benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Comiscion per la toponomastica
Politica

 

La comiscion per la toponomastica zenza raprejentant ladin

Chisc dis à l govern a Roma nominé i raprejentanc talians tla Comiscion paritetica per la toponomastica metuda en pé per ti sté permez sciche organ aconsient a la Comiscion di Sis.  Ai 5 de mei dess la medema comiscion nominé i membri ofizialmenter. Per cie che reverda i raprejentanc talians él vegnú fat i inoms de Carlo Alberto Mastrelli, diretour dl "Archivio per l'Alto Adige" con senta a Firenze y dl avocat da Bulsan Francesco Coran. I componenc todesc nominés da la Svp: mag. Christian Kollmann, colaboradour dl archif provinzial a Bulsan y l prof.universitar Guntram Plangg. La protesta dla Lista Ladins pro l minister La Loggia per avei ence en raprejentant ladin ne é do l mote nia vegnuda touta en consciderazion.


metù ite da noeles ai 02 May 2003 da les 15:37:46 (958 liet)
(liej inant... | 1882 letres | comentars? | ponc: )


Messa ladina a Persenon
Manifestazions

 

Messa ladina tla gliejia de Freinademez a Miland

de Ivan Lezuo, l president

Sciche vigni ann ves envieia la Comunanza ladina de Bulsan a tò pert a la Santa Messa ladina. Davia che chest ann é l ann dla santificazion dl Beat Ujöp Freinademez, él na bela ocajion da jì a Miland olache la gliejia é propi dedicheda a el. Emplù él dailò sciche preve siour Vijo Pitscheider, n ladin, che é sté atira a una con la proposta de tegnì la Messa a Miland y al se à metù a desposizion a nes lieje la Santa Messa: en sabeda, ai 10 de mei, da les 16.00 tla gliejia de Miland.


metù ite da noeles ai 29 April 2003 da les 12:17:02 (771 liet)
(liej inant... | 1364 letres | comentars? | ponc: )


Mozion dla Lista LADINS: streda vedla dla Val Badia
Politica

 

Willeit damana che la streda "vedla" dla Val Badia vegne mantegnuda desche troi  dla roda y da jì a pé
 
An sà che can che i laours de costruzion dla streda  nueva sarà ruvés, passarà la streda nueva dla Val Badia feter deplen sot tunel ite y encrujarà la streda da sen demé plu te valch toc. Enscì ne arà i ziclisc' y la jent che va a pé nia plu la poscibelté de jì basite y fora.


metù ite da noeles ai 29 April 2003 da les 11:32:29 (778 liet)
(liej inant... | 934 letres | comentars? | ponc: )


Comentar a la vijita de Durnwalder: La colaborazion é l troi
Politica

 

Saurì ester a una ti afars, imposcibel a livel cultural

BULSAN (uc) Rejoné ciamò dl viade de Durnwalder a Ampez é oramai na cossa vedla. Perchel provonse de fé valgunes conscidrazions sun l aveniment, desferenzian l aspet cultural da chel economich-turistich. L'enconteda de Durnwalder con l ombolt de Ampez, Giacomo Giacobbi, y sia Jonta à revardé cosses pratiches, sozio-economiches, problems concrec che toca les provinzies y i comuns.


metù ite da noeles ai 29 April 2003 da les 08:12:22 (860 liet)
(liej inant... | 4709 letres | 1 comentars | ponc: )


L inom sarà spo “Istituto Culturale Ladino delle Dolomiti Bellunesi
Cultura

 

La chestion dl inom da dé al istitut cultural ladin, volù da la provinzia de Belun, ne podova nia passé sot al chiet dla politica

de Lorenzo Soratroi

Coche duc recorda, da pert de valgugn fòvel vegnù proponù che chest istitut se clame “ Istituto culturale ladino delle comunità dei ladini storici delle Dolomiti bellunesi“, n inom che ova descedé protestes, souradut per chel term, “storics”. Na definizion che trueps ova vedù sciche sforzeda, metuda ite, da na pert per cie che an essa enscì capì che zenza storia ne pòn nia ester na mendranza ( a cost de se la inventé) y da l'autra pert chela che ala é vegnuda interpreteda sciche na provocazion devers i trei comuns de Fodom, Col y Ampez.


metù ite da noeles ai 28 April 2003 da les 14:30:55 (801 liet)
(liej inant... | 1758 letres | comentars? | ponc: )


Durnwalder a Cortina d'Ampez
Politica

 

Ma nos ne dausson nia nes desmentié les desferentes realtés politiches

de Lorenzo Soratroi

Durnwalder a Cortina à “ressorì” chela  consulta souraprovinziala di comuns ladins, morta, o enscì paròvel dant n valgugn agn per les rejons politiches che duc recorda. L “Durni – pensier” é vegnù azeté con gran sodesfazion da pert dla Consulta Ladina di trei comuns storics che con si raprejentanc à speté l president sot les Tofanes. Sen la proposta ne manciarà nia de fé descore, da na pert y da chela autra di joufs.


metù ite da noeles ai 28 April 2003 da les 13:21:19 (761 liet)
(liej inant... | 4359 letres | 1 comentars | ponc: )


Ampez: no de Durnwalder a la Generela sciche pont de referiment
Politica

 

L sourastant Durnwalder rejona con la aministrazion comunala de Ampez sun problems concrec - Ma delujion per la Consulta Ladina, davia che al scluj fora la Generela


Al se à traté de does encontedes: empruma con la Consulta Ladina y spo con l ombolt. Al zenter dla discuscion é stedes les mesures da tó per mete a jì na colaborazion plu strenta ti setours dl trafich, sanité y ence tl setour dla cultura, olache al vegn endò a lum les gran divijions y desferenziazions partitiches.Durnwalder à sotlinié sia aprovazion y sostegn per l troi dles rodes da Toblach-Cortina y l ampliament dla ferata tla auta Val de Puster y sia contrarieté al stredon Alemagna. Al  à ence tout posizion sun la chestion de n poscibel passaje dl comun de Cortina a Sudtirol.Rejoné à dut Durnwalder, Mussner ne à dit nia. Durnwalder scluj fora la Generela sciche pont de referiment interregional cultural y fej la proposta de mete en pé n organism nuef formé dai 18 comuns ladins.


metù ite da noeles ai 24 April 2003 da les 22:03:34 (875 liet)
(liej inant... | 4943 letres | 4 comentars | ponc: )


A recordanza
Persones

 

A recordanza de Maria Mitterstieler, patruna da La Curt

Maria Mitterstieler, patruna da La Curt, é nasciüda ai 31 de agost dl 1928 a Balsan. So pere, Alois Mitterstieler, ê dl Renun/Ritten y süa uma Juliane Huber, fia da Curt da Tintal da Rina. Söl lüch da La Curt a n'Antermëia se âl maridé na atra fia da Curt da Tintal, Maria, tlamada ince "Moidl", che â arpé le gran lüch da so om, Beniamino Devall, fí dl lüch da Pedantermëia, mort dl 1944.


metù ite da noeles ai 23 April 2003 da les 21:56:51 (1280 liet)
(liej inant... | 5625 letres | comentars? | ponc: )


Durnwalder enconta Ampez
Politica

 

I Ladins de Souramont à chestions davertes y problems ciauc

de Lois Trebo

Al é n segn che la cossa vegn touta su con interes, sce l sourastant dla provinzia Durnwalder va en juebia via Ampez a rejoné con l ombolt de Ampez y con la Consulta Ladina. Chesta é metuda adum da rapresentanc di trei comuns y da rapresentanc dles Unions di Ladins da Souramont che é sezions dla Union Generela di Ladins dles Dolomites. I savon che Durnwalder brancia ite vigni fer ciaut o lurent, ajache demé con l jì permez a les chestions pòn giaté soluzions. Y i Ladins de Souramont à chestions davertes y problems ciauc.


metù ite da noeles ai 20 April 2003 da les 21:31:00 (880 liet)
(liej inant... | 3372 letres | 5 comentars | ponc: )


Schnipseln im Netz
Politica

 

Ladiner: In der Consulta Ladina gab es Versuche, dem ladinischen Internetforum noeles.net die Beiträge zu kürzen. Weil „zu kritisch".

I reporton n articul vegnù publiché sun l  FF - Südtiroler Wochenmagazin  ai 17-04-2003. Chest ence a demostrazion che "la politica ofiziala" ne azeteia nia oujes critiches. Noeles.net ne è nia la pruma iniziativa che an prova de mete sot prescion y al ne sarà dessegur nience l’ultima.

(hkp) Das Amt ist einer der wenigen Hebel in der Hand von Carlo Willeit, dem Ladins-Vertreter im Landtag: Die Consulta Ladina ist der ladinische Kulturbeirat, der Gutachten für die Vergabe von allgemeinen Kulturbeiträgen erstellt. Das Präsidentenamt steht dem Ladiner im Landtag zu, daran wurde (vorerst) auch nichts geändert, als SVP-Vertreter Ferdinand Mussner von außen zum ladinischen Landesrat berufen wurde. Mussner hat dafür freie Hand in der Vergabe von Druckbeiträgen für Bücher und Zeitschriften.


metù ite da noeles ai 18 April 2003 da les 14:16:01 (1161 liet)
(liej inant... | 2062 letres | 5 comentars | ponc: )


Cursc de ladin per i impiegac dla provinzia
Cultura

 

Contribut dl 70% per emparé ladin

Da auril 2003 inant pieta l ofize provinzial per la formazion dl personal a si impiegac dlongia contribuc per fé cursc de todesch, talian o engleis ence n contribut per tò pert a cursc de ladin. L 70% dl costiment de n curs vegn sourantout da l'aministrazion.

Sun la plata internet http://www.provinz.bz.it/personal/0405/formulare_d.htm giàten l bon per l contribut (informazions demé per talian y todesc).

Chisc bons pò vegnì anuzés pro chestes strutures:  ALPHA & BETA,  y A.Z.B  (a Bulsan y Maran) y Istitut Ladin ”Micurà de Rü” (a Selva y San Martin de Tor).


metù ite da noeles ai 17 April 2003 da les 14:59:19 (910 liet)
(liej inant... | 2000 letres | 2 comentars | ponc: )


Viabelté - streda dla Val Badia
Desvalives

 

Streda dla Val Badia endò scluta dai 22 de auril inant

La streda dla Val Badia é endò scluta (S.S. 244 anter i km 2,7 – 9,5 za.) per i pici auti tl toch da Longega enchin a Mantena todescia da en mertesc, ai 22 de auril  2003 da les 7.00 da doman inant enchin ai 25 de messel 2003. La deviazion vegnirà endò fata sun les stredes panoramiches.


metù ite da noeles ai 17 April 2003 da les 14:08:46 (692 liet)
(liej inant... | 866 letres | comentars? | ponc: )


Di dla cultura ladina ai 11 de auril a Bulsan
Cultura

 

Chasper Pult: con l RG deventa dut plu scempl - Durnwalder y Hosp: mete ite l lingaz ladin deplù te scola, tegnan cont dla modernisazion y dla atualité

Dut l personal che laora pro la cultura ladina a mete man dal assessorat y si  impleés, da la Intendenza con si diretours y ramificazions, ence chi bele en pension, dai istituc: cultural, sezion badiota y gherdeina, y pedagogich, dal personal dl museum de Tor, dai diretours dles scoles ladines fora per les valedes, dal personal dla Rai ladina a Bulsan, dal personal che laora pro valch foliet: Usc di Ladins, Tras, y samben dai oms che fej pert dl aparat partitich, dutes chestes persones é vegnudes cherdedes ite dal assessour Florian Mussner a Bulsan per fé n pue l pont sun l svilup dl laour y per audì valch proposta per mioré.


metù ite da noeles ai 12 April 2003 da les 13:38:37 (1158 liet)
(liej inant... | 7423 letres | 9 comentars | ponc: )


Concurs a pesc’ per operes leterares
Cultura

 

Touta de position dla Lista LADINS: - al vegn despartì ladins y cultura ladina

Plu de dann che de utl é deliberes che despartesc i ladins

Na conseguenza dla famousa delibera (che veid dantfora l’adoranza ofiziala demé dl badiot de mesaval y dl gherdeina) é chela che ence pro l prum concurs a pesc’ per operes leterares da pert dl assessorat a la cultura ladina, scrit fora dant da puech, végnel sclut fora laours che ne é nia te un de chisc doi idioms,ence sce de zitadins ladins dla provinzia.


metù ite da noeles ai 11 April 2003 da les 21:16:46 (818 liet)
(liej inant... | 1183 letres | 2 comentars | ponc: )


Gherlandes de sunëc - Sonettenkränze
Cultura

 

La cësa editëura Studienverlag - Skarabäus nviëia ala prejentazion dl liber de poejies de Rut Bernardi

Poejies per i uedli y per la urëdles: cun si gherlandes de sunëc fej Rut Bernardi inò rundenì l sonn sterch y sot dl ladin. Sun la CD-audio, cun i sunëc liec dal'autora nstëssa, possen scuté su la bela meludia dla rujeneda ladina y nce cumpusizions urigineles de Eduard Demetz. De duc i sunëc iel unì fat na traduzion dl cuntenut tla  rujeneda tudëscia.


metù ite da noeles ai 11 April 2003 da les 20:39:31 (824 liet)
(liej inant... | 4309 letres | comentars? | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.385 seconc