Ciacia a San Martin de Tor: Protesta di iagri

 

La provinzia à lascè stlopeté vaces da cerf y vidì – Iagri da San Martin dër dessená 

Inće sce i iagri protestâ dassënn, á la provinzia lascé stlopeté bëgn 17 vaces da cerf  cun sü vidì tl revier de San Martin de Tor. L’intervënt è gnü fat de nöt, cun löms, fora dal tëmp de ćiacia y desco iustificaziun él gnü dit che le revier n’â nia albü ademplì (aladô dla provinzia) le plann d’abatimënt.

I LADINS condanëia chësc intervënt che po gnì odü desco n’invajiun y na puniziun dla provinzia al revier de San Martin. I LADINS ô porchël controlé do plü avisa sce le fat ne va mine cuntra la lege y sce al ne costituësc nia n abus de ufize.

43 iadesc liet