalisa Cathomas rata, aldò di studi, che i scolés bilings sie plu flessibli y ch’ai ae de plu suzes “ella carriera da scola e meins difficultads d’emprender ulteriurs lungatgs”. Ence la president dla LR Vincent Augustin é dla minonga che la scola bilingua “seigi il tip da scola digl avegnir e rinforzi il prestige dil romontsch”. (jp)

Al me plej

(0)Al ne me plej nia

(0)

41 iadesc liet

Ortiede inant tres