benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

N comentar tout da la Usc di Ladins
Politica

 

La bandiera ladina bandida te Südtirol

La gran domanda: I Ladins, ései o ne ései nia tiroleisc? - La bandiera ladina vegn bandida te Südtirol da vigni ocajion ofiziala

Ti ultims meisc él plu iadesc vegnù critiché che la bandiera ladina (verda-blancia-blea) vegn completamenter ignoreda te ocajions ofiziales y che al vegn demé plu tout la bandiera de Tirol blancia-cuecena, dantaldut per gauja de un n partì, la Svp ladina. Enscila suzedù a la enaudazion dl Museum Ladin y te tantes d'autres gaujions. Tant deplù che la Svp ladina ti ciala al Tirol, sourantol bandiera y veid i ladins liés ai todesc, tant deplù se ouj demez n'autra pert di ladins da chesta idealisazion y politica. I reporton chilò dessot n comentar sun la chestion dl redadour de Gherdeina dla Usc di Ladins, David Lardschneider.  Demé una na cossa pér segura: i Ladins viv te chisc raions da vedlamenter y à samben svilupé na sia cultura de vita. Condutes les somianzes y interferenzes con l raion tiroleis todesch, é i ladins empò restés valch d'auter, ai à n sie lingaz y chel ne é nia todesch, "Tiroler" a la todescia, tiroleis a la ladina, al resta la ambivalenza. La bandiera ladina vegn entratant bandida da vigni ocajion ofiziala tla provinzia da Bulsan, recordan n temp che an minova che fossa vegnú superé.

David Lardschneider tl comentar sun pruma plata dla Usc 14.06.2003: "Grana é la desponibelté politica y personala da pert di ladins de dut chel che é tiroleisc. Chesta desponibelté é da vedei sibe te provinzia de Bulsan che te chela de Trent y endò - o for ciamò - tla provinzia de Belun. Chest atejament vegn raté in, sciche al toca. Dut chel che ne à nia na desponibelté al 100 per cent devers dl tiroleis vegn raté coche desfidenza devers dl raion y dla jent. "Nos son tiroleisc! Sonse o ne sonse nia tiroleisc?" végnel dit. Y chiche ne svaia nia empera é n soversif, n revoluzionar y n gran talian.


metù ite da noeles ai 17 June 2003 da les 18:38:55 (1141 liet)
(liej inant... | 3618 letres | 1 comentars | ponc: )


Rumanc Grijon (RG) te scola
Politica

 

L Govern dl Cianton meina do dassen per l Rumanc Grijon te scola - Da nos suzédel l contrar

Dantenier à la televijion rumancia dé la notizia che l Govern dl Cianton di Grijons á fat la declarazion de mascima de volei dé fora dal 2006 inant i libri per les scoles demé plu per Rumanc Grijon (RG). La cossa vegn bele dabatuda da auril inant a livel de Govern, ma ala ne fova nia vegnuda dita a na maniera tant clera desche dantenier. La motivazion prinzipala é chela de sparagné con publicazions doples, piec cuintuples, y de mete man pernanche al é meso con l RG che sarà l lingaz scrit dl davegnì. I esperc dla scola - tres sentedes anter maestri y diretours de scola - se à bele enconté deplù iadesc con reazions desvalives: plulere positives ti raions olache l lingaz rumanc é sterch, plutost negatives olache l todesch à la souraventa. Ma cie che é dassen interessant per nos ladins dles Dolomites é messei constaté che ti Grijons meina do l Govern da l'auta ju depierpul che chilò végnel fat deliberes contrares per archité via dut y an drama ju la basa che sburla do.  Sun la foto: n cheder de Chur/Cuera, senta dl Govern Ciantonal.


metù ite da noeles ai 14 June 2003 da les 12:23:51 (890 liet)
(liej inant... | 2115 letres | 3 comentars | ponc: )


Massa dlongia ai gragn signours da Bulsan empede con i ladins
Politica

 

"I funzionars ladins dla Svp adorbés - Ai fej dles dutes per ti fé a scusa ai todesc, ma sotman végnei desprijés"

de Lois Trebo

Oramai sóflel aria de lites provinziales.  Al fova vegnù prové da fé na lege litala nueva, ma nience en chest iade ne ti éla garateda a la SVP de la fé do sie cef. Al fova da savei dantfora che i pici partis ne essa nia daidé, davia che ai se vedova soflés demez da na tel lege che essa prevedù che demé chi partis che essa arjont almanco l 4% dles oujes fossa ruvés te consei. Na tel lege ne podessa nia valei per la mendranza ladina, davia che  a chela méssen ti lascé  l troi davert per podei se mete su na sia lista autonoma.


metù ite da noeles ai 13 June 2003 da les 16:26:10 (886 liet)
(liej inant... | 4756 letres | 2 comentars | ponc: )


Passa 1000 pelegrins ladins dla Val Badia é jus en Jevun
Cultura

 

Endò na gran cumpeida de jent con crousc en Jevun - Siour Merch y l vescul Wilhelm Egger acompagneia  la prozescion

 

Encuei (12.06.03) da doman adora é piés via entourn 1000 pelegrins da les dodesc ploanies dla Val Badia per jí con crousc sun Jevun dlongia Cluses tla Val dl Isarch, vedla senta vescovila. Propi na gran cumpeida sciche cordeles sun vedli trois fora per la taela,  tres l bosch y su per mont tres plu dalonc da ciasa. Les cures dl'auta valeda va da vedlamenter soura Juvel a Lungiarü y soura Munt de Furcia per ruvé a Santa Madalena ite insom Funes. Chi dla bassa Val Badia se abina empruma a Antermeia, va soura l jouf de  Börz y enconta spo chi dl'auta a Santa Madalena per jí deberieda a San Piere de Funes olache la prozescion é vegnuda touta ite solenamenter domesdí con mujiga y confalons. Tradizionalmenter végnel cianté tla gliejia de Funes la ciantia "Auf zum Schwur Tiroler Land" che recorda l vout de Tirol dl 1804 al Cuer de Gejú. L ploan da La Pli y l "comandant" dla prozescion, siour Merch Craffonara, ence chest iade endò sun la gruepa dl ciaval. Chesta outa, ann dla santificazion dl beat  Ojöp Freinademetz, á ence tout pert l vescul Wilhelm Egger per desmostré sie liam con i pelegrins ladins, desche al á dit. La prozescion de Jevun vegn tegnuda vigni trei agn y é una dles plu populares. Trueps se tol gen lede da impegns y laour entratant  i trei dis che va debujegn per jí y vegní soura mont via y ca. I agn dla prozescion de Jevun dess ester enzai de bogn agn. Les eles ne pò nia tó pert.


metù ite da noeles ai 12 June 2003 da les 20:24:49 (1059 liet)
(liej inant... | 3213 letres | comentars? | ponc: )


I conseis dla Lista LADINS per l referendum en domenia
Politica

 

Scí al referendum sun les servitus per sconé la proprieté - La mesura dopla dl Govern  Provinzial

Te de piceres y mendres impreises ne pòl nia valei les medemes condizions de dert de laour desche te de gran impreises. Chest vel ence per l desliament de contrac de laour. Te de gran impreises se trátel de na organisazion formala y de razionalisazion depierpul che te de piceres impreises á l raport de confidenza na gran valuta. Datrai pò bele de mendres mudazions tl volum de laour y tl davagn  te de piceres impreises ester de gauja da messei desmete personal. La lista LADINS é perchel per la regolamentazion atualmenter en doura che fej na desferenza danter impreises con plu de 15 laoranc - pro i paurs con deplú de 50 - y les autres impreises. Al ne vegn perchel dé degun consei per chest referendum. Ence zedoles blances á sia valuta te chest caje. Per cie che reverda l referendum sun les servitus per condutes eletriches é la Lista LADINS per l scí y chest nia per gauja che an ae la speranza che les servitus vegne toutes ju (chest ne suzed dessegur nia con l referendum), ma per arjonje che an mete plu averda y respete deplù la proprieté, la contreda y samben la sanité dles persones. Sun l retrat: l raprejentant ladin dr. Carlo Willeit.


metù ite da noeles ai 12 June 2003 da les 19:39:25 (819 liet)
(liej inant... | 2197 letres | comentars? | ponc: )


N comentar tout da la Usc di Ladins
Cultura

 

"Les istituzions publiches á l dovei de respeté les ghiranzes de n lingaz unifiché"

Entourn la discuscion dl Ladin standard (ence clamé valch outa ladin dolomitan) reportonse chilò dessot n comentar dl capo-redadour dla Usc di Ladins Iaco Rigo,  publiché tla ultima edizion dla Usc di 7 de jugn 2003, ence per i vijitadours de nost sit che ne á poester nia la Usc o ruva permò plu tert permez. 

Iaco Rigo: "Al é demé dret y bon che l lingaz ladin, vedú tant debl y puere de formes de esprescion da cotanc - ence da ladins enstesc -  é sté bon da se svilupé ence do la Seconda Vera. I ladins á dé l vare deberieda con i lingac plu stersc dl mond, i ladins ne é nia stés chiec. N lingaz á da mudé, al mess mudé davia che la jent muda y samben  l comportament de chesta. L statuts-quo o n "purism-scolastich" per n lingaz volessa dí l mete te n museum, ne l aziché nia plu.


metù ite da noeles ai 11 June 2003 da les 18:46:07 (1902 liet)
(liej inant... | 2877 letres | 5 comentars | ponc: )


FSE - fonds sozial europeich
Manifestazions

 

Curs per les eles che vuel jì zeruch tl mond dl laour

Ence per i agn 2003/2004 met l ofize de coordinazion dla formazion tl laour ESF/EU a jì, sciche bele da 5 agn encà, n projet per les eles. L fin de chest projet é chel ti de dé la poscibelté a les eles che vuel jì zeruch tl mond dl laour, de fé n curs de ajornament.



Al é pensé per cheles che à conescenzes tl ciamp dl comerz y che per gaujes familiares o per d'autres rejons à lascé sia stiera per deplù agn y che volessa sen endò scomencé a laoré.


metù ite da noeles ai 11 June 2003 da les 11:47:50 (755 liet)
(liej inant... | 1341 letres | comentars? | ponc: )


Sit nuef - http://www.ladins.it
Cultura

 

I trei comuns ladins “storics” adum ence sun internet - http://www.ladins.it - Unich fal: demé per talian

de Lorenzo Soratroi

Da n valgugn meisc encà él vegnù daurì n sit a la miscion http://www.ladins.it , olache an pò conesce les tradizions, la storia, i guanc y de autres particolarités dles trei comunités ladines de Col, Fodom y Ampez. Scialdi fineda via é la pert che reverda Fodom, al mancia ciamò da emplenì i sfueis virtuai de Col y Ampez. Bele sun la pruma plata de prejentazion, la homepage, veiden l contegnú de chest sit che deida l vijitadour a giaté scialdi saurì dut chel che pò ti interessé sun la cultura ladina. N valgunes  fotografies mostra i luesc plu carateristics dla Val de Fodom che à mantegnù l aspet plu tradizional.


metù ite da noeles ai 10 June 2003 da les 18:06:14 (904 liet)
(liej inant... | 2462 letres | 2 comentars | ponc: )


Grand Prix dla Mujiga Populara
Cultura

 

Belsy Khan  venc la selezion dl Grand Prix te Südtirol

Con gran sorpreisa y marevueia per duc á en vender seira davagné la joena de Selva Belsy Khan, 18 agncon la ciantia "Heimat ensteht" la preselezion per l Grand Prix te Südtirol. Davagné ála autafora con 12.103 oujes sun endut 49.218 votadours che á dé ju sia ousc tres telefon (Ted-voting). La preselezion é vegnuda tegnida tl Kursaal a Maran. Chesta selezion vel sciche cherta d'entreda per la finala dl Grand Prix che vegnirá tegnida ai 6 de setember a Rust dlongia Freiburg di Paisc Todesc. Belsy é vegnuda acompagneda musicalmenter dal Cor Saslonch. I autri grups che se á cualifiché é stés "Vincent & Fernando", i "Südtiroler Spitzbuam" y i "Original Südtiroler Musikanten".  Na lauda a Belsy y dut l bon per la finala. Do "Die Ladiner" en l ann passé endò na ousc da  Gherdeina sunsom.


metù ite da noeles ai 08 June 2003 da les 22:43:15 (4522 liet)
(liej inant... | 2765 letres | 2 comentars | ponc: )


La Consulta ladina dl Comun de Bulsan informeia
Desvalives

 

L Comun de Bulsan à scrit fora posc' de laour per ladins

La Consulta per i problems ladins dl Comun de Bulsan Ves lascia al savei che al é vegnù scrit fora chisc concursc publics:

  • un n concurs publich do ejams per corì 6 posc' de assistent/a aministratif/iva (6. cualifica funzionala) a temp plen – 38 ores a l’edema, 5 posc' resservés al grup linguistich todesch y 1 al grup linguistich ladin. Da se scrive ite enchin ai 02.07.2003.
  •  un n concurs publich do ejams per corì 12 posc' de bidel/a (2. cualifica funzionala) a temp plen – 38 ores a l’edema, 6 candidac dl grup linguistich talian, 5 dl grup linguistich todesch y 1 dl grup linguistich ladin. Da se scrive ite enchin ai 02.07.2003.

metù ite da noeles ai 05 June 2003 da les 15:20:40 (801 liet)
(liej inant... | 1782 letres | comentars? | ponc: )


L projet de engrandiment dla Cesa di Ladins
Cultura

 

La UGL dess resté la soula patrona - L davegnì dl museum sta tla colaborazion

Al é da ester contenc con l’ultima enconteda anter i responsabli dla Cësa di Ladins y i raprejentanc dla Provinzia, dla Region y di Comuns, dij Carlo Willeit. Duc é a una de daidé a derturé su la Cësa di Ladins, y che la Union di Ladins de Gherdeina (ULG) reste la soula patrona. Che l projet sie mender é n ben per duc, enscì la LL. Al va debujegn che al sie gran assé y funzional per les lies y les ativités che à o giatarà ilò sie alberch. An spera che la ULG lasce fé ciamò chest ann l projet de mascima con n plan de finanziament che vegne aprové tles dretes sentes.


metù ite da noeles ai 04 June 2003 da les 16:44:44 (790 liet)
(liej inant... | 1149 letres | comentars? | ponc: )


Interogazions de Willeit tl Consei Provinzial
Politica

 

 Informazions publizitares scialdi ciaradouses, conescenza di lingac y stieres da mede

Te na interogazion tla senteda dl Consei provinzial enier (03.06.03) à l aconsiadour Carlo Willeit y l’aconsiadoura Cristina Kury  critiché la publicazion de informazion de "reclam" ti foliec  “Dolomiten”, “Zett” y “Alto Adige”, ajache chesta sort de informazion à plucheauter n carater propagandistich prelital y en plu se limiteiela demé a n valgugn media de stampa.

 


metù ite da noeles ai 03 June 2003 da les 21:56:27 (869 liet)
(liej inant... | 2392 letres | 1 comentars | ponc: )


Na ercia plena de "Flus" de Lois Craffonara
Cultura

 

"Flus", na antologia de poesies furlanes y grijones - n laour prezious

 

"Flus leterares dl Grijun y dl Friul", poesies tla traduzion de Lois Craffonara, enscì se clama l liber nuef che vegn prejenté en juebia, ai 5 de jugn, da les 18.00 tl Ciastel de Tor.  N liber penc de 450 plates che vegn dé fora dal Museum Ladin "Ciastel de Tor" te sie program de publicazions. Sciche bonamenter degun auter tla Ladinia conesc l dot. Craffonara lingaz y cultura de nosc vijins retoromans tl est y tl ovest. Al rejona fluentamenter sibe furlan che rumanc vallader dl'Engiadina. Danter auter ál fat pert dla comiscion per la normalisazion dla grafia furlana. Na autorité indiscutabla donca sun l ciamp dl ladin: romanist, filologh y espert de toponomastica. L resultat: n laour prezious. El á dagnora tegní dret alaut i contac con i furlans y rumanc entratant sia direzion dl Istitut Ladin. 


metù ite da noeles ai 01 June 2003 da les 10:31:54 (952 liet)
(liej inant... | 2770 letres | 2 comentars | ponc: )


La Consulta Ladina a Bulsan envieia
Cultura

 

Festival: Mujighes y bai populars da la Ladinia

Tla schira de scomenciadives dla Consulta Ladina a Bulsan él sen defata prevedù, ai 15 de jugn, na bela enconteda de mujighes da la Ladinia acompagnedes dal bal popular, dut chest en domenia domesdì da les 14.00 inant tl Ciastel "Runkelstein/Roncolo" a Bulsan. La festa ne é samben nia demé per i ladins da Bulsan, ma per duc chi che à interes da se devertì y da audì de bones mujighes: chela da Moena y chela da Calfosch-Corvara y la raprejentazion dl grup da bal popular de S. Cristina anterite. Dessegur n bel teater musical, cis sce al sarà n bel dì, per duta la populazion da Bulsan che vuel se gode n pue de mujiga y conesce depierpul i costums y carateristiches dla Ladinia.


metù ite da noeles ai 31 May 2003 da les 11:33:40 (758 liet)
(liej inant... | 1787 letres | comentars? | ponc: )


Vijita al Consei Provinzial
Desvalives

 

Maestri de schi enconta l raprejentant ladin Carlo Willeit

Entourn  60 aspiranc da maester de schi, da chilò y dla Talia dl nord, é  stés tl Consei Provinzial a Bulsan. La vijita fej pert de sia formazion teorica. L Vizepresident dl Consei Carlo Willeit ti à dé l benvegnù y a la fin él vegnù fora na discuscion dret interessanta. Anter les truepes domandes y respostes él vegnù a lum n valgunes problematiches particolares che reverda i maestri de schi.


metù ite da noeles ai 30 May 2003 da les 12:29:15 (750 liet)
(liej inant... | 1578 letres | comentars? | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.406 seconc