La Union Scritours Ladins Agacins ti à mané zeruch l contribut
y ne azeteia nia la coienaria dla Consulta Ladina y dl assessour
Do doi agn de protestes dla Union Scritours Ladins Agacins (USLA) y ence de valch autra union ti à la Consulta Ladina conzedù chest ann n contribut de 1.000 euro a la Union, se damanan na faturazion che cuere 16.800 euro de speises per podei l pié do. Chest vuel dí che al ne fova nia la volenté de ti dé n contribut, ma de ti tó la poscibelté de dí che ala ne à nia giaté n contribut. Messei corí 16 iadesc l contribut con fatures é fora de vigni mesura. Sun chesta ti à la Union atira mané zeruch l prepaiament de 800 euro, ne azetan nia na tel coienaria.
L statut de autonomia dl Trentin-Südtirol dl 1972 veid dantfora al art. 102: “Les popolazions ladines à l dert de valorisazion de sies scomenciadives de stampa …”, ma chest articul ne vel per la Consulta Ladina y souradut per l assessour Mussner nia, sce al vegn toché tematiches politiches che ne ti scusa nia. La Union di Scritours rata che chest comportament sie na ingiustizia contra l dert de na mendranza. La Consulta dess vedei ite che ence la stampa fej pert dla cultura y nia demé la mujiga y l folclor.
Union Scritours Ladins Agacins: Carlo Willeit tol posizion- Contribut a la Union Scritours Ladins Agacins
- Contribut a la USLA: Mussner resta dur, cie nen dij pa la Consulta?
- Union Scritours Ladins Agacins: Stritaries canche ala jiva di Agacins
- Mussner fej desche el fossa la Consulta a la Cultura Ladina
- Reazion da pert dl assessorat
Paroles de Carlo Willeit
(0)Al ne me plej nia
(0)1 iadesc liet