Degugn paiamenc ne vegn trac in lonch
“Sce l se ëssa tratà de mosces y nia dla cultura y independënza ladina, pona ti ëssa persones coche Thaler y Frick dessegur dat pro ala ghiranza de Willeit”, valuteia Willeit les ultimes ataches muetes da esponenc 
dla SVP todescia devers de sia ghiranza de damané na votazion do grups etnics dl capitul dl bilanz de previjion che reverda i sostegns ala cultura ladina. Scuntreda daverta chisc dis.
Le comuniché dla lista LADINS sun la chestion: “Che ora dl sënn ne possa nia regorer fundamënt, chël sàn, ma de fauzaries y baujies ne val ënghe no debujën. “Willeit ie de dann per dut l Sudtirol, dantaldut per i ladins! I paiamënc vën trac n lonch!” Chësta ie propaganda litela dal plu bon marcià! I seniëures Thaler y Frick ne cunësc no l bilanz y no i statuc. Nchina la fin dl ann ie n drova l bilanz atuel y ot dis do possa unì aprovà l nuef. L articul 84 dl Staut de autonomia vëij danora n dërt de n grup linguistich y nia na proibizion da pert di autri. Sce l se ëssa tratà de mosces y nia dla cultura y independënza ladina, pona ti ëssa persones coche Thaler y Frick segur dat pro ala ghiranza de Willeit. L ntardivamënt dl bilanz, che ne sarà nia y che ne ti fajerà dann a deguni, ie, sce mei, unì a se l dé per gauja dla SVP y si maiuranza, che ne n’à cater ani alalongia nia metù su la comiscion dl bilanz y ne n’à sën nia respetà i dërc di ladins y de si raprejentant te Cunsëi provinziel.”
(0)Al ne me plej nia
(0)1 iadesc liet