Puec dis dant la sanificazion dl beat

 

Freinademetz: tost sant

Martir dla pazienza y dla fedelté

(sb) An s’enjigna ca a pié via, per jì a Roma a tò pert a la santificazion de nost beat Ojöp Freinademetz. Da can che al é vegnù fat beat àn podù lieje valch deplù sun sia vita. Al é mort per gauja dla malatia dl malac y perchel ne végnel nia declaré martir, ma al é sté, sciche an pò vedei dai articui publichés te chisc ultims temps, n martir dla pazienza, dl tegnì fora y dl sté fora, dla forza de perdoné. Truep àl messù s’en sté fora per la politica europeica de colonisazion che dessenova su i cineisc y chisc ti dova dl malan europeich al beat. L fatour politich à abù sia pert enfinamai te si raporc con l vescul, nia demé perchel che al ti é ju dant tla lita davia che al fova n todesch di Paisc Todesc y Freinademetz n todesch d’Austria, ma souradut ajache al se astilova da vescul todesch, empede da vescul verbit.

Freinademetz à tres tegnì permez a sie program da ploan joen: salvé les animes, se festidié dl regn de Die. Sia pazienza l’à sticheda, ence sce al à messù jobelné na pert secondara. Al giata sen l pest per sia fedelté, virtù encuei dassen drameda ju.(Ls:if)

10 iadesc liet