“Dessegur n bon afar per la provinzia, ma no per Gherdëina” – Südtirol nes ie debit de plu scuses per duta la baujies de si politicheri – Nëus ti sention grà a Willeit Se fidon zënzauter a dì, zënza ti to a deguni nia, che la Union di Ladins de Gherdëina, ie ndubiamënter la majera sce nia feter l’unica lia, almanco per antonomasia, che lëura da passa 50 ani dantaldut per la rujeneda de Gherdëina y po sambën nce per la cultura. Chisc merìc, bonamënter mëi udui it, ne se lascion danz to da deguni. Lascé frabiché l Chemun o la Provinzia sun nosc fonz, ie zënzauter n cajo mo da fe ora, ma cie a pa la U.L.G deplù sce chësc unissa veiramënter dant? L nes vën tëut l museum, che tumëssa tla puscion de un di doi, y pea samben la muredes dl frabicat nuef. Ala „Union” di restëssa inant sciche dant la cësa vedla. Dessegur n bon afar sibe per l Chemun che nce pe la provinzia. Ma a chësc ne dijun nia uni n contro o finanzié, ma bën dut auter. N cont dl Vize Presidënt dl cunsëi regionel y provinziel, dut. Carlo Willeit che ti iel tumedes acuses nia leales y da azeté, musson sciche U.L.G. ti sënti grà, ël ie veiramënter stat chëla persona, che à capì nosta ulentà y esigenzes, nes à tenì la scela zënza n sëul nteres de edilizia o espropriazion. Gherdëina ne na nia debujën de se damadné na scusa a Südtirol, per gauja de Willeit, ma musson vester cuntënc che la mëndranza ladina a mo politicri che fej la drëta politica y cëla sun d’ëi. Nëues raton che Südtirol, deberieda a si politicri, nes ie cajomëi debit de de plu scuses per dut l stuep y la baujies che ie unides smachedes tla mans ala populazion per confonder y nciurnì l’opinion publica. L nes ie unì tra dant che la „Union” ie na cossa privata, po nes vën bën dant de damandé, cie ie pa po duc i mega hotiei o la sozieteies dla furnadoies che vën bona perts finanziedes dala provinzia, zënza messei passé la pert finanzieda a d‘ëila?. I cunselieres dla U.L.G. lëura debant per la cultura y per l bën de nosta rujeneda, ne se meriton pa nia na lerch adateda, fajon pa fauz a servì y a curé i bujëns de nosta rujeneda? Samben che n iede vën l turism y la mega nfrastrutures che porta retlam i scioldi, po per tan giut..? Danter tuniei, furnadoies y wellnes, n uel for vester i prims o i majeri dl mont. Ma a pa nosta jënt, identità y rujeneda tan puecia lerch y mpurtanza tl mont dla politica? Chësc mesum de fé politica ie fauz defín,
Cun gran delujion, sënn y desplajëi, musson audì tan fauz che na pert de nosc polticri se raida ngiustamënter do si ulentà y vantaje duta la nformazions n cont dl marciadòz dla cësa di Ladins. Gherdëina ne na nia debujën de se damandé na scusa a Südtirol, per gauja de Willeit, ma musson vester cuntënc che la mëndranza ladina a mo politicri che fej la drëta politica y cëla sun d’ëi. Nëus raton che Südtirol, deberieda a si politicri, nes ie cajomëi debit de de plu scuses per dut l stuep y la baujies che ie unides smachedes tla mans ala populazion per confonder y nciurnì l’opinion publica. Sul retrat: l president dla ULG, Egon Vinatzer.
Na valeda, dantaldut da mont sciche la nosta, ne vif nia me dl caos dl turism, ma nce dla cultura y dla gheneda dla natura che desdrujon di per di. La bona armunia danter la populazion, vën desdruda, hizeneda y mpesteda da la stleta nformazions da pert dla politica partitica.
Speron purempo dla bona crianza, dla sensibltà, dla serietà y dl rëidl de nosc politicri, y che tla proscima ncunteda, ruverons a n bon fin, stlujan ju chësc capitl y per pudëi inò lauré inant tla pesc.
L president
Egon Vinatzer
(0)Al ne me plej nia
(0)2 iadesc liet