Seira leterara

 

Maria Pedevilla y Ivan Senoner liej dant da sies conties

Enconteda con autours ladins ai 18 de november a La Ila y ai 25 de november a Urtijei

Maria Pedevilla dla Val Badia y Ivan Senoner de Gherdeina che é vegnus premiés per sies conties pro la pruma edizion dl concurs leterar “Autours ladins scriv …” à la poscibelté de porté dant sies stories scrites per ladin a n majer publich. Les does conties é reportedes tl liber “Autours ladins scriv …” dé fora per chesta ocajion. Pedevilla y Senoner liejarà dant sies conties en juebia ai 18 de november 2004 da les 20.00 tla biblioteca dla Ciasa de cultura a La Ila.

Dedò vegniràl tegnì na discuscion a chela che al tolarà ence pert Iaco Rigo y Iaco Ploner. La manifestazion vegnirà modereda dal Ispetour dla scola Lois Ellecosta. A Urtijei vegnirà la seira de letura envieda via tla scolina “Salieta” ai 25 de november 2004 da les 20.30. Al tolarà pert a la discuscion atira dedò Ferruccio Dalle Cave, Bruna Maria Dal Lago Veneri, David Lardscheider y Frieda Piazza. Da moderadour fajarà l intendent ladin Roland Verra. La familia Ploner da Runcadic abelirà trames les manifestazion con de beles melodies. (osp)

2 iadesc liet