Norman Kostner é secont tla Millegrobbe
de Alexander Stuffer
Pro la garejeda de pudejé a tapes Millegrobbe sun l Lavarone arjonj Norman Kostner de Urtijei l secont palzament te classifica generala a doi seconc dal gran campion Gianantonio Zanetel. Al à fat pert l prum iade na tel garejeda de pudejé a trei tapes y à atira desmostré de ester anter i protagonisc’. Pro les eles à venciù Anna Santer de Cortina.
Norman Kostner: endò en forma tla garejedes a skating
En vender, sabeda y domenia é Norman Kostner ruvé trei iadesc terzo sun les tapes de ca. 30km. En domenia, pro la terza y ultima tapa se sentiva l atlet che fej pert dla scuadra Winterthur-Land Service for miec, l skating se à endò desmostré de ester sia specialité y anter i passa 300 concurenc n’él sté degugn che é ciamò sté bon de ti tò l „plazament de onour”. Norman Kostner ruva terzo tla joleda de cater y deventa enscì vizecampion dla garejeda trentina; garejeda de pudejé cpn l sistem dles classiches con la roda.
Chest fin dl‘edema garejeiel endò con la scuadra nazionala pro la Marcialonga.
La classifica dla 23esma Millegrobbe
1 Gianantonio ZANETEL G.s. fiamme oro moena 2.04’20″30
2 Norman KOSTNER Winterthur land service team 2.04’22″70
3 Maurizio POZZI C.s. forestale dello stato 2.04’26″50
4 Faustino BORDIGA G.s. fiamme oro moena 2.04’34″90
5 Luciano CARDINI C.s. forestale dello stato 2.05’09″40
6 Fabio SELLE Winterthur land service team 2.05’26″30
7 Johan HENRIKSSON Svezia 2.05’27″80
8 Reinhard KARGRUBER G.s. hartmann 2.06’32″50
9 Alfio DI GREGORIO G.s.a. val leogra 2.07’45″40
10 Ivan DEBERTOLIS G.s. hartmann 2.09’03″90
(0)Al ne me plej nia
(0)1 iadesc liet