Sostëgns finanziars ala cultura Ladina

 

Cialé olàche i sostegns va de uega

Enconteda dla Consulta Culturala Ladina con i raprejentanc dles unions

Sön proposta y deboriada cun la Consulta culturala ladina mët a jì l’Assessorat por la scora y cultura ladina en convëgn a chël ch’al vëgn invié i presidënc y i rapresentanc dles lies culturales ladines, i assessurs ala cultura di comuns, les ploanies y en rapresentant dles lies dl turism

Ci sostëgns ala cultura ladina? Le convëgn “Svilup y sostëgn dla cultura ladina”, é söl program en mertesc, ai 18 de novëmber 2002 dales 14.30 tl frabicat nü dlungia le Museum Ladin “Ciastel de Tor” a San Martin de Tor y é ponsè sciöche continuité dles incuntades tignides a Ciastel Badia dl 2000 y a San Linert de Badia in l’ann passè. I tems söl ordinn dl dé te chësc convëgn sarà: “Cultura ladina danter sostëgn ala tradiziun y al’inovaziun”, cun l’assessur ladin Florian Mussner. Inant gnarál dè informaziuns sön “Les modalites y prozedöres dles domandes de contribuc cun i criters nüs por la cultura ladina” da pert de Alfred Irsara, diretur de Repartiziun scora y cultura ladina. “La promoziun culturala te n raiun periferich”, é le tem cun chël che al se darà jö Roland Verra, mëmber dla Consulta culturala ladina. “Le svilup cultural a livel de comun pian ia dal Comun de Badia”, é spo le referat de Ugo Dorigo, ombolt de Badia. “L’ativitè culturala tles valades ladines udüda da foradecà” é le tem portè dant da Elisabeth Baur-Großrubatscher, assessuria por la cultura, scola y afars soziai tl Comun de Urtijëi. Conscideranziuns por le dagnì sön “L´Istitut Cultural Ladin Micurà de Rü à 25 agn” gnará dades da Hugo Valentin, president dl Istitut Cultural Ladin “Micura de Rü”. Dan dal pice renfrësch final gnarál fat ciamò na discusciun finala y deplü conscideraziuns sura le fin de chësc convëgn da pert dl presidënt dla Consulta culturala, Carlo Willeit. (Ofize Stampa Provinzial – Elmar Burchia)

2 iadesc liet