L „Regn de Fanes“ a Los Angeles

L film „Le Rëgn de Fanes“ de Susy Rottonara, Roland Verra y Hans Peter Karbon à davagné enier, 30 de dezember 2009, ben 5 pesc‘ al festival internazional Reel Film Festival.

(www.lareelfilmfest.com, a Los Angeles, California/Stac Unis). Y al ne é nia l prum pest che l film à podù pié do. Ai  6 de auril 2008 fòvel vegnù premié la ciantarina y tl medem temp enstessa compositoura dles mujighes originales dl film, Susy Rottonara, a Asbury Park tl New Jersey (Stac Unis) con l prum pest pro l Garden State Film Festival per la mioura „ciadeina sonoura internazionala“ (best international score).  De otober dl ann denant 2007 à l film tamben trat l prum pest per la mujiga da film pro l „Music Festival“ de Londra.

Foto: Tone Palfrader (Re de Fanes), Susy Rottonara (Dolasila) y Cristina Nagler Crazzolara (Reina de Fanes).
L film „L Regn de Fanes“ per chel che Susy Rottonara à componù les mujighes sceniches, é l prum film dediché deplen a les lijendes de Fanes. Al é vegnù realisé dl 2005 sun enciaria dla RAI de Bulsan.
La finamira dl Reel Film Festival é chela de ti sporje n reconesciment a ideadaours (scritours y rejissours) talentés de films independenc. L „Regn de Fanes“ à trat chisc pesc‘ tl cheder tl Reel Film Festival:
– 2. pest assolut tla categoria „Foreign Films“ y ben cater prums pesc‘:
– Best Foreign Film Digital Effects
– Best Foreign Film Special Effect (Make-up)
– Best Foreign Film Stunts
– Best Foreign Film Costume Design

{japopup type=“iframe“ content=“http://www.noeles.info/noelesnet/modules.php?name=News&file=article&sid=1678″ width=“700″ height=“500″ }Trionf tl’America{/japopup}

 

www.lareelfilmfest.com

Al me plej(0)Al ne me plej nia(0)

677 iadesc liet

Ortiede inant tres

Scrive n comentar a revert de "L „Regn de Fanes“ a Los Angeles"

Scrive n comentar