Orizont 7 con Egon Vinatzer

N arichiment en plu tl mond dla televijion tla rejoneda ladina con la trasmiscion Orizont 7 de za. trenta menuc.

 La trasmiscion é ideeda y meneda da Egon Vinatzer de Urtijei. „Al se trata de na trasmiscion che ti darà peis a la cultura, a les tradizions populares, ma ence a les entravegnudes enteressantes y dantaldut a la vita plu scempla ence dl vignidì dla populazion dla tera ladina“, spliga Egon Vinatzer y enjonta: “Tres nostes cameres volonse conté la storia, la vita, l’economia, l artejanat, l’ert y pera ence i momenc partricolars dla jent tla Ladinia. I jiron ite tles ciases a s’la ciacolé con persones che à vivù momenc particolars o ence mé per nes fé conté sies stories. I volon dediché ence a trasmiscions con meises torones de informazion o ence de confront olàche al vegnirà traté argomenc atuai y ence soziai“.
{xtypo_quote_right}Orizont 7 vuel deventé n puent sterch y emportant anter les valedes y la jent ladina. Na trasmiscion per ladin, olàche duc i cinch  idioms sarà da audì.{/xtypo_quote_right}Con Orizont 7 volonse pité n’alternativa a dutes les majeres televijions. I jiron tres dutes les valedes ladines dai luesc mendri a chi plu conescius y majeri, y da chilò contaronse dal vif dla populazion avenimenc y de bloc fac“.  Entant sciche proa, é les prumes trei trasmiscions vegnudes sponsorisedes da la Region Trentin-Südtirol. Bele da n valgunes edemes laoura na troupe de TCA con pascion y ligreza pro chest program. Tres Orizont 7 vuel l autour y meinatrasmiscion Egon Vinatzer porté tles ciases ence les cosses che an ne aud y ne veid zenza nia: “Datrai él propi les piceres cosses omles che é emportantes per nost davegnì cultural y esistenzial. Cosses y fac a chi che les autres televijions ne ti dà deguna emportanza, metaronse nos ades al prum post“, dij Vinatzer. Orizont 7 vuel deventé n puent sterch y emportant anter les valedes y la jent ladina. Na trasmiscion per ladin, olàche duc i cinch idioms sarà da audì. „Na maniera lesiera de fé televijion zenza volei pretene l mond, ma olàche l singul pò se identifiché y se lascé audì“, descriv Egon Vinatzer la encadratura dla trasmiscion nueva.

La trasmiscion ORIZONT 7 vegn deda tres sun TCA:
Südtirol TV vigni mertesc da les 12.00h – juebia da les 19,30h – y la domenia da les
17,30h
Sun Alto Adige TV vigni lunesc da les 18,30, mercui da les 20,30h – y l venders
da les 21,15h

Al me plej(1)Al ne me plej nia(1)

1005 iadesc liet