L Consei nuef dla Union di Ladins de Gherdeina
Vinatzer: “nost fin primar é chel de dé inant a nosc mutons y nevous la sensibelté per nosta rejoneda y nosta cultura”
En vender ai 18 de november 2005, da les 8 da seira él vegnù tegnù la reunion generala con vela dl consei nuef dla Union di Ladins de Gherdeina. Tres na desmostrazion con power-point él sté meso de mostré ai trueps prejenc na ativité sozioculturala scialdi rica de contegnus emportanc. Mujiga, leteratura, storia, rejoneda y n grum de manifestazions populares. Al é ence vegnù rejoné dla restruturazion dla Cësa di Ladins.
Egon Vinatzer, l president, entant sia relazion.
Les paroles dl president Egon Vinatzer: “Nost fin primar é chel de dé inant a nosc mutons, nevous y chi che vegn do la conescenza, l amour y la sensibelté per nosta rejoneda, per nosta cultura y dantaldut renforzé y ensegné l respet dla contreda y l creie a nosta indentité y raijes, ertes en
pe da nosc antenac, n creie a nosta esistenza nia sciche popul dl mond ma sciche n popul de mendranza fis dla tera ladina con duta sia coscienza, sies cualités y ence con dutes sies dificoltés. Nos son demé na fruzia anter les gran y emponentes rejonedes dl mond, ma na fruzia che viv, che laoura, che porta fruc y che trueps envidieia, propi per nosta unizité – ence linguistica. I messon dé inant, onoré y stimé con duta la coscienza y sinzierité i drec valours – chi plu fons – i valours de na picera populazion omla che coltiveia di per di la gran cultura dla vita.
La ULG à for sostegnù chi che combat contra l danejament dl ambient, ala se à for dé ju per renforzé les tradizions, la cultura y la rejoneda de Gherdeina, sostegnan scritours, publican sies publicazions, ma ence judan i ciantautours tres la publicazion de Cd’s. La ULG é la pruma sustegnidoura
dla rejoneda dla oma.”
Les veles é tomedes fora enscì: tl consei che restarà en pe per trei agn él ruvé ite:
Manuela Piazza, Egon Vinatzer,Stefan Kasslatter, Alex Moroder, Ewald Karbon,
Michaela Perathoner, Günther Pitscheider, Valter Fabbro y Gilo Prugger.
Al me plej
(0)Al ne me plej nia
(0)
(0)Al ne me plej nia(0)2 iadesc liet