Eblul y Eurolang scluj
N pont de referiment a Bruxelles va enscì a perde
L Ofize Europeich di lingac manco deslargés (Bureau for lesser used languages -EBLUL) con senta a Bruxelles vegnirà sclut. L medem destin ti tocaràl ence a l’agenzia informativa Eurolang. La debata entourn la Costituzion Europeica y la Cherta di derc basics dova perauter adentene n tel svilup. Fondamentalmenter se tràtel de n’amiscion che al mancia l interes de tegní en pé de tel strutures a livel de Comiscion Europeica. La Cherta per i lingac regionai y minoritars y la Convenzion cheder per la sconanza dles mendranzes nazionales ne à nia out l orientament tla Comiscion.
I 8 empliés dla EBLUL é bele vegnus desmetus, tamben chi de Eurolang che laora endere inant zenza paiament. A chesta maniera perd i grups linguistics minoritars sie ofize de raprejentanza tla capitala dla UE a Bruxelles. Con la vertola che l ofize dl EBLUL é massa ti debic à la Comiscion tout la dezijion de scluje definitivamenter. L ofize giatova bele da n valgugn agn tres manco mesi finanziars. Viadedò stal l interes de n valgugn stac comunitars de ne volei nia avei na istanza a livel europeich che se mesceide te chestions internes per cie che reverda comunités de mendranza, dantfora la Francia.
Dal European Bureau for Lesser Used Languages (EBLUL)
Plan nuef d’azion dla Comiscion europea per i lingac
Liams:
(0)Al ne me plej nia
(0)2 iadesc liet