Autours ladins liej dant
Rut Bernardi, Daria Valentin y Ivan Senoner á liet dant fora de si ultims laours leterars
Dret plajoula é steda la seira de leteratura y de prosa ladina envieda via a Bulsan en l’edema passeda sun iniziativa dla Consulta per i problems ladins dl Comun de Bulsan con i cater autours Daria Valentin, Rut Bernardi, Ivan Senoner y Lois Craffonara.
Rut Bernardi á liet fora de sies ultimes produzions: “Gherlandes de sunec” y dai juesc auditifs “Stories crimineles”, pensiers che descriv con umorism l mond ladin, taialonges y d’auter; Daria Valentin da sie prum liber de poesies “Lüch d’Arjent”, poesies personales curedes tl stil linguistich y Ivan Senoner n capitul fora de sia pruma contia “La ueia de pié via” te chela che al descriv i sentimenc de n bera “metú via” te na ciasa de paussa y damprò da sie 100eisem compliann. 
Lois Craffonara á depierpul liet dant fora dl liber “Flus” che reporta “l miour” fora dla leteratura grijona y furlana limedes pro al son dl ladin dles Dolomites. Te chest contest ti spétel samben a la leteratura furlana la majera ampleza de stils y de argomenc. Acompagnament musical é vegnú sport permez da Alessandro Trebo al clavier y da Gabriele Pesaresi al contrabas. Monika Willeit á caraterisé i autours y condut tres la seira. Chilò dessot n valgunes fotografies dl event.
(0)Al ne me plej nia
(0)1 iadesc liet