Lis miors produzions discografichis in lenghe furlane
Na manifestazion tl Friul che podessa ence ester d’interes per i ladins dles Dolomites – L program pòn vedei sot www.musicologi.org
Sabide e domenie, ai 8 e 9 di novembar, si davuelzarà li da l’auditorium “G. De Cesare” di Remanzacco/Remanzâs (dongje Udin) la seconde edizion di Notis su notis, la cunvigne regjonal dai musicisc’ e dai operadôrs dal setôr musiche, realizât da l’Associazion Musicolics in colaborazion cun la Patrie dal Friûl e cun il jutori de Province di Udin. L’edizion 2003 di “Notis su Notis” si insede ancje te premiazion dal “Premi Tôr” che il Comun di Remanzâs di agns in ca al inmanee par prudelâ lis miôr produzions discografichis di musiche in lenghe furlane. Il conciert di premiazion si davuelzarà li dal Auditorium “De Cesare” Sabide ai 8 di Novembar aes 8.45 sot sere. “Notis su Notis” e je par prionte (a d’enjonta) un lûc e un moment di dibatiment che si davuelzarà par grops di lavôr tematics, frontant une schirie di cuistions su la musiche in dì di vuê:
– l’educazion musicâl tant che “rimiedi” ae musiche di marcjât; – la funzion de stampe, de radio, de television, di internet pal orientament dai guscj musicâi dal public (grop dedicât ai gjornalisj e ai operatôrs de comunicazion);
– la funzion dai piçui grops musicâi e l’interès des Instituzions pai midiesims;
– l’origjinalitât e la specificitât de musiche in Friûl.
A “Notis su Notis” a saran presints i rapresentants des plui impuartantis realtâts musicâls de Regjon, e a saran invidâts i rapresentans des Instituzions regjonâls e locâls ch’a an l’assum di promovi la culture e la produzion musicâl. E je ancje previodude la presince di ospits innomenâts.
Vie pe manifestazion si davuelzarà une “Fiere-marcjât”, organizade de clape “Musicologi”, li che si podarà comprâ i miôr CD de produzion musicâl dal Friûl-V.J.. Ducj i artiscj e i musiciscj presints a podaran vendi e distribuî i lôr lavôrs vie pe zornade.
Par informazions:
Associazion Musicologi: notis@musicologi.com – www.musicologi.com
la Patrie dal Friûl: patrie@friul.net – tel. 0432-981411
Al me plej
(0)Al ne me plej nia
(0)
(0)Al ne me plej nia(0)2 iadesc liet