Toponomastica: cie ardiment

I ofizes dla provinzia produj demeztroi toponims a la "tolomei" y ti ei scriv enfinamai dant ai talians.  Tla medema delibera végnel ence dant Vistlesau (ence per talian), Würzjochmoos etc.I ofizes dla provinzia produj demeztroi toponims a la "tolomei" y ti ei scriv enfinamai dant ai talians. Tla medema delibera végnel ence dant Vistlesau (ence per talian), Würzjochmoos etc.

Sot a Durnwalder é la toponomastica gnuda trateda plu outes, mo an ne é nia ruvés anencef. Permó ti ultims agn de sia legislatura án laoré con plu scerieté ence da pert di talians che boicotova zenza vigni proposta che ne tigniva nia cont de duc i toponims

"Serighelamoos"? L dret inom ladin é Sarighela.

„Serighelamoos“? L dret inom ladin é Sarighela.

metus ju tl talian da Tolomei. Dl 2012 él nasciù na lege sun la toponomastica che ne parova nia damat. Ma contra chesta á l govern zentral fat recurs dant a la Court Costituzionala; chesta  ess dan puec dis audì da traté chest  problem, mo l  senatour Palermo á bloché dut, davia che al parova che la lege fossa gnuda refudeda. En San Matie ( 21.09.2016)  se á la Comiscion di 6 aposta abiné a Bulsan, mo ai á tizé legna verda che al é ju su n fum fosch y perchel messei tost endò se abiné  per aprové defin na norma de atuazion che dijará che na Comiscion paritetica dess ti fé les propostes a la provinzia per partorí la lege de toponomastica definitiva.

Al vegn rejoné de na  comiscion paritetica; paritetich vuel pu dì te Südtirol che vigni  grup mess avei raprejentanc unfat, zenza ne é na comiscion nia paritetica, mo che ala descrimineia l grup ladin. Mo rejoné án che al dess ruvé te chesta Comiscion  la medema cumpeida de  talians y de todesc, zenza ladins!!  An ne ará mine l ardiment da ignoré daldut l grup ladin che é l plu vedl de Tirol y  á i toponims plu vedli che mess gnì mantegnis inant! I ladins mess se fé avalei si derc pro la politica.
Lois Trebo
Al me plej(10)Al ne me plej nia(1)

624 iadesc liet

Ortiede inant tres

2 comentars a revert de "Toponomastica: cie ardiment"

  1. Erwin Valentini | 26/09/2016 da les 22:01 | Respone

    La chestion é tes la madema: Olà é pa i ladins? Dai raprejentanc ladins a Bulsan y a Roma ne podonse nes aspeté nia; ai raprejenteia dantaldut la SVP. I doi membri dla Convenzion di 33 - samben ence ei dla SVP- se à lascé audì fin a sen dantaldut scutan chiesc. Ma i autri, i autri partic, les lies culturales? La Union di Ladins dla Val Badia ova derzidé dant n per d'agn de se cruzié demé de cosses culturales: Ne é nia la toponomastica na cossa de gran importanza culturala? A cie moda ne se làscela pa nia ad entene con propostes y, sce ala mess ester, con protestes y manifestazions? Y chi che defen la natura y la contrada? Ne é nia la toponomastica n elemet essenzial dla contrada? Ne podessa nia chi che ova organisé la manifestazion sun Börz per la munt de Antersas ence organisé na azion per la sconanza dla toponomastica ladina strabaceda da chi dla politica? Scutonse duc chiec?

    Al me plej(5)Al ne me plej nia(0)
  2. i rapresentanc ladins se crüzia de saré les strades danter les valades ladines, degüna lerch por inoms ladins.

    Al me plej(1)Al ne me plej nia(0)

Scrive n comentar

La miscion e-mail ne gnirà nia publicheda.


*