La SVP ladina: “Nos son liés ai valours cristians” La SVP “ladina” mostra publicamenter sia ideologia reazionara, intoleranta-medievala. Che i omesessuai ne pò nia vegnì discriminés stal scrit ence ti prinzips di derc umans che arven la Union Europea. La Talia mess se adegué a chestes normes (Schengen). La SVP “ladina” endere se sent bravia per sia strentura mentala. I Pacs, l pat zivil anter does persones, é na chestion dl stat zivil. Per cie che reverda la morala dess vignun cialé de se enstes y de sia morala de familia. Enlò àl bel assé da fé. (mt)
Dlongia la proposta de lege litala dla SVP à l “Verbindungsausschuss” (jonta) dla Svp ladina en chisc dis a Neustift (luech tradizional de enconteda) ence tout posizion sun la proposta de lege nazionala di “Pacs” che veid dantfora l reconesciment de unions ziviles. La jonta é contra n reconesciment de relazions omosessuales desche matrimone-omosessual. “Al é dant man d’autres poscibeltés tl dert zivil de se seguré ju derc. La familia é la coa dla sozieté, nos messon mantegnì nosc valours y i dijon n no cler al matrimone-omosessual”. Chesta é la posizion dla Svp ladina.
COMENTAR: BRAVIA
Desche tant gonot él la falsificazion di fac a la basa de chesta touta de posizion. Ala ne se trata nia de “Homo-Ehen”, ma de n pat zivil anter does persones, encuei legal te bona pert di stac dla Union Europea.
“Nos ladins nes sention liés ai valours cristians. Nos tegnon pro nosta politica y pro nosc valours che à da tres caraterisé la politica de nost partì”, va inant Bioc Gasser, sorissan: “La Svp à demé sclut ju n pat de coalizion con l zenter man ciancia, ma chest ne vuel nia dí che la Svp sie oblieda de porté pera te dut na tel lege. Nos ne podon nia y ne volon nia mete sun l medem scialin l matrimone tradizional con d’autres formes de convive. La politica dess plulere encorajé jent joena de se maridé y da emplanté su familia che é la pera da cianton de nosta sozieté”.
(0)Al ne me plej nia
(0)2 iadesc liet