L projet „assegurazion per l guern“ te internet
Dut cie che é interessant da savei sun l projet „assegurazion per l guern“ te Südtirol é da sen inant da abiné ence te internet.
Do che an à bele publiché y spartì fora l codejel (brosciura) de informazion dal titul „Gutes Gefühl – Die Pflegeversicherung des Landes Südtirol“, (samben demé per todesch y talian, i ladins ne esisteia nia tla provinzia dles mendranzes, n.d.r.) pò sen la jent ence cialé do plu avisa duc i particolars sun chest projet tles plates dla rei zivica (www.provinz.bz.it/pflegeversicherung). An giata na lingia de domandes-respostes a argomenc desvalifs: dert a l’assistenza, prestazions asseguratives, assegns de prestazions de guern, grovaries, esenzions y contribuc de oblianza y e.i.. Al é ence prevedù la poscibelté de dejciarié ju la brosciura entiera. 
Per de autres informazions pòn contaté l ofize provinzial per l’assistenza integrativa, tla streda dla Liberté 23 a Bulsan, numer vert 800-018796, numer de fax 0471-41 16 69, e-mail vorsorge@provinz.bz.it; Internet: http://www.provinz.bz.it/pflegeversicherung (fontana: OSP)
(0)Al ne me plej nia
(0)2 iadesc liet