Scrive ladin-ampezan

Da la fin de merz inant métel man tla Ciasa dles Regoles a n’Ampez endò l curs de ladin-ampezan metù a jì dal Istitut Ladin „Cesa de Jan“ deberieda con l comun d’Ampez y les  Regoles. L curs dl ann passé à abù bendebot de resson y ence chest ann se aspéten na gran partezipazion.

L curs de ladin-ampezan propon da emparé da scrive, pian via da la vita da vigni dì desche ala vegn conteda dai partezipanc tl ladin-ampezan rejoné encuei. N proverb dij „sun cie che an sà ne méssen nia paié steores“.  Les iscrizions vegn toutes su al numer de telefon 0436/2206 che sporj ence vigni informazion d’utl. L curs é partì ite te dues fasces orares a na moda de deslarié les poscibeltés de tò pert: una da les 17.00 a les 19.00 y l’autra da les 20.00 a les 22.00. L gre de ensegnament gnirà stabilì aladò dles conescenzes di partezipanc. Les encontedes é davertes a duc y metarà man dai 30 de merz.

 

Al me plej(0)Al ne me plej nia(1)

924 iadesc liet

Ortiede inant tres

Scrive n comentar a revert de "Scrive ladin-ampezan"

Scrive n comentar