Rerendum da Souramont: la Court de Cassazion dezid sun l’amissibelté

Les trei deliberes é sen a Roma

LA COURT COSTITUZIONALA DEZID SUN LA AMETIBELTÉ DL REFERENDUM – BONAMENTER TE 5 MEISC VEGN I SENTADINS CHERDÉS A LES URNES

de Lorenzo Soratroi

I raprejentanc dles aministrazions de Fodom, de Col y de Ampez, Bruno Dimai Fileno y Siro Bigontina Titoto à deponù i dis passés tla Canzeleria dla Court Costituzional a Roma les deliberazions di trei comuns ladins da Souramont che damana de podei mete a jì n referendum per passé a la Region Trentin Sudtirol. Duta la pratica é vegnuda prejenteda y é vegnuda firmeda da Dimai.

Bruno Dimai, vize-ombolt de Ampez, promotour dl referendum a Souramont.

Ladinia y referendum
L referendum pò desdruje a fonz la utopia ladina ma al pò ence ti dé na sburla forta a na comunanza nueva de ideai y de enteresc che nos conescion con l inom de LADINIA

“Ampez deida unì les Dolomites”
Reinhold Messner: i son mez ladin y mez sudtiroleis – Ie son per n referendum – Les Dolomites é i creps plu biei dl mond

I volon la reunificazion di ladins
Sen ruva la chestion a la Court de Cassazion che fissarà la data dl referendum, bonamenter da d’auton 2007

aprò n poch de documentazion per sostegnì chesta ghiranza. Sce al jirà debujegn de sclarimenc, messarà i funzionars ti damané al referent Elio Casadei, aciasé a Roma y che i comuns a nominé sun consei de d’autres aministrazions dla zona dl Tagliamento tla Region Venet che à bele dé chest vare per damané de passé via tl Friul. La Court de Cassazion arà temp enfin ai 15 de jugn per dezide sun l’amissibilité dl referendum, spo ti tocaràla al Minister ai Interns de dezide l dì che al vegnirà daurì les urnes. Rie da fé na previjion sun i temps, ma an pensa che al volarà ester entourn ai cinch meisc. Al podessa ester che bele ite per otober o november les popolazions de Fodom, de Col y de Ampez posse dì la sia sce resté pro l Venet o passé via con l Trentin Sudtirol. Entant ésen te chisc trei comuns do a mete en pé n comité che arà da coordiné duta la campagna de informazion y de sensibilisazion anter la jent. L comité sarà formé da doi raprejentanc per vigni val nominés da les Unions Ladines, cheles che à envié via la domanda de fé l referendum.

La discuscion é entant bele daverta. An en descor tles plazes y tles ostaries. La jent se damana y souradut damànela de capì cie fé. La levina de comuns che à damané de sciampé dal Venet, ultims chi sun l altiplan de Sleghe/Asiago, ti à fat derzé les oredles ai politics aunejians y romans. L sotsecreter dl govern Prodi é ruvé enchestadì a Belun a prejenté sia rezeta che essa da archité la sangoneda de comuns dal Venet y de Belun dlvers dl Trentin-Sudtirol. Ala se trata de n fond perecuatif con finanziamenc statai y da pert de Trent y de Bulsan che dessessa vegnì destinés ai comuns che tarmeneia con la region autonoma. Puec dis do él vegnù firmé n auter acord anter Dellai, president dla Provinzia de Trent y Galan, governadour dl Venet. Ence chilò n auter carnier olà mete ite dinés (Dellai à bele asseguré 10 milions de euro) per fermé i comuns che vuel sciampé. Ma Durnwalder à entant dit che al ne metarà ite nience un n euro, ence sce al à dit de ester a una de colaboré pro projec che va soura i confins fora, desche la pista dles rodes anter Cortina y Dobiach o la ferata che n iade liova adum la Ciadoura, tres Cortina, con la Val de Puster. L’imprescion é che chisc sibe dut spiedli per les derjoles. Dessegur él che an ne à nia ciamò ben definì coche ai funzionarà chisc fonds de perecuazion. Al someia enfinamai che un vele demé per i dodesc comuns dla provinzia de Belun che confineia con Trent y Bulsan y chel auter per duc chi dl Venet. Ma spo pa? Al é ben da mete pen coche ala jirà a finì. A la fin volarà duc podei ruvé pro cianel, desche al é suzedù con i finanziamenc a la cultura ladina. A benefizié de chisc finanziamenc saràl endò i comuns dla planura, chi plu damprò a Venezia/Aunejia y che à plu peis desche cumpeida pro les lites. Ai comuns da mont ne ti restaràl nience les fregoles. Chi saràl pa spo che garantesc che chestes cianeles vegne tresfora emplenides? N dì o l auter, con la vertola che al mancia dinés, restaràles endò vuetes. Enlaouta scomenciaràn endò a descore de referendum.