Roberto Maroni: Ie son con vos

Maroni a Bigontina: “le son da vosta pert”

L Minister ai Interns, Roberto Maroni (Lega Nord), à clermenter dit de ester da la pert di Ladins tla chestion dl referendum da souramont

Dant a 2 dis se à abiné na picera delegazion ladina con a cef Siro Bigontina (comité de Anpezo) con l Minister ai Interns, Roberto Maroni. Bigontina à podù rejoné plu de 1 na ora empera. Desche Siro Bigontina à dit fova l minister dret informé sun la chestion dla tripartizion fascista di ladins y sun l referendum de otober dl 2007.

Roberto Maroni y Siro Bigontina en gaujion de sia enconteda dant doi dis.

Maroni ti à asseguré dut l sostegn a les ghiranzes di ladins da souramont y ti à empermetù a Siro Bigontina che el rejonarà ence con si aliés dl PDL (Polo delle Libertà) per podei porté inant la chestion. Maroni a Bigontina: “Ie son da vosta pert!”, àl dit.
Con chesta posizion se à Maroni clermenter metù contra l governadour dl Venet , Giancarlo Galan. An spera sen che la Lega Nord mantegne les empermetudes fates a la delegazion ladina de se empegné per i ladins, spo podessa les cosses se mete sun na bona streda per ampezans y fodoms.

Al me plej

(0)Al ne me plej nia

(0)

1 iadesc liet

Ortiede inant tres