benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

La lia per i popui manacés - comunicat
Ladin Standard

 

Olà réstel pa l ladin standard?

La Lia per i popui manacés: "La provinzia de Bulsan dess respeté la toponomastica y l lingaz ladin - Mussner ti va do al ejempl di nemisc di ladins"

Associazione per i popoli minacciati / Gesellschaft für bedrohte Völker / Lia por i popui manacêsEncuei (26.09.2003) en ocajion dl di europeich di lingac envieia la lia per i popui manacés la jonta provinziala de Bulsan de dé pro finalmenter a la introduzion dl ladin standard desche lingaz aministratif. La lia per i popui manacés mostra devers l ejempl dl Cianton di Grijons, olà che l Consei ciantonal à bele dadie tout su l rumantsch grischun (rumanc grijon) sciche lingaz aministratif. Tl 2005 vegniràl ence ensigné tles scoles. Entratant na vijita al parlament ciantonal ova ence l president dl consei regional, Franz Pahl, laudé la politica linguistica dl Cianton di Grijons ti confronc dla mendranza rumancia. Südtirol dess jì do a chest bon ejempl di Grijons y dé al lingaz ladin l medem valour sciche ai autri lingac y declaré l ladin standard sciche lingaz ofizial aministratif. Esperc conscidra l lingaz unitar scrit sciche na "conditio sine qua non" per l souravive de na mendranza linguistica. Propi chest souravive à la jonta provinziala con sia delibera scandal ai prums de chest ann saboté. L ladin standard vegn praticamenter sclut fora da la adoranza tla aministrazion publica, donca na proibizion de n lingaz. Che chest sie na cossa da se daudé, ne él nia da s'en fé marevueia. La jonta ti à tout enscì un di puec strumenc essenziai a la mendranza ladina, dant de tò chesta dezijion ne fòvel vegnù damané degun espert linguistich, tant demanco l raprejentant lité dl consei.


metù ite da noeles ai 25 September 2003 da les 19:39:40 (982 liet)
(liej inant... | 14531 letres | 4 comentars | ponc: )


La vila Delug per amalés psichics
Sanité

 

Amalés psichics: zenter de terapia per malaties multiples

Via libera per l finanziament y la projetazion dl comples.

(osp)Na strutura publica vegnirà enjigneda ite a Oberin per pazienc con malaties psichiches y tl medem temp con malaties da dependenzes. La vila "Delug" vegn per chest fin saneda da pert dla aministrazion provinziala y adateda a les normes de lege. Con l'aprovazion dl plan per anuzé chesta cubatura él vegnù dé l via libera per l finanziament y la projetazion dl comples.

Enscì végnel fat n vare inant tla rei dla assisteza psichiatrica te Südtirol: na strutura publica de terapia per pazienc con diagnoses multiples - donca persones che ne patesc nia demé per gauja de na malatia psichica, ma che patesc ence per gauja de malaties da dependenzes . Do la restruturazion dl comples y i adatamec a les normes de lege contra l meldefuech y a les normes per handicapés déssel vegnì tout su per entratant 20 pazienc.


metù ite da noeles ai 25 September 2003 da les 09:43:23 (1056 liet)
(liej inant... | 1513 letres | comentars? | ponc: )


Dal ofize per la scola y cultura ladina
Cultura

 

Pruma edizion dl concurs per artisc’ joegn ladins

Al é vegnù scrit fora la pruma edizion dl concurs d’ert figurativa per artisc’ joegn ladins dal titul "Pest flus d’aisciuda". L ultim di per de ju i laours é l 19 de dezember 2003.

(osp) Pro chest concurs se tràtel de n pest de sostegn per artisc’ joegn che se dà ju con l’ert figurativa con l fin de i daidé y de i motivé a jì inant te sia cariera artistica. Tò pert pò dutes les artistes y i artisc' de Südtirol che fej pert dl grup de rejoneda ladina y che é nascius do l 31 de dezember 1967. Al pò vegnì dé ju enchin a trei operes da duc i ciamps dl’ert figurativa. Chel artist che vegnirà premié con l prum pest de 5.000 Euro podarà mete fora si laours tla galaria Prisma a Bulsan. La giuria dl concurs é metuda adum da Josef Irsara (president), Franz Irsara, Franz Kehrer, Hermann Josef Runggaldier y Bruna Senoner. Da chi che tol pert végnel ence damané n curriculum con na documentazion de si laours che ai à fat enchin a sen (ev. catalogs y fotografies), na domanda con marca da bol da 10,33 Euro. L ultim di per dé jù i laours é l 19 de dezember 2003.


metù ite da noeles ai 25 September 2003 da les 08:19:48 (857 liet)
(liej inant... | 1826 letres | 1 comentars | ponc: )


Dal ofize a l'assistenza scolastica y universitara
Scola

 

Stipendiums: l ultim di sarà juebia ai 30 de setember 2003

Stipendiums per ativités formatives postuniversitares

(osp) I assolvenc universitars che tla perioda anter otober 2002 y setember 2003 à tout pert a n curs postuniversitar, a n curs de spezialisazion o a valch practicum, pò fé domanda per n contribut a la aministrazion provinziala. Ultim termin é juebia dla proscima edema, ai 30 de setember. Les domandes pò vegnì dedes ju tl ofize a l'assistenza scolastica y universitara. Dert a chest contribut à duc chi che à sclut ju sie stude universitar y à metù man tla perioda anter otober 2002 y setember 2003 na formazion postuniversitara, n curs de spezialisazion o n practicum de na dureda minimala de 3 meisc. Chesta formazion pò ence vegnì fata foradecà. Per determiné l bujegn végnel tegnì cont dl davagn dl ultim ann y dl patriome dl/dla student/-a y de sia fomena/si om al moment che al vegn dé ju la domanda. L davagn agiusté ne pò nia ester plu aut de 22.810 EURO.


metù ite da noeles ai 24 September 2003 da les 17:22:23 (746 liet)
(liej inant... | 1814 letres | comentars? | ponc: )


Da la sentenda dla pruma comiscion per la sconanza
Aministrazion

 

Plan dla contreda nuef per S. Crestina

La pruma comiscion per la sconanza dla contreda à dé pro l plan nuef per l comun de S. Crestina.

(osp) Deberieda con l plan per S. Crestina él ence vegnù dé pro chel per l Vigljoch tl comun de Lana y chel per Moritzing te chel de Terlan. Te Gherdeina végnel metù sot a sconanza l raion entourn la mont de Pic. L plan vedl per la sconanza dla contreda per l comun de S.Crestina fova vegnù fat tl 1984 y enscì fòvel sen gran ora de l laoré fora da nuef. Chest bele davia che entant se àl mudé les diretives y les normatives sun la sconanza dla natura y contreda. L plan dla contreda nuef respeteia enscì l plan urbanistich, les diretives per la projetazion y l plan LEROP - diretiva per dut Südtirol. Sen vegnirà i plans manés inant ai comuns per i publiché y per tò ite valch touta de posizion. Do chest vegnirài ciamò n iade metù dant al govern provinzial per n bensté definitif.


metù ite da noeles ai 23 September 2003 da les 16:58:42 (715 liet)
(liej inant... | 1897 letres | comentars? | ponc: )


Prejentazion di candidac a les lites provinziales
Politica

 

10 agn de Lista Ladins

Gran festa ai 27 de setember a Corvara - al sona "die Ladiner" - La mendranza ladina é spizoleda su, sceben te n terac plen de peres

de Umbert Cians

(if) Con l meteman dla legislatura nueva complesc la Lista Ladins si prums diesc agn de prejenza politica. Ciamò dassen joena, de mendra eté, ma ala aspeta de podei cresce, de abiné su tres de maioures esperienzes, de podei ruvé ite deplen tla vita politica y de vegní reconesciuda a livel giuridich y de partí. Per recordé chesta realté vegniràl fat festa en sabeda che vegn a Corvara da les 16.00 inant. Te chesta ocajion vegniràl prejenté tl salf dles manifestazions de Corvara l program y i candidac dla Lista Ladins per les lites provinziales de chest auton. Dut l staff dla Svp à depierpul bele prejenté sie candidat ladin, Florian Mussner en vender ai 19.9 sun l Jouf de Frera. Anter si ponc dl program porté dant da Mussner ti à plajù a Durnwalder souradut chel che reverda si festidesc per l problem dla deprescion y di suizides. Mussner volessa se dé ju per cherié n mond plu uman, olà che ence les persones de valuta, competentes y scichedes possa se realisé y se sté ben.


metù ite da noeles ai 23 September 2003 da les 12:08:36 (809 liet)
(liej inant... | 4354 letres | comentars? | ponc: )


Streda dla Val Badia
Aministrazion

 

L tunel n. 5 dant Lungega é vegnù foré tres

Sen jiràn inant con les refinidures - I laours grovesc pro 2 di 5 tuniei é enscì  fac

(osp) Con la foreda dl tunel nr. 5 àn fat endò n vare inant pro i laours sun la streda dla Val Badia che veid dantfora endut cinch tuniei. I laoranc pò sen jì tres l tunel nr. 5 y ruvé da una a l’autra daurida dl tunel nuef puech dant Longega. L tunel mesura 920 metri. La firma de costruzion Grassetto à ciavé da does pertes tl medem temp y sen jiràn inant con les refinidures y i pareis dl tunel. La streda dla Val Badia vegn bele da n valgugn agn dertureda tl trat Lungega-Mantena Todescia; deslarieda y segureda da pedrigna che manacia demeztroi de tomé ju. L plan veid dantfora 5 tuniei, de plu pareis y ponc che dess contribuì a na majera segureza.  Tla rei zivica giàten a la miscion http://www.provinz.bz.it/tiefbau/gadertal/ truepes de autres informazions sun l avanzament di laours, ma demé per todesch y talian.


metù ite da noeles ai 16 September 2003 da les 19:57:45 (772 liet)
(liej inant... | 1918 letres | 1 comentars | ponc: )


Program dla Enconteda dla Consulta
Desvalives

 

Enconteda pro les rovines dl Ciastel "Stetteneck"

En lunesc ai 29 de setember a Urtijei végnel metù a jì la Enconteda dla Consulta Ladina

Da zacotant de agn se enconta i raprejentanc dla Consulta ladina y l assessour competent per la cultura ladina con i presidenc y i raprejentanc dles lies culturales, i assessours a la cultura di comuns, les ploanies y raprejentanc dles lies dl turism. Chesta outa vegniràla metuda a jì te Gherdeina,  en lunesc ai 29 de setember a Urtijei da les trei domesdì. Te chesta ocajion jiràn ence a ti dè na odleda a les rovines dl ciastel de "Stetteneck". L program veid dantfora: da les 15.00 abineda sun plaza da parché dlongia la stazion (Park Urtijei). L comun metarà a disposizion la cherta da parchè; - spazireda enfin al ciastel (apresciapuech trei cherc d'ora). Sun l post rejonarà l archeologh y storich dr. Herwig Prinoth sun la storia dl ciastel. La vijita durarà za. does ores. Entourn a les 17.30 é duc enviés a na picia marena tl "Cafè Val d'Anna".


metù ite da noeles ai 16 September 2003 da les 16:27:39 (685 liet)
(liej inant... | 1650 letres | comentars? | ponc: )


Da la Repartizion al laour
Economia

 

Propostes per la steila de merit al laour

Enchin ai 31 de otober àn ence chest ann la poscibelté de fé propostes de laoranc, dependenc y responsabli per la steila de merit al laour

(osp) L’onoranza vegnirà sourandeda sciche vigni ann en gaujion dl di dl laour ai prums de mei 2004. Les persones portedes dant mess avei almanco 50 agn, avei laoré da almanco 25 agn y se avei astilé te na maniera ejemplara y meritoula sun l post de laour. Dantaldut végnel tout en consciderazion meric tl ciamp dla segureza sun l laour, tla formazion di joegn o tl svilup de produc y sistems de produzion - enscì Helmuth Sinn, diretour dla repartizion per l laour. Les propostes pò vegnì manedes ite da les impreises, ma ence dai dependenc.


metù ite da noeles ai 16 September 2003 da les 10:20:35 (737 liet)
(liej inant... | 1362 letres | comentars? | ponc: )


L fi perdù, pentì
Cultura

 

L architet Spitaler a la enaudazion con gormel y "organs" lassoura

N porcel chi che ciala o porciei chi che i fej y i vuel?

de Umbert Cians

La jent pò sen spaziré ite y fora per l ourt-parch di capuzineri da Bulsan. De bel él souradut l vert y l chiet, l mur entourn dut l ourt via stopa y tegn ju cotant la fuera di auti che passa su y ju deforavia. En vender él sté l'enaudazion, la daurida al publich con les autorités dl comun y dla provinzia, con a cef samben l president Durnwalder y l ombolt Salghetti. Durnwalder à fat atira na critica dijan che al mancia i juesc per i pici y che la fontana a livel dla tera y feter amesa l ourt ite é n pericul per i pici. I genitours, i neinesc, les aves mess perchel mete averda y ne pò nia sté zenza festidesc. L ombolt à recordé che denant cresciòvel te chel ourt capuc per fé craut da dé a la jent puera , sen deida l ourt a dé pesc y chiet a chi che l chier. I on vijité l ourt en sabeda dantmesdì y al fova demé scialdi ilò eles con pici y persones atempedes.


metù ite da noeles ai 16 September 2003 da les 08:34:55 (784 liet)
(liej inant... | 2496 letres | comentars? | ponc: )


Segureza sun l post de laour
Sanité

 

Seminar: "i esperc dla segureza sun l post de laour"

Na iniziativa metuda a jì dal Assessorat a la formazion profescionala per l lingaz talian.

(osp) En mertesc ai 16 de setember vegniràl pité da les 17,00 a les 20,00 tl auditorium dl zenter de formazion profescional tla streda S. Geltrude,3 a Bulsan n seminar con chest titul: “i esperc per la segureza sun l post de laour”. Do n curt salut da pert dla assessoura a la formazion profescionala, laour y scola taliana, él prevedù i intervenc de Barbara Repetto Visentini, diretoura dla Repartizion formazion profescionala per l lingaz talian dal titul "La Provinzia autonoma de Bulsan y la formazion di esperc dla segureza",de Francesco Sbetti, archiridour dla Sozieté "Sistema Snc" de Aunejia sun "criteres per la realizazion dla archirida sun i esperc dla segureza tla Provinzia de Bulsan", de Franco Maiari, coordinadour dles ativités formatives per la segureza sun l laour "Da la archirida sun i esperc envers na regolamentazion nueva baseda sun la formazion y sun la zertificazion dles competenzes".


metù ite da noeles ai 15 September 2003 da les 17:23:30 (1104 liet)
(liej inant... | 1649 letres | comentars? | ponc: )


Na via nueva tl Grup dl Larsech
Temp lede

 

Gino Battisti deura na via nueva atrezeda

Ala à inom "Les does Touses" - a recordanza di 100 agn dl refuge Gardecia

de Claudio Gabrielli

(if) Ai prums de aost dl ann passé ova l meinacrep Gino Battisti, 58 agn, adum a Giovanna Inzigneri y Tiziana Gabrielli entitulé na via nueva sun l Larsech per recordé i 100 agn dla utia da mont Gardecia. Ence chest ann tl medem di, con les medemes compagnes y la medema pascion, demé con n ann deplù sun les sciables, ài volù fé ciamò zeche da nuef su per i creps, sun l Larsech che pò vegnì conscidré sie regn, olà che al à daurì bele 100 vies. Desche na picera “patria” fata de spic, de autezes, de toei che ence sce an i conesc da n cianton al auter, conserva empò secrec nuefs: pareis y semenes per mesuré sia capazité y renové sia pascion per les montes.

Sun l retrat: l meinacrep Gino Battisti


metù ite da noeles ai 15 September 2003 da les 11:57:18 (1120 liet)
(liej inant... | 2439 letres | comentars? | ponc: )


Inaugurazion dl „Troi dla Pesc“.
Manifestazions

 

Daurida dla ferata „Troi dla Pesc“ ai 14 de setember

Ala conduj fora per la cresta anter i comuns de Mareo y Ampez  

Chesta semena vegnirà daurida ofizialmenter en domenia, ai 14 de setember 2003 tl cheder de na picia festa pro la utia Gran Fanes. Duc i interessés arà en domenia l’ocajion de fé la via ferata acompagnés da n meinacrep. Per chesta ocajion vàl debujegn de se lascé noté su enfin en vender, ai 12 de setember. Dles vies sun les crestes dles montes che é vegnudes fates entant la pruma gran vera é l Troi dla Pesc una dles plu beles. Dant 90 agn fòvela vegnuda enjigneda da les trupes dl'Austria per ti ruvé plu permez a la linia dla front da l'autra pert dles Tofanes, soura la Val de Travenanzes.


metù ite da noeles ai 12 September 2003 da les 12:31:37 (876 liet)
(liej inant... | 2136 letres | comentars? | ponc: )


Reazion da pert dl assessorat
Politica

 

Mussner blocheia n contribut conzedú a la Union di Scritours Ladins Agacins

Al dij: "L bensté dla Consulta ne é nia oblient per la Jonta provinziala"

Con "gran marevueia" à enzai l assessour per la scola y cultura ladina tout a conescenza - enscí te n comunicat dé fora encuei da seira - che i media, plu avisa l Mittagsmagazin todesch encuei,  ti á trat dant che el tegn zeruch arbitraramenter n contribut cultural a la Union di Scritours Ladins Agacins, ence sce al é n bensté de ti l dé dla Consulta Ladina. L import fej fora 5.000 euro. Mussner recorda te sia reazion, insciautrí da les domandes dl jornalist todesch, che l bensté dla Consulta Ladina ne é nia oblient y che la Jonta provinziala tol la dezijion. Al ne dij nia ciunes che é les gaujes per sie astilament, ma se limiteia demé a dí che "les domandes pò ence vegnì cialedes do plu avisa". Praticamenter pò la Jonta fé cie che ala vuel, la dezijion dla Consulta ne conta nia.  A defene la Union tla Consulta fòvel l president dr. Carlo Willeit. Mussner ne vuel nia respeté la delibera dla Consulta. 

 


metù ite da noeles ai 09 September 2003 da les 20:44:36 (936 liet)
(liej inant... | 2614 letres | 4 comentars | ponc: )


Dal ofize a l'assistenza scolastica y universitara
Scola

 

Stipendiums: l ultim di sarà juebia ai 2 de otober 2003

Al resta demé plu pueces edemes de temp per i scolés dles scoles d’ert y scoles secondares dl II. livel per dé jù les domandes de contribuc a la Provizia per l ann de scola 2003/04.

(osp) Les domandes pò vegnì dedes ju te scola o tl ofize a l'assistenza scolastica y universitara. Dutes les scoleres y i scolés che viv te n comun dl Südtirol o che per rejons de stude à sposté sia residenza te Südtirol pò fé domanda per i contribuc. Per chest ann de scola vegniràl dé enchin a 2.719 Euro. Chesta soma ti speta a scoleres y scolés che mess entant l temp de scola vive destachés da sia familia y che à n davagn (manco les speises) enchin a 1597 Euro. Per scolés che é demé entant l di demez da ciasa vegn la soma mascima smendrida dl 30 percent. Duc i autri pò giaté n contribut de 309 Euro. La soma mascima dl davagn zenza les speises é per l ann de scola 2003/04 vegnù metù a 17.850 Euro. I formulars per les domandes per stude é da giaté ti comuns, tl ofize provinzial a l'assistenza scolastica y universitara a Bulsan y ti ofizes de consulenza de laour. En plu é i formulars y les informazions ence sun les plates provinziales dla rei zivica sot a la miscion  www.provinz.bz.it/schulfuersorge-berufsberatung/4001/schulfuersorge/oberschulen.


metù ite da noeles ai 09 September 2003 da les 11:34:22 (738 liet)
(liej inant... | 2505 letres | comentars? | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.411 seconc