benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Devers les lites provinziales ai 26 de otober
Politica

 

Consulta y Comunanza plu adum

Candidac todesc ti vegn bel plan permez y dà na man - L ejempl dl comun de Bulsan desmostra che ester autonoms convegn

(uc) Te chisc ultims temps desmostra la Consulta per i problems ladins tl Comun de Bulsan d'ester tres plu y plu ativa. Nia demé per feter segura l'arjonta de na ciasa-alberch per laoranc, impleés ladins che vegn da les valedes per laoré a Bulsan, y an sà che l numer dles domandes va soura i 60 fora, ma ence l'indenité de trilinguism é ruveda te Comun de Bulsan per interessament dla Consulta.

La aconsiadoura ladina tl Comun de Bulsan, Dolores Dariz. Jì autonoms con na lista te Consei de comun à paié la mueia, l medem vel a livel provinzial.


metù ite da noeles ai 09 September 2003 da les 11:22:33 (962 liet)
(liej inant... | 4064 letres | comentars? | ponc: )


Ciamò sun la storia fodoma
Cultura

 

I libri de storia de Luciana Palla ne ti à nia joé!


I alpins dà na vijion fauza dla storia de Fodom


de Ivan Lezuo

(if) En resposta al articul de Lorenzo Soratroi (Alto Adige di 02.9.2003) sun mia letra di 26.8. 2003 possi demé ester contrarié te deplù ponc: al vegn smendrì l fat che n studious ae prové de entorje la storia y al vegn trat inant la vertola che i fodoms sae da giudiché con obietivité. Ma tant de fodoms é pa bogn de avei chesta obietivité? Can che puech denant l medem Soratroi scriv "che al é ben puec chi che te Fodom se interesseia de storia ...." y "da giut vegn la storia fodoma...desmentieda, strabaceda, mescededa". Chest desmostra che i libri dla Luciana Palla che "plu o manco vigni familia à te ciasa" ne ti à nia joé ai fodoms de descedé l interes storich. Zenza chesta condizion màncel la obietivité y la coscienza, al é l pericul che la jent se lasce enjopé ite da chichemai. Bele l fat che n fodom descor de "Vittoria finale" fej creie a truepa jent (che ne conesc nia sia storia) y souraldut ai joegn (che te scola ne giata deguna informazion de chest vers) che per Fodom él sté na vera de liberazion. Ma sun chest ne à Lorenzo Soratroi nia responù. Ence l argoment che Fodom sie tres sté na val de confin con n sforz dopl ti confronc de autres realtés à puecia fondamenta.


metù ite da noeles ai 09 September 2003 da les 09:37:40 (928 liet)
(liej inant... | 3214 letres | 1 comentars | ponc: )


Seminar sun l aprendiment de deplù lingac
Scola

 

Studentes de romanistica en vijita tla Ladinia

Dai 1 ai 13 de setember él studentes dla université de Münster en vijita tla Val Badia


Per les studentes de romanistica y sia professoura Sylvia Thiele vegn a ester chesta na bela ocajion per se confronté dal vif con la realté ladina te nosta valeda. Chilò àles la poscibelté de conesce miec l lingaz tolan pert a n curs de ladin tegnì da Daria Valentin. En plu - per podei ti ciutié plu damprò a la cultura ladina - él vegnù organisé na vijita al museum ladin Ciastel de Tor y a la senta dl'Université ledia de Bulsan a Persenon. Vedú dantfora él ence na pert leterara, olá che n valgugn autours ladins ti liejarà dant sies rimes. Per se imaginé miec les ordidures dles liejendes vegniràl fat na jita te Fanes olà che an sent  chel ambient y aier  magich che vegn dant tles liejendes. Un n di tolará les studentes ence pert a n curs da cujiné speisa ladina a Sotciastel. Tl cheder de chesta vijita à l Istiut Ladin "Micurà de Rü" organisé adum con l Istitut Pedagogich Ladin y l seminar de romanistica dla "Westfälische Wilhelms- Universität Münster" ence n seminar soura la didatica dl plurilinguism tegnì da la professoura Sylvia Thiele.


metù ite da noeles ai 08 September 2003 da les 18:28:34 (757 liet)
(liej inant... | 2324 letres | comentars? | ponc: )


Contribuc statai a la stampa
Desvalives

 

La "Dolomiten" giata 877.000 € al ann

I gragn contribuc per l'edizion di cuotidians todesc te Südtirol, passa 3 miliards de vedles lires  - La provinzia de Bulsan depierpul variziousa con i media ladins - N articul sourantout da "Il Sole 24 ore"

Platernan te internet nes onse entopé te chest articul per talian sotvia. L'editoria todescia te Südtirol vegn sostegnuda da pert dl stat talian con passa 1.600.000.- €  al ann, partis su anter "Dolomiten" y "Die Südtiroler Tageszeitung", vuel dí passa 3 miliards de vedles lires. A confront é l sostegn da pert dla provinzia ai media ladins fregoles, ghiran en plu da ester apolitics/apartitics o miec conforma a la politica ofiziala (Svp). Atualmenter ti végnel tegní zeruch ingiustamenter 5.000 euro (za. 10 milions de vedles lires) da la provinzia a la Union di Scritours Ladins Agacins, sceben che ai é vegnus conzedus da la Consulta, olá che perauter l dr.Carlo Willeit é sté l unich a se bate. Fosc jíssela da daurí chesta pipa, i contribuc statai, ence ai media ladins per ti garantí plu liberté de minonga. La "Dolomiten", foliet dret damprò da la Svp, se nuzeia naouta desch'al auda de chesta pluevia de contribuc.

"Oltre 58 milioni di €. È questa la somma che il Dipartimento per l'informazione e l'editoria di palazzo Chigi ha destinato nel 2001 al finanziamento delle cooperative giornalistiche. Su 57 richieste pervenute, le testate risultate idonee sono state 51. Il fenomeno è in crescita; nel 2002 le domande sono diventate 73. Il meccanismo di erogazione è lo stesso previsto per "gli organi di stampa dei partiti politici" (si veda «Il Sole-24 Ore» del 28 agosto): la liquidazione delle provvidenze avviene l'anno successivo a quello di riferimento. Per il 2002 l'istruttoria è ancora in corso e si concluderà entro dicembre 2003. Anche in questo caso, in attesa della decisione del dipartimento, quotidiani e periodici possono contare su un anticipo pari al 50% della somma ricevuta l'anno precedente. Un sistema destinato a cambiare, forse già da quest'anno, in virtù del Ddl 4163, che le Camere esamineranno dopo la pausa estiva.

Le minoranze. Quattro organi di stampa ottengono provvidenze per tre milioni 800mila €, in virtù, della tutela riservata alle minoranze linguistiche nelle regioni di confine. In testa «Primorski dnevnik» (1.936.113 €), seguito da «Dolomiten» (877.977 €) e «Die neue sudtiroler tageszeitung», (730.198 €). Ultimo «Novi mataiur» con circa 266mila euro".


metù ite da noeles ai 07 September 2003 da les 18:18:32 (1245 liet)
(liej inant... | 8935 letres | 7 comentars | ponc: )


Da la Comunanza Ladina a Bulsan
Cultura

 

Enconteda de fin d'isté y viade tl Friul

Chestes é les does proscimes iniziatives dla Comunanza Ladina a Bulsan


La Comunanza Ladina a Bulsan envieia duc i Ladins a passé n dí en bona compagnia sun Kohlern (Colle) soura Bulsan en domenia, ai 14 de setember 2003. Chest é l program via per l dí: dantmesdí, per chi che á vueia de fé doi varesc, él la poscibelté de fé na picia spazireda enfin sun les "Schneiderwiesen". An se abina da les 09,00 da doman pro la furnadoia de Kohlern (Colle) y za. te na ora rúven sun les Schneiderwiesen. Vegnan derevers stórjen pro tla "Baita" dl comun per la marena che vegn ofrida debant. Domesdí vegnirál fat juesc per chi dla scolina, per chi che va bele a scola y ence per i gragn. La festa vegn ence metuda a jí, sce al é rie temp. Per ruvé sun Kohlern (Colle) pòn se anuzé dla furnadoia che peia via vigni mesora (da les 8.00 a les 12.00 y da les 13.00 a les 19.30). A duc chi che ruva da les 09.00 pro la furnadoia ti vegnirál paié la cherta da la Comunanza. Per organisé miec la festa fóssel d'utl che an se anunziassa dantfora al numer de telefon 0471/286103. Sun l retrat: la bela zité de Cividat/Cividale tl Friul con l pont dl malan, una na etapa dl viade.


metù ite da noeles ai 07 September 2003 da les 06:52:46 (991 liet)
(liej inant... | 4235 letres | comentars? | ponc: )


Les prumes reazions sun: cie nen dijeste pa dl LS?
Ladin Standard

 

Cie che ie pense dl ladin scrit unitar

N valgunes prumes reazions al envit de Erwin Valentini - "Saurí da lieje y saurí da entene"


Por me é l ladin unitar scrit de gran importanza y i le vëighe söl dër tru por deventé realté. L ladin scrit dess ester saurì da intëne y da scrì por düc i ladins zënza aldì o odëi fora l`idiom de valada. L ladin scrit ne dess nia tó ite l dialet trentin-venet. Adoré les parores ladines tramanades y arpades y al dess gnì chirì parores nöies aldò di bujëgns (arichì l numer dles parores).  I idioms ladins zënza na scritöra unitara é destinés a morì sciöche tl Venet. L ladin unitar che é bel pié ia se desleria fora man man che al vëgn scrit, lit, adorè y aprijé.

Mischí Florian, Selva


metù ite da noeles ai 05 September 2003 da les 21:27:33 (1028 liet)
(liej inant... | 5719 letres | 2 comentars | ponc: )


Devers les lites provinziales
Politica

 

Durnwalder: "Mussner é mia invenzion"

"Sce i ladins vuel", ma entratant métel el l raprejentant ladin tla Jonta y ti dá na bela sburla per les lites

Tla intervista dla Usc (23.08.2003) al president dla Jonta Provinziala, dr. Luis Durnwalder (titul: "Sce i ladins vuel"), ál dit clermenter: "Mussner é mia invenzion". Nia l Svp ladina á abú l'ultima parola y tant demanco la raprejentanza ladina tl Consei tla persona dl dr. Willeit, pro l enscidit "assessour ladin". Durnwalder se l'à inventé. An á mancia perchel la domanda di redadours dla USC a Durnwalder: "Arateise pa dret che la Svp todescia mete l assessour ladin, praticamenter n auter grup etnich y che al ne sie nia vegnú metú tres n compromis anter la raprejentanza liteda (lista LADINS) y l president dla Jonta?". Cie valour á pa te chest cheder "Sce i ladins vuel" metú desche titul y dit tant de outes da Durnwalder tla intervista. Sia invenzion, Mussner, enscí l President, á samben dut sie sostegn pro les lites provinziales dant porta, nia demarevueia che al va da piz a cianton y che al pò, olá che al uega, ence ester de mania lergia, sen dant les lites per cie che reverda n finanziament de certes strutures. Al candidat vuelen sen ti dé na dreta sburla. I ladins dess endere mete averda da ne se spaterlé nia via sie davegní politich. La pruma cossa che la Svp fajará, sce al toma na raprejentanza autonoma ladina tl Consei, é la impedí n iade per dagnora con n scialier (lintrin) lital, l gran travert dla Svp, desche ala á bele proé de fé dl 1998 con na lege litala, declareda incostituzionala.


metù ite da noeles ai 04 September 2003 da les 21:15:04 (809 liet)
(liej inant... | 2524 letres | 5 comentars | ponc: )


Lista LADINS: litadours metede averda!
Politica

 

Reclam lital con inaugurazions y scioldi dles coutes

I medems politics taia depierpul dassen pro la sanité, auza l ticket sanitar y ghira na couta sun la vedleza y enscí inant

L’atenzion publica de nostes valedes vegn te chest temp dant les lites dassen arvenuda sun l’inaugurazion de de vigni sort de strutures y frabicać publics; al vegn rejoné d’investimenc de de gran consistenza y an vuel fé creie che i scioldi de nostes coutes vegne metus ju a la miour. Tl medem moment chérden pro cassa i zitadins, davia che al mancia scioldi per curì servisc che l’aministrazion publica messessa perdret ester bona de pité gratis. Al é burt da vedei desche al vegn valch iade spaterlè i scioldi de nostes coutes te strutures esageratamenter granes y lussuriouses che costarà ence n flagel da mantegnì y spo ti fé paié a les families ticket sanitar, la couta sun la vedleza y d’autres contribuzions sun la sanité. L cost dla vita aumenta demeztroi y de chest él ence chilò da nos tres de plu che s’en anadà.  L president dla Lista LADINS, dr. Giovanni Mischí.


metù ite da noeles ai 04 September 2003 da les 20:07:03 (904 liet)
(liej inant... | 1738 letres | 2 comentars | ponc: )


Encroujedes nueves a San Ciascian
Aministrazion

 

San Ciascian giata does encroujedes a rodela

Ales jiva debujegn per ti tó l sbunf al trafich sun la streda de sviament y fé les encroujedes plu segures y comotes

Enier lunesc ti él vegnù sourandé da pert dl assessorat ai laours publics a la firma Schiavo da Sterzing la enciaria da mete a post les does bources (les encroujedes) che colieia l paisc de San Ciascian con la streda de sviament al scomenciament y a la fin dl paisc. Trames les bources vegnirà tramudedes te encroujedes a rodela. I laours dess vegnì portés a termen anter 7 meisc.  Sun l retrat: la bourcia de San Ciascian.


metù ite da noeles ai 02 September 2003 da les 15:49:22 (920 liet)
(liej inant... | 2437 letres | 4 comentars | ponc: )


La storia de Fodom
Cultura

 

"Sce chest se clama nié la storia!"

Resposta de Lorenzo Soratroi al articul de Ivan Lezuo, na critica desche i fodoms se astila con sia storia: enier Kaiserjaeger, encuei con la pluma da Alpins

de Lorenzo Soratroi

L articul lonch de Ivan Lezuo entitolé “E chela la storia fodoma ?” azica de segur n argoment de peis. Chi che se interesseia da agn de storia (y ta Fodom ései ben puec), sa che massa daspes (gonot) la storia fodoma y en particolar chela dla Pruma Vera, vegn desmentieda, strabaceda, mescededa. Fosc él propi l destin de na tera “deventa” (concuisteda) che ne ova deguna intenzion de mudé aministrazion, ma che, a destin suzedù, é vegnuda sotmetuda da la politica de “talianisazion”. D’autra pert, sce i ti cialon a la storia, é Fodom tres steda na val de confin, sie ai temps sot l Imper Asburgich che plu tert pro la Talia, con dut chel che é viadedò: vegnì consciderés “talians” da na pert y “todesc” da l'autra. La popolazion fodoma à tres messù core sun n fil sotil: chel che la obliova y la oblieia dutaorela, de tegnì relazions istituzionales con les aministrazions da olà che ala depen y da l'autra pert de mantegnì i contac con cheles comunités pro cheles che ala é tres steda lieda. N sforz dopl a paredl con  d'autres realtés nia de confin.  Sun l retrat: L Col de Lana, enlaouta ciamp de batalia anter todesc y talians, i ladins fracés anterite, encuei zop ideal per jí con la roda da mont.


metù ite da noeles ai 01 September 2003 da les 12:55:49 (956 liet)
(liej inant... | 4381 letres | comentars? | ponc: )


Lingaz: idioms ladins
Cultura

 

Na gramatica nueva per emparé miec ampezan

Do i vocabolars ampezan-talian (1986) y l vocabolar talian-ampezan (1997) sen n terz laour linguistich de valuta 

de Ernesto Majoni

Da Nadel ruvaràl te ciasa di sozes dla Cassa Rurala de Ampez y de chi che à plajei de l'avei, na gramatica ampezana nueva, la seconda do chela dl maester Nert (1930). Al é sté la Cassa Rurala a sporje na gran man a na moda che l liber, volù da Les Regoles y enjigné ca da n Comité de trei femenes y doi oms che à na fregola de pratica tla rejoneda de nost paisc, vegnissa fora do trei agn de fadies.


metù ite da noeles ai 01 September 2003 da les 09:36:28 (826 liet)
(liej inant... | 2717 letres | 1 comentars | ponc: )


Concurs a vuet per vicaresc ladins
Politica

 

Degugn posc' da vicare per i ladins

I doi posc' resservés ai ladins dess vegnì scric fora danuef te na forma a pert, ghira la LL

Da empruma ne scrìven fora per trueps agn deguna stiera per ladins y can che ala é spo tant inant, él duc i candidac ladins che toma y i posc' vegn ocupés da d’autri. Chest ne é nia demé suzedù pro l’ultim concurs dles stieres da vicare, ma al é bele vegnù dant te de deplù ocajions de concursc provinziai y statai. Chilò messova se mesuré 3 candidac contra 40, te d’autri caji 10 contra 500 y e.i.. Pro concursc ne vàla nia demé dl savei, ma ence de titui y ti gragn grups él dagnora candidac con n majer numer de ponc. Al é perchel demé una na forma giusta: chirì fora separatamenter. Sce an essa lascé permez i talians fossa dal concurs per i posc' da vicare bonamenter ence i candidac todesc ruvés ultims o daldut tomés.


metù ite da noeles ai 29 August 2003 da les 14:04:35 (807 liet)
(liej inant... | 1914 letres | comentars? | ponc: )


Relazions interladines-retoromanes
Politica

 

Al dess nasce na colaurazion plu strenta

Enconteda a Cuira/Chur anter ladins-retoromans - Al vegn metú en pé n grup de laour per arjonje na majera colaborazion ti ciamps di media, dla cultura y dla scola

Sun interessament dl vizepresident dr. Carlo Willeit él chest ann endò vegnù a se l dé na enconteda de raprejentanc dl mond politich y cultural di Grijons con na delegazion dla Region Trentin-Südtirol, metuda adum da Franz Pahl, Gino Fontana, Carlo Willeit, Ilda Pizzinini, coche presidenta dla UGLD, y Stefan Untersulzner. A ti dé l benvegnù ai raprejentanc a Cuira/Chur fòvel l president dla Lia Rumantscha, Jon A. Derungs, l president dl Consei y dla Regenza (Jonta) y raprejentanc dl Consei (parlament grijon), che cumpeida 120 deputés, 43 de chisc rumanc. 

Sun l retrat: 1. Robert Giacometti, deputé ciantonal y president dl grup rumanc dl parlament,2. Gino Fontana, assessour regional, 3. raprejentant consei LR, 4. Carlo Willeit, vizepresident dl consei regional, 5. raprejentanta consei LR, 6. Jost Fallet, president LR, 7. Ilda Pizzinini, presidenta UGLD, 8. deputé ciantonal, 9. Franz Pahl, president dl Consei Regional, 10. Romedi Arquint, deputé ciantonal y pres. FUEV,11. Gion A. Derungs, secreter LR ,12. raprejentat dla Regenza (Govern Ciantonal),13. Stefan Untersulzner, secreter general dl Consei Regional


metù ite da noeles ai 28 August 2003 da les 16:54:09 (788 liet)
(liej inant... | 3132 letres | comentars? | ponc: )


Dal ofize parcs naturai
Temp lede

 

Dì di assistenc/meinaparcs dles sourasperses sot sconanza

En domenia, ai 7 de setember, él sun l program na jita tl parch natural Puez-Odles daverta a duc i interessés

(if) L'edizion dl 2003 dl "dì di assistenc dles sourasperses sot sconanza" é dedicheda a duc chi che ciala soura y deida al intern di parcs naturai; ma ela é ence daverta a duc i interessés. L pont de enconteda é l parcade di auti dant la utia da mont de Zanes ta Funes da les 10 dantmesdì. Duc é enviés a tò pert. La jita de na dureda de zirca does ores y mesa ne é nia sfadiousa, i partezipanc arà la poscibelté de amplié sies conescenzes sun l'ambient y de descurì zacotant de novités interessantes sun i parcs. Sun la utia da mont Gampenalm él prevedù na paussa per la marena.


metù ite da noeles ai 28 August 2003 da les 14:52:29 (991 liet)
(liej inant... | 1764 letres | comentars? | ponc: )


Streda dla Val Badia
Aministrazion

 

N pont nuef soura l forgnon de Pont de Fer

Scí dl comité tecnich provinzial al projet de varianta - ence does outes vegnirá trates rodunt

(if) Te sia ultima senteda à l comité tecnich provinzial dé ju n bonarat positif al projet de varianta a la streda statala SS244 dla Val Badia y al pont nuef a l'auteza de "Pont de Fer". Na galeria y n pont nuef fajarà  la streda te chest trat sot a Pedraces cotant plu segura. L comité tecnich provinzial à aproé l projet esecutif che veid dantfora la costruzion de n pont lonch de zirca 70 metri al km 23,2 dla SS244 soura la Gran Ega  y de n tunel de 400 metri. Sun l retrat: sun la streda dla Val Badia án tres endò da scombate con ruvijes (smueies).


metù ite da noeles ai 27 August 2003 da les 17:42:00 (793 liet)
(liej inant... | 1340 letres | 1 comentars | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.414 seconc