Comentar al Convëgn da in vëindres

Mefodër à la medema maioranza refodè vigni mioramënt dla legia litala por i ladins – sëgn organisëiera en convëgn. En vëindres, ai 22 de novëmber, vëgnel fat tal consëi provinzial a Balsan n convëgn sön i ladins. “Die Ladiner – Minderheit in der Minderheit” àl inom; gnü organisé él dla presidënza dl consëi regional. En convëgn sön i Ladins cun carateristiches che à püch da fa cun en convëgn neutral: al è na manifestaziun sbilanciada dla pert dl partì SVP.

I salüc vëgn portês da Franz Pahl, Luis Durnwalder, Florian Mussner, Carlo Willeit, y spo da ghesc’ d’onur. Mancé mancia tla lista di salüc cinamai l’assessur regional Gino Fontana, assessur ales mendranzes, y chësc scebëgn che le convëgn vëgn organisé dla presidënza dal consëi regional. Impröma orôn inviè Willeit, rapresentant ufizial dla mendranza ladina, ma sciöche “ghest d’onur”, al à refusè y spo ti àn “almanco” conzedü de sporje na parora de salüt.

I referac vëgn fac danter l’ater da Cristof Perathoner, Roland Riz, Siegfried Brugger – na presënza sterscia de esponënc dla SVP insciö, ince esponënc nia dal consëi regional o ince de chi nia litês. Tla lista dai referënc Bepe Detomas, deputat ladin tal parlamënt. Nia tla lista dai referac le vizepresidënt y rapresentant ladin te consëi Carlo Willeit, ël chel é sté  a fà tröpes propostes tal consëi regional y provinzial por na miú sconanza dla mendranza ladina (propostes che la maioranza à refodé, che maioranza, a chëra che Pahl i dà tan de lerch pro le convëgn). Willeit podess baié de süa esperionza da ester mendranza tla mendranza – y dl comportamënt de na maioranza che n’á nia tröpa toleranza por la mendranza ladina, sciöche la legia litala y tröp d’ater evidenziëia.

Daldöt fala Gino Fontana, aconsiadù regional y provinzial a Trënt y lapró ince assessur regional, sciöche dit. La composiziun dai referënc ne respidlëia insciö nia les lites democratiches.

Giatfosch

Al me plej(0)Al ne me plej nia(0)

52 iadesc liet