A prié a Baissenston, ence per la reunificazion di ladins
Na intenzion clera a la unité di ladins da pert di presidenc dles Unions di Ladins
Despartis da la politica y da la storia à i ladins desmostré ciamò n iade na gran vueia de reunificazion pro l tradizional pelegrinaje de en domenia passeda (30.09.2007) al santuar de Peralba/Baissenston. Plu de 220 ladins da Fodom, Col y Ampez s’à abiné con chi ruvés da les autres vals dl Sela y da la Provinzia de Bulsan per la Via Crucis y la s. messa sun l plazal viadò l santuar. Na enconteda tl segn dla religiosité de chestes popolazions che fona les raijes tla tradizion y tla devozion a la Madona di 7 dolours (chest ann él vegnuda metuda a jì dal Decanat da Fodom ). Ma l clima da referendum sentìven plu che mai y i referimenc a la votazion dl 28 y 29 de otober ti trei comuns ladins sot a Belun é vegnus fora plu o manco clers ti trueps momenc dla giorneda.
Da les undesc y mesa dal mesc Kehr, dlongia Nova Ponente/Deutschnofen, é i fedei piés su per la carateristica Via Crucis che conduj a Baissenston. Con la bandiera ladina dantfora, à la longia prozescion de pelegrins prié dant a les 14 stazions per ladin, latin y talian do al bel liber, outé tl idiom fodom per chest apuntament da l’Union di Ladins da Fodom. Te chesta ocajion él ence vegnù benedì i ultims cater anteriuei dla Via Crucis, fac dai studenc dl Istitut d’ert de Poza de Fascia. Ruvés al santuar, à i pelegrins abù l’acuei dla joena mujiga da Fodom, ensegneda via da Laura Argenta, che à tegnù n pice conzert. Do la desfileda enfin te gliejia per n moment de venerazion dant al auté dla Madòna, à plovans da La Plié, mons. Alfredo Murer, da Col, don Riccardo Parissenti, da Reba, don Luigi Del Favero y l priour dl santuar don Lino Pacchin, conzelebré la s. messa olàche ciamò n iade l é vegnù adoré l ladin, l latin y l talian, acompagneda dal Cor de Gliejia da La Plié, ensegné via da Denni Dorigo y dal Cor Fodom ensegné via da Lorenzo Vallazza, che à cianté l Pere Nost per fodom. Prejenc l capocomun da Fodom Gianni Pezzei y chel da Col Paolo Frena y raprejentanc dles assoziazions ladines. Tla perdica, à tout don Luigi l ejempl da na frasa dles letures per fodom, per sotligné la vivarosité y l’espressivité de chest lingaz. N envit él vegnù da Tone Pollam, president dl’Union di Ladins de Fascia, ai plovans, percie che ai deide a tegnì su la cultura ladina ence con l adoré l lingaz ladin te gliejia. Na intenzion clera a l’unité ladina é vegnuda depierpul dai presidenc dles Unions Ladines de Fodom y de Ampez, Cristina Lezuo y Elsa Zardini. La giorneda s’à sclut ju con n conzert dl Cor Fodom. Tl salf di congresc damprò dal santuar, él vegnù daurì ence na mostra de guanc da zacan da Col. (ls)
Despartis da la politica y da la storia à i ladins desmostré ciamò n iade na gran vueia de reunificazion pro l tradizional pelegrinaje de en domenia passeda (30.09.2007) al santuar de Peralba/Baissenston. Plu de 220 ladins da Fodom, Col y Ampez s’à abiné con chi ruvés da les autres vals dl Sela y da la Provinzia de Bulsan per la Via Crucis y la s. messa sun l plazal viadò l santuar. Na enconteda tl segn dla religiosité de chestes popolazions che fona les raijes tla tradizion y tla devozion a la Madona di 7 dolours (chest ann él vegnuda metuda a jì dal Decanat da Fodom ). Ma l clima da referendum sentìven plu che mai y i referimenc a la votazion dl 28 y 29 de otober ti trei comuns ladins sot a Belun é vegnus fora plu o manco clers ti trueps momenc dla giorneda.
(0)Al ne me plej nia
(0)