UAL: valorisé miec la autonomia locala
LA UAL RATA SCLUTA JU UNA NA FASA DE COLABORAZION CON LA MARGHERITA DE TRENT CHE SE LIARÀ ITE AL “PARTITO DEMOCRATICO” A LIVEL NAZIONAL
Encuei se à abiné la Union Autonomista Ladina (UAL) per ejaminé deberieda i ultims svilups politics y per definì deberieda sun ciun troi varié inant. Da la descuscion él sauté fora clermenter che al va debujegn de valorisé tl davegnì ciamò miec les mersces distintives y particolares dl moviment ladin, vuel dì che al se trata de n moviment politich trasversal, etnich y teritorial, aldefora de vigni dialetica ideologica.
|
|
 La busia dles lites à metù man – La UAL mess poester se mesuré con “Autonomia Ladina Dolomites” |
Ajache l partì trentin “Civica Margherita”, i partners politics da sen dla UAL, se à lié permez al PD (Partito democratica) àn trat la conclujion che an ne ciafia de fé nia auter che conscidré scluta ju una na fasa de colaborazion strenta anter la UAL y la Civica Marghetrita. Les mudazions politiches tl panorama politich enueia (sforza) la UAL de laoré fora n projet politich nuef che peie via da la promozion y da la sconanza dla identité ladina y che tegne cont di valours a la fondamenta dla comunité, valours che promuev la persona, la solidarité soziala, la defendura dla familia y les comunités locales, n svilup sostegnoul y la sconanza dl ambient. La defendura dla autonomia y la valorsiazion dla partezipazion é si prinzips democratics. Aladò de chisc valours cernarà la UAL si compagns de viade. Per cie che reverda les ultimes debatudes de politica fiscala, partesc i esponenc dla UAL deplen les posizions di parlamentars dla Svp che se damana che al vegne ascuté su les plures dles mendres empreises turistiches y artejanales.
- SCE CHEST ARTICUL VES À ENTERESSÉ, VES RACOMANONSE DE LIEJE ENCE CHISC:
- La UAL peia endò via con Detomas
- Al é vegnù partí su les enciaries de partì – Emportant ester unis per arjonje deplù
- Ala bruj dassen la desfata litala, ma an ciala inant
- Al vuel ester na aisciuda nueva per se enjigné ca a les lites dl 2008 – Diretif nuef
- L Comun General de Fascia peia via
- L Consei provinzial de Trent à dé pro ai 9 de jugn 2006 la reforma istituzionala
- I ladins fascians à messú scraié dadaut per fé audì sia ousc
- Luigi Chiocchetti: l Comun General de Fascia raprejenteia na forma de autogovern che deida i ladins a mantegnì sia identité
(0)Al ne me plej nia
(0)2 iadesc liet