benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

L Servisc de Trasport Publich adora l Ladin Standard
Aministrazion

 

L sit dl Servisc de Trasport Publich se prejenteia ence per ladin

N bel ejempl de ofizialisazion dl ladin standard - Dutes les plates é ence metudes ju per ladin standardisé

SIIDepierpul che certes istituzions ladines che essa perdret l dovei istituzional de sostegnì zenza resserves l Ladin Standard,  laora defat decontra, él impreises privates y publiches che se servesc dl Ladin Standard, enscì l Servisc de Trasport Publich dla Provinzia de Bulsan che à metù ju dut sie sit dlongia todesch, talian y ingleis ence per Ladin y chel tla forma standardiseda. L logo dl SII: Sistem y Servisc de Informazion dles Impreises de Trasport de Suedtirol www.sii.bz.it. Sun l sit giàten dutes les informazions che reverda i orars y i priesc tl detai dl Servisc de Trasport Publich che ensera sie l bus, la ferata che les furnadoies. L sit dl Museum Ladin y dl Istitut Ladin podessa se tò n ejempl. Al paia la mueia de ti dé na odleda.


metù ite da noeles ai 08 October 2003 da les 18:34:34 (853 liet)
(liej inant... | 1651 letres | 2 comentars | ponc: )


Da la repartizion provinziala a la agricoltura
Aministrazion

 

Danns per gauja dla secia de chesta outa

I formulars per les domandes de indenisazion sen dantman - Les domandes mess vegnì prejentedes enchin al prum de dezember 2003

(ops) Ti proscims dis vegniràl organisé da pert dla repartizion agricoltura na enduneda con i raprejentanc locai dles unions di paurs per splighé miec i detais tecnics dla indenisazion di danns da secia (seciora) y te chesta ocajion vegniràl ence partì fora i formulars per fé domanda.


metù ite da noeles ai 07 October 2003 da les 15:31:37 (818 liet)
(liej inant... | 1941 letres | comentars? | ponc: )


Union di Ladins de Fascia
Cultura

 

N liber nuef de orazions per fascian

Prejentazion en ocajion dla festa da d'auton ai 12 de otober.

(cg) En domenia ai 12 de otober met a jì l’Union di Ladins de Fascia desche duc i agn la festa da d’auton. Na ocajion per auzé fora a la jent situazion y programs dl’Union y per sporje ai sozes na "scincunda", testemone de sia produzion editoriala. Chest ann vegniràl prejenté, do n laour pazient y lonch de enrescida, trascrizion y coordinament , l liber de orazions fascianes da ciasa metù adum con la colaborazion di prevesc dl decanat, n grup de laics y con la supervision de na comiscion liturgica metuda su aposta. "Segnoredio Te preon" é l titul dla publicazion che é vegnuda abelida da les paroles de introduzion da pert dl vescul de Trent Mons. Luigi Bressan che te na enduneda abuda con Antone Pollam, president de l’Union di Ladins , se à complimenté per la scomenciadiva. L codejel é partì su te de deplù capitui: orazions tradizionales, orazions a la Madona, per la familia, per i fis, i mutons y i joegn. Te na sezion aposta giàten na recoiuda de salms y l ultim capitul é dediché a les devozions de nosc vedli.


metù ite da noeles ai 07 October 2003 da les 12:32:33 (822 liet)
(liej inant... | 1627 letres | 1 comentars | ponc: )


Ojöp Freinademetz
Persones

 

L Sant Ojöp Freinademetz da Oies, na lum per les coscienzes

Al s'à empié na lum per nos, delibreienes da l'engordia dl turism

de Umbert Cians

La gran festa per l di dla santificazion dl beat Ojöp Freinademetz é ruveda, chi che é jus y à podù jì a Roma é endò a ciasa. Duc a una: al é sté dret bel. Les emozions durarà ciamò inant y ales daidarà recordé y darà souradut la vueia de conté inant tl temp la bela esperienza. Per valgugn dis ne n'àn nia rejoné de implanc portamont, de canons dla neif, ma de sanc y cis de n sant, samben de chel ladin.

 An é jus encontra a n sant con l cuer plen de speranza de giaté sia benediscion speziala per na vita nueva tla pesc, tla sanité, tla fede. An é ence jus per patriotism per rete onour a n sant che nes fej onour ajache al é de nosta mendranza. Freinademetz desche sant é universal, catolich, ma al é ence local per nos, sce i savon y i miriton de l tegní anter nos.


metù ite da noeles ai 07 October 2003 da les 10:04:57 (819 liet)
(liej inant... | 2760 letres | comentars? | ponc: )


Touta de posizion de Franz Denicolò
Politica

 

Ladinien geht nicht nur die Ladiner etwas an

La Ladinia ne toca nia demé i ladins, ma ence i autri - mia solidarieté a la Ladinia

de Franz Denicolò, candidat todesch sun la Lista Ladins

"In den letzten Tagen und Wochen wird mir häufig die Frage gestellt, wie kommt ein deutschsprachiger Südtiroler auf die Liste der Ladins? In erster Linie ist es ein Zeichen der Solidarität einer Minderheit gegenüber, und der beste Beweis, dass ein Zusammenleben der Sprachgruppen kein Hindernis darstellen darf und kann. Wie schnell Kultur vergessen werden kann, haben wir selber erfahren müssen, nachdem unsere Grosseltern beim ersten Weltkrieg ihre Heimat Buchenstein verlassen mussten, und am Eingang ins Gadertal im Schloss Sonnenburg in St. Lorenzen ein neues Zuhause gefunden haben. Es dauerte genau eine Generation und die ladinische Sprache war für uns nur noch Geschichte. Trotz allem lieben wir heute noch die Ladinischen Täler und pflegen mit ihnen ein enges Verhältnis.


Sun l retrat: Franz Denicolò da San Laurenz

metù ite da noeles ai 07 October 2003 da les 09:15:58 (860 liet)
(liej inant... | 1757 letres | comentars? | ponc: )


Da la Comunanza Ladina a Bulsan
Manifestazions

 

A Acuileia,  vedl zenter de cristianisazion dles Alpes

Al ti é vegnù scinché a la Comunanza Ladina de Bulsan la Bibla furlana - Da Acuileia é pieda via la cristianisazion de nosc raions - Jevun depenova da chesta senta


(if) Desche vigni ann à la Comunanza Ladina ence chest ann metù a jì n viade cultural pro na mendranza etnica. L ann passé sonse stés a Giazza/Ljetzan y a Lusern, does ijoles todesces tl Veroneis y tl Trentin; chest ann onse pensé de jì per doi dis, dai 20 ai 21 de setember, tl Friul per l secont iade per conesce plu damprò la realté culturala di ladins furlans. Al viade àl tout pert 38 sozes y amisc dla Comunanza ladina de Bulsan. Do avei vijité la basilica de Acuileia, vedl zenter religious y senta vescovila, olà che al à metù man la cristianisazion de nost raion, onse vijité la cripta dles escavazions y chela di afresc', spo sonse ruvés a Cividat, n iade capitala di Longobards: na zité neta y con de beles ciases tl zenter storich comededes fora dret dalvers. I on vijité l pice templ longobard, l museum archeologich y l pont dl Malan. Da seira onse podù apriejé i ceifs  (speises) furlans te n restorant tipich dl post.

Sun l retrat: la basilica de Acuileia, vedl zenter religious y senta vescovila che à deraié la fede cristiana te dutes les Alpes orientales y sourafora.


metù ite da noeles ai 06 October 2003 da les 17:10:07 (843 liet)
(liej inant... | 3318 letres | comentars? | ponc: )


Curta biografia dl sant ladin
Persones

 

Ojöp Freinademetz, Fu Shen-fu - (1852-1908)


Dessoura sie inom scrit per cineis, Fu Shen-fu - L lingaz che duc capesc é l amour - Daite zacotant de fotografies dla vita dl sant

(if) Ojöp Freinademetz nasc ai 15 de auril dl 1852 a Oies tl comun de Badia. Al é vegnù batié tl medem di de sia nasciuda; da sia familia àl emparé na fede scempla, ma tl medem temp sterscia. Bele entratant si studes de teologia tl Seminar a Persenon àl metù man de pensé sceriamenter a les miscions foradecà sciche na poscibelté per sia vita. Al é vegnù consacré preve ai 25 de messel dl 1875 y spo él vegnù destiné a la comunité de San Martin de Tor, dret dlongia sia ciasa nadel, chilò s'àl tost davagné la stima y l respet dla jent dl post. Ma ence te chest temp ne ti vàl nia fora dl cef si pensiers per les miscions. Bele do doi agn da sia ordinazion se métel en contat con l pater Arnold Janssen, fondadour de na congregazion miscionara che deventa defata dedò ofizialmenter la «Sozieté dl Verb Divin».


metù ite da noeles ai 03 October 2003 da les 14:08:09 (1077 liet)
(liej inant... | 6401 letres | comentars? | ponc: )


Freinademetz sant
Persones

 

L pater Freinademetz nes à ensigné a vive respetan cultures y razes desvalives

Ai 5 de otober vegniràl declaré sant a Roma l prum sant ladin

(osp) Sciche aveniment degn de vegnì recordé y de gran emportanza, nia demé per la Gliejia locala, ma tla medema mesura per dut l raion ladin y de Sudtirol, definesc l President dla Jonta provinziala la santificazion dl pater da Oies, Ojöp Freinademetz, en domenia, ai 5 de otober 2003 a Roma. Per i Ladins é chesta samben ciamò na majera legreza dal moment che l Sant à dagnora dret apriejé y tegnì alaut da ester n ladin.

Freinademetz é l prum nasciù te nosta provinzia che vegn declaré sant dal Papa con na festa solena. Al é enscì l prum sant dla Ladinia y de Tirol; perchel é chesta per nos duc n'ocajion de legreza y reconescenza dantdaldut per l grup etnich plu mender y plu vedl  de nosta provinzia, per i Ladins.


metù ite da noeles ai 02 October 2003 da les 17:24:12 (830 liet)
(liej inant... | 2931 letres | comentars? | ponc: )


L sfuei lital dla LL
Politica

 

Ladins: patrons y nia a patron

La Lista LADINS sta per "dert de reprejentanza autonoma" - 34 LADINS contra 1 n Svp - Entourn 15.000 oujes tles valedes ladines

sfuei LL"L dert de ester enstesc" y "patrons y nia a patron": chisc é valgugn titui y slogans dla plata d'informazion dla LISTA LADINS che vegn deda fora per les lites provinziales oramai dant porta, ai 26 d'otober. Ti proscims dis vegniràla maneda a dutes les families ladines y a trueps simpatisanc nia ladins foradecà. La edizion litala tol ite n cogol de tematiches: dantfora la prejentazion di 34 candidac, les linies programatiches dla Lista Ladins, 10 agn Lista Ladins, les propostes de lege y les mozions fates tla perioda dal 1993 al 2003 dal raprejentant Carlo Willeit, les encontedes abudes con esponenc politics y de auter plu. L pericul che la LL vegnes "fraceda adum" ne é mai sté tant gran co sen. Una dles priorités sarà chela stravardé l sistem lital proporzional por i ladins, sistem confermé con na sentenza dla Court Costituzionala. Zenza fossa i ladins veramenter sforzés da jì en etern a patron y ne podessa nia jié n sie rodul autonom. Les oujes tles valedes ladines é 14.956 (7.964 tla Val Badia y 6.992 te Gherdeina).


metù ite da noeles ai 01 October 2003 da les 16:12:43 (798 liet)
(liej inant... | 8646 letres | comentars? | ponc: )


Da la Comunanza Ladina de Bulsan
Manifestazions

 

Conzert tla gliejia ploanala de Gries

Jan Batista Runcher, sonata per orghen en d-dur y Franz Comploi - "Maria tla revelazion" per solisc', cors y orghen

Hans Karl PeterliniJan Batista Runcher y Franz Comploi, doi musizisc' ladins de epoches desvalives se sporj te n conzert en juebia ai 2 de otober 2003 da les 20.30 tla gliejia ploanala de Gries. L conzert vegn organisé da la “Comunanza Ladina de Bulsan”. Chesta scomenciadiva é nasciuda da la colaborazion anter "La Corale" dla zité de Trent (sun l retrat) manejeda da Roberto Gianotti, l ensemble Zandonai, l grup de vidoles manejé da Giancarlo Guarino che tol ite i majeri strumentalisc' dla Region Trentino- Südtirol, la ciantarina Barbara Pichler da Bulsan y l organist trentin Stefano Rattini, anter l'auter organist titolar dla catedrala trentina de San Vile.


metù ite da noeles ai 30 September 2003 da les 17:12:13 (902 liet)
(liej inant... | 3642 letres | comentars? | ponc: )


Puec dis dant la sanificazion dl beat
Persones

 

Freinademetz: tost sant

Martir dla pazienza y dla fedelté

(sb) An s'enjigna ca a pié via, per jì a Roma a tò pert a la santificazion de nost beat Ojöp Freinademetz. Da can che al é vegnù fat beat àn podù lieje valch deplù sun sia vita. Al é mort per gauja dla malatia dl malac y perchel ne végnel nia declaré martir, ma al é sté, sciche an pò vedei dai articui publichés te chisc ultims temps, n martir dla pazienza, dl tegnì fora y dl sté fora, dla forza de perdoné. Truep àl messù s'en sté fora per la politica europeica de colonisazion che dessenova su i cineisc y chisc ti dova dl malan europeich al beat. L fatour politich à abù sia pert enfinamai te si raporc con l vescul, nia demé perchel che al ti é ju dant tla lita davia che al fova n todesch di Paisc Todesc y Freinademetz n todesch d'Austria, ma souradut ajache al se astilova da vescul todesch, empede da vescul verbit.


metù ite da noeles ai 30 September 2003 da les 10:15:05 (985 liet)
(liej inant... | 1602 letres | 1 comentars | ponc: )


Da la enduneda dla LL a Corvara
Politica

 

10 agn de Lista Ladins

Pensiers de Hans Karl Peterlini, caporedadour dla FF y dl foliet Südtirol24

Hans Karl PeterliniDanter i reladours pro l festejament di 10 agn Lista LADINS ai 27 de setember 2003 tl salf dles manifestazions a Corvara án ence podù audì na persona critica, competenta y dantaldut ledia te sies minonghes: Hans Karl Peterlini, redadour chef dl sfuei todesch FF (al zenter dlongia C. Willeit a man ciancia y Mischí G. a man dreta) y dl foliet nuef todesch da vigni di "Sudtirol 24h". Al conesc ben la situazion de Südtirol.  I reporton per entier dessot sia relazion per todesch. Truepes persones à tout pert a la manifestazion de aniversar, l'Alta Badia é ence un de chi raions olà che la LL arjonj l majer consens con passa l 50% dles oujes. Orela curta à fat l grup musical gherdeina "Die Ladiner".

Sehr geehrte Anwesende, sehr geehrter Vorsitzender, liebe ladinische Freunde,

ich verzichte auf das Radebrechen einiger ladinischer Grußworte, weil das nur geheuchelt wären. Ich stehe hier als ein Südtiroler, der einige - wenige Ladiner - persönlich gut kennt; in meiner Schulklasse befanden sich ein Gadertaler, eine Grödnerin und ein Grödner, aber es wurde immer Deutsch gesprochen unter uns. Meine Familie ist mit einer ladinischen Familie eng befreundet, die in Bozen lebt; der Vater - in meinem Alter - spricht mit seinem Sohn Ladinisch. Ich kenne Giovanni Mischi recht gut, selbstverständlich reden wir deutsch miteinander. Mateo Taibon ist ein Mitarbeiter der Zeitung, für die ich arbeite, und unsere Umgangssprache ist Deutsch.


metù ite da noeles ai 29 September 2003 da les 20:57:51 (1470 liet)
(liej inant... | 13302 letres | 1 comentars | ponc: )


Proposta: vocabolar per talian/ladin standard
Ladin Standard

 

Vocabolars dessourora

L ladin standard auda da vegnì tout ca cotant deplù che enchin a sen - I vocabulars talian-ladin dess ester empruma te ladin standard

de Lois Trebo

(if) Nia duc i ladins ne pò bravé de avei encuei scialdi trueps de bogn y de biei libri ladins per les scoles de oblianza (per la scola auta vuelel ciamò ester nia demé de pici sforc) y per duc chi che vuel se dé ju con l ladin, con l lingaz dla oma con sia cultura y sia storia. Al n'é nia tant giut ca che al é vegnù publiché gramatiches y vocabolars ladins de gran valuta. Trueps aspetova ert a giaté tles mans les publicazions tal ladin standard - tamben la Gramatica (GLS) che l Dizionar (DLS) ; enscì pò duc se fé na idea plu clera coche chest lingaz unitar o unifiché é metù adum y co che al sona tla oredla ladina. Pro les publicazions tl ladin standard souradites vuelel zenzauter ciamò ester n valgunes publicazions de carater leterar; chestes vegnirà tantost dedes fora da les cater istituzions che porta/sostegn l projet Spell che à laoré fora l ladin unifiché; chisc laours portarà dant stories, noeles, rimes, teatri, conties y liejendes. Da deplù de tel laours pò l letour se concretisé na idea plu clera sun l' azetanza de chest lingaz unitar.


metù ite da noeles ai 29 September 2003 da les 12:26:14 (977 liet)
(liej inant... | 2950 letres | 1 comentars | ponc: )


Strategies per l davegnì
Economia

 

La globalisazion sburla a se mete adum


La "medejina" per les vals ladines mess vegnì chirida te na majera colaborazion


de Lorenzo Soratroi


(if) A ciaval de does edemes se à i ladins entourn l Sela abiné adum ben per doi iadesc en ocajion de zelebrazions de gran valuta storica: i 450 agn dla fondazion dl santuar de Weissenstein y la santificazion dl pater Freinademetz. La religion, la tradizion de cristianité di Ladins deida ciamò n iade chesta popolazion despartida, a se enconté y a renové chel liam che les à tegnudes adum per secui. Ti dis passés é vegnus convochés i ombolc y i presidenc dles assoziazions turistiches dles cater vals te Gherdeina per descore fora i problems di auti che sofoia i joufs y per envié via n azion deberieda per solezité i sciori che vegn adalerch a adoré demanco l auto. Ence l’economia sburla per na colaborazion anter chestes cater valedes. N iade passòven per i joufs con bestiam da vene, encuei é l turism che fej mueve n grumon de scioldi, de interesc y de bujegns de colaborazion. Tres deplù se enténen che an fej da soui ben puech. La globalisazion sburla a se mete adum.


metù ite da noeles ai 29 September 2003 da les 12:04:16 (801 liet)
(liej inant... | 2629 letres | comentars? | ponc: )


Touta de posizion de Elmar Burchia
Politica

 

Nostes giames pò sté empé dassoules

I son stés fanc per 50 agn - Al é vegnù l'ora da pensé con nost cef

de Elmar Burchia

(if) A cie moda lité Lista Ladins? Ala nes va pu tant ben enscì. L parti che é sen al govern, la SVP, se à dagnora festidié de nos ladins, y can che i ovan debujegn de finanziamenc, i onse tres giaté. Chestes é encueicondì les minonghes plu frecuentes, spezialmenter anter i joegn ladins. Ence chisc messarà tò na dezijon a chi ti dé sia ousc ai 26 de otober. Puec é encuei chi joegn che veramenter se cruzia dla politica en general y ciamò de manco de chela locala. Ie la pensove dant da n valgugn agn feter unfat. Empò me ài entenù che al é vegnù l'ora de tò finalmenter les cosses che nes reverda te nostes mans y ne ester nia plu inant fanc de degugn. Fanc vuel dì ester dependenc dal parti de maioranza.


metù ite da noeles ai 29 September 2003 da les 11:45:24 (1260 liet)
(liej inant... | 3684 letres | 1 comentars | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.455 seconc