Maria Pedevilla y Ivan Senoner liej dant da sies conties
Enconteda con autours ladins ai 25 de november a Urtijei
Pro la seira de leteratura metuda a jì a La Ila à Maria Pedevilla y Ivan Senoner liet fora dles conties premiedes en ocajion dl concurs leterar “Autours ladins scriv …”. Dedò à l ispetour dla scola Lois Ellecosta daurì na discuscion sun la leteratura contemperanea ladina. L preve Iaco Ploner à dit che pludadie fova l interes per la leteratura ladina majera co aldidancuei: al gniva pu ence rejoné de ”Aisciuda leterara”.
Endere encuei ti màncel al ladin sovenz les regoles y l lingaz n’é nia plu net. La cuantité ne mancia dessigur nia, ajache la metuda en stampa de operes leterares vegn sostegnuda dassen da les istituzions, ma cie che fala é plutost la cualité, à sotrissé Iaco Rigo. “L lingaz ladin é zenzauter adaté per la leteratura, ma les paroles dess gnì cernudes con plu sensibelté”, à afermé Iaco Rigo. La proscima seira de letura gnirà envieda via en juebia, ai 25 de november 2004 da les 20.30 tla scolina “Salieta” a Urtijei. Maria Pedevilla y Ivan Senoner prejentarà siei tesc’. A la discuscion sun l emportanza dla leteratura ladina te Südtirol che gnirà tegnida atira dedò, tolarà pert Ferruccio Dalle Cave, Brunamaria Dal Lago Veneri, David Lardschneider y Frida Piazza. Da moderadour fajarà l intendent ladin Roland Verra. Dutes les persones interessedes é enviedes a tò pert.
Pro la seira de leteratura metuda a jì a La Ila à Maria Pedevilla y Ivan Senoner liet fora dles conties premiedes en ocajion dl concurs leterar “Autours ladins scriv …”. Dedò à l ispetour dla scola Lois Ellecosta daurì na discuscion sun la leteratura contemperanea ladina. L preve Iaco Ploner à dit che pludadie fova l interes per la leteratura ladina majera co aldidancuei: al gniva pu ence rejoné de ”Aisciuda leterara”. 
(0)Al ne me plej nia
(0)