Suns, festival dla ciantia 2010

La „Agjenzie Regjonâl pe Lenghe Furlane“ envieia en sabeda, ai 28 de aost 2010, da les 21.00 a Udin a la seconda edizion de SUNS, l Festival dla ciantia te lingac de mendranza.

 

L paion vegn metù su tla plaza zentrala de S. Jacum tla zité de Udin, sce al essa da plovei  tl Palamostre. Anter i davagnadours dla preselezion él ence les „Ganes“ de La Val con una dles mioures produzions musicales ladines da sie album „Rai de soredl“. Ales raprejenteia la Ladinia.
I grups dla edizion 2010 raprejenteia 9 mendranzes linguistiches europeanes che sona jendri musicai moderns desvalifs. Sciche l ann passé él ence eniann a la pert n grup ladin (Ganes) y n grup grijon (Pascal Gamboni).

Sit dl contest:

http://www.sunscontest.com/

olàche an pò scuté su dantfora na cercia dles cianties che vegnirà portedes dant.

Chisc é i grups che tol pert:

–  Bališ (rock per sloven da la Ciarencia/Austria)
–  Bentesoi (electro-dub da la Sardegna)
–  Ganes (terzet feminin soul-pop ladin) – http://www.myspace.com/ganesmusic (da aconsié dassen) Ganes - Rai de Soredl
–  Lou Seriol (folk-punk per ozitan)
–   R.Esistence in Dub (Reggae-Dub dal Friûl)
–   Pantan (Rock per furlan) – http://www.myspace.com/pantan (da aconsié dassen)
–  Pascal Gamboni (ciantautour dl cjanton di Grijons)
–  Shardana (Metal per sard)
–  Stephane Casalta (cianties de autour da la Corsica)

I doi vencidours dla seira, un lité da na juria internazionala y l auter dal publich podarà tò pert a la finala dl Liet international (Festival dla ciantia de grups de lingaz minoritar – ciala tref de youtube judapé dla pruma plata dl sit) che vegn organisé a Lorient tla Bretagna/Francia tl meis de november. An podarà dé ju sia ousc ence, zenza ester stés a Udin, sun l sit internet www.ondefurlane.eu, olàche l conzert vegn dé tres en Pantan: grup furlan rock„streaming“.

 

Al me plej(0)Al ne me plej nia(1)

437 iadesc liet

Ortiede inant tres

Scrive n comentar a revert de "Suns, festival dla ciantia 2010"

Scrive n comentar