Orars di servisc sanitars dl Raion Val Badia
Senta nueva a Pedraces con desvalifs servisc sanitars per l raion dl’auta valeda
La jent dl’ Alta Badia ne à nia plu bria da messei aspeté die. A Pedraces sot a la boteiga dl pech él vegnù realisé na ciasa de legn sozio-sanitara. Per l’ Alta Badia na infrastrutura de grandiscima emportanza. Al se trata de na strutura de carater sozio-sanitar- per todesch „Sprengelstützpunkt” .
Senta nueva di servisc sozio-sanitars a Pedraces
Te chesta ciasa giatará lerch: l ambulatore dl mede de Comun, l servisc infermieristich, l servisc da tó ju sanch che jirá en funzion con l’ 08 de Mei 2006 trei adesc a l’edema de lunesc, de mercui y de vender, l servisc de Consulenza sanitara per oma y mut, y n servisc per la jent atempeda ambulatorial y servisc dl Comun de Badia y. d.a.
Per cie che reverda l Raion Sanitar dla Val Badia végnel recordé che la Repartizion Prestazions-Servisc aministratifs à chisc orars de daurida: lunesc, mercui y vender : 9,30 – 12,45 y l mertesc y la juebia: da les; 8,00 – 12,45. Domesdí resta l ofize sclut. Per cie che reverda l mede di mutons végnel recordé, che per mancianza de personal vegniràl demé plu vigni secont mercui dl meis tla senta dl Raion Sanitar a Picolin da les 14,00 a les 17,00. Chest servisc vegnirà fat sun prenotazion vigni mertesc da les 13,00 a les 15,30 sot al nr. de tel: 0474/ 524807.
A Pedraces tómel fora daldut chest servisc de mede di mutons. A Antermeia toma fora l servisc de ambulatore infermieristich.
Vigni pruma juebia dl meis végnel tegnù consulenza da pert dl IPES tla seconda auzeda dl Raion Sanitar a Picolin.
rt
(0)Al ne me plej nia
(0)1 iadesc liet