benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

L Fotoclub Val Badia envieia
Cultura

 

Seira de diapositives y tecniches da fé ju

L Fotoclub Val Badia à ence na bela plata internet http://www.fotoclubvalbadia.ladinia.net 

L Fotoclub Val Badia envieia duc a na seira de diapositives y fotografies – olache al vegnirà dedò ence fat na discuscion soura les tecniches, i aparac, i films adorés da fé ju y soura l‘impostazion dles fotografies lascedes vedei – en mercui ai 12 de november da les 20.00 tl
salf dl Istitut Ladin ”Micurá de Rü” a San Martin. I fotografs al laour.


metù ite da noeles ai 23 October 2003 da les 08:34:41 (839 liet)
(liej inant... | 1498 letres | comentars? | ponc: )


Dal European Bureau for Lesser Used Languages (EBLUL)
Cultura

 

Tant costa pa l multilinguism?

Te na sozieté monolinga mess i zitadins che rejona n lingaz minoritar daidé finanzié i servisc culturai per la maioranza

de dr. Erwin Valentini

L European Bureau for Lesser Used Languages (EBLUL) à organisé ai 13 de otober a Bruxelles, en colaborazion con l Parlament europeich, na conferenza sun l tema «Focus on linguistic diversity in the new Europe”. La conferenza volova dantaldut ti pité n forum a les mendranzes linguistiches di paisc candidac per porté dant siei problems y enrescì cie che ales pò se aspeté da la Union europeica (UE). I problems di paisc dl est é trueps y gragn; per ejempl, la Slovachia, n paisc de 5.5 milions de abitanc, compeida na doseina de mendranzes linguistiches y culturales. Sceben che duc chisc paisc ae lité per la democrazia liberala y n valgugn ae ence sotscrit la “Charta europeica di lingac regionai y minoritars” dl Consei d’Europa, ne se ài ciamò nia delibré dldut dl’arpejon storica vedla de cenc de agn. Da una na pert ne corespon la politica reala di governs nia dagnora a les declarazions de prinzip, da l’autra pert souravìvel tenscions y conflic anter popui y etnies che à marscé per secui la sozieté dla Mittel-Europa. Les mendranzes de chisc paisc veid tla costituzion dla EU na garanzia de democrazia y n cheder politich-giuridich per fé valei siei derc visavis dles autorités nazionales.


metù ite da noeles ai 20 October 2003 da les 18:22:38 (1040 liet)
(liej inant... | 7065 letres | comentars? | ponc: )


Chiocchetti: I ti daré mia ousc a la Union Autonomista Ladina
Politica

 

Al vuel ester n projet global per conduje adum la comunanza ladina

I contac de colaborazion interladina tl ciamp dl lingaz é praticamenter n dejaster

de Fabio Chiocchetti dl Goti/Moena

I volesse con chest contribut porté dant valgunes reflescions en cont dl endrez che l moviment politich ladin te Fascia à conesciù da n trat encà, y sclarì tl medem temp mia posizion tedant les litazions, ajache valch outa sun la stampa dut é vegnù reporté n pue massa alalesiera a chestions personales o de paisc. Defat, canche en chesta aisciuda éi dé de retourn la tessera, éi volù dé n segn sterch de critica ti confronc dla dirigenza dla Union Autonomista Ladina (UAL), y descedé na reflescion che perauter ne é nia vegnuda adalerch. Ala se tratova aboncont demé dl ultim episode de dejaje che se fajova sentì da n bon trat encà.  L laour per fé cresce y renforzé la coscienza ladina é dut auter che fenì y dess jì soura i confins teritoriai fora.


metù ite da noeles ai 20 October 2003 da les 17:19:49 (893 liet)
(liej inant... | 7705 letres | 1 comentars | ponc: )


L istitut ladin de Souramont deura sies portes
Cultura

 

L Istitut Cultural Ladin "Ciasa de Jan" à sen sie statut

Bandida per tò su n colaboradour aministratif, les domandes pò vegnì prejentedes enchin ai 27 de otober

de Lorenzo Soratroi

(if) L statut é vegnù aprové te chisc ultims dis dal comité costitutif che é formé dai raprejentanc dles aministrazions di Comuns y dles Unions Ladines di trei comuns ladins storics, dai diretours di istituc de Fascia y Badia y da doi esperc de chestions aministratives. Do n isté de discuscions y de laour él vegnù enciarié l dot. Luca Agostini da pert dl comité costitutif a mete adum n statut, al l à porté a bon fin, al é l prum ziedl per mete a jì l istitut per i trei comuns. Al é vegnù descorù  truep sun la forma giuridica da ti dé a chest ent nuef che dess ester l plu saurì poscibel da manejé dal pont de veduda burocratich. Al fossa sciode sce na gran pert dl temp y di scioldi a disposizion jissa perdus per gauja de chertes o de n manejement massa peigher. L istitut sarà na assoziazion con sozes fondadours, i trei comuns, les trei unions, ma con la poscibelté de tò ite d'autri sozes che deida finanzié l laour scientifich. Tl statut él ence prevedù na pert de finanziament fissa da pert di Comuns y dles Unions; chest per permete l funzionament dla strutura ence sce i finanziamenc statai che vegn da la lege 482/99, essa da se entardivé o da vegnì a mancé daldut .  Sun l retrat: la Ciasa de Jan a Col Santa Lizia dant l derturament.


metù ite da noeles ai 20 October 2003 da les 17:15:52 (784 liet)
(liej inant... | 3895 letres | comentars? | ponc: )


Respostes a les trei domandes
Politica

 

Ester politicamenter autonoms vuel dì laoré plu davejin a la jent

Arateise che al fossa vegnù fat dutes chestes operes zenza la sburla dla Lista LADINS?

de dr. Lois Castlunger dla LL

Mies trei respostes a les trei domandes metudes dant da la redazion (ciala plu enju per les domandes, ndr):

1) Sce i volon souravive sciche mendranza, spo messonse ti dé na majera importanza al lingaz, chel vuel dì se dé da fé per giatè n lingaz ladin scrit unifiché, y crié les normes per l ensegné y l adorè.

2) Na raprejentanza autonoma é de gran importanza per vigni mendranza, ciuldì che demé enscì ciafia na mendranza de lascé audì sia ousc autentica, zenza ester condizioneda. Chest  ne vuel nia dì che ala fej dut da soula, ma ala se chirirà chi partis che é a una con sie program y che deida realisé chest program.


metù ite da noeles ai 17 October 2003 da les 15:33:09 (799 liet)
(liej inant... | 1660 letres | 1 comentars | ponc: )


Touta de posizion dla LL
Politica

 

Di internazional (17-10-2003)per scombate la puerté

Ence Südtirol é atoché da chest fenomen - la politica ne dess nia se ouje demez

En ocajion dl di internazional dla puerté recorda la Lista LADINS che ence Südtirol é atoché da chest fenomen y che la politica ne dess nia ouje demez l’atenzion da chesta realté con laudé tresfora l gran benester y apriejé la conjuntura economica che floresc tant ben. Te nosta provinzia ne i vàla giut nia tant ben a duc co che valch politicher volessa nes fé creie (cis sen dant les lites). L aument sun l cost dla vita se fej sentì tres deplù y vegn dantaldut a pesé sun la categoria di laoranc y sun les families joenes.


metù ite da noeles ai 17 October 2003 da les 10:56:42 (753 liet)
(liej inant... | 1687 letres | comentars? | ponc: )


Da la Lia per popui manacés
Politica

 

Na politica mediala da Medieve te Südtirol, dantaldut envers i ladins

La Lia per popui manacés ghira finalmenter n sostegn finanziar per lege y nia do vueies politiches per i media ladins - Mussner tegn tres ciamò zeruch contribuc

La Court Costituzionala a Roma à dé sie bensté al sostegn finanziar per lege a "Südtirol Heute" (telejornal per todesch de na mesora sun l canal austriach ORF, ndr, a d'enjonta de chi dla RAI), da pert dla provinzia da Bulsan. En basa a chesta sentenza dess la politica provinziala finalmenter ence asseguré per lege n sostegn comesuré ai media ladins. Ma chest à la politica provinziala enfin a sen dagnora refusé. L unich raprejentant lité tl consei, dr. Carlo Willeit, ova bele plu iadesc porté ite tl Consei propostes de chest vers, ma la maioranza les à dagnora dejaprovedes. Sconanza dla mendranza vel a na maniera evidenta demé per la maioranza todescia te Südtirol, nia endere per chela ladina. Laprò él da sotlinié che l grup linguistich ladin a desferenzia da chel todesch ne pò nia emporté media te sie lingaz dla oma.

Sun l retrat: l raprejentant dla Lia per i popui manacés, dr. Mateo Taibon.


metù ite da noeles ai 16 October 2003 da les 17:16:38 (782 liet)
(liej inant... | 3400 letres | 1 comentars | ponc: )


Les speises litales y les gran prescions
Politica

 

Südtirol: democrazia en pericul, massa truepes unions de rejim

Dr. Carlo Willeit: Les somes enormes per l reclam vegnirà tert o adora trates ite dai zitadins tres sies coutes

Sun les pratiches de reclam politich, sen dant les lites, tol posizion l vize-president dl Consei dr. Carlo Willeit con chestes constatazions: „Metù man àn con brosciures ofiziales y relazions de plates y plates sun foliec dl dì y dl’edema: laudes a se enstesc paiedes con les coutes. Spo végnel entent auti y ai deventa 30% miourmarcé, vuel dì zachei paia l 30%. I taxis sforza i clienc de fé propaganda per i candidac che paia l plu. I radios privac vegn destenus y tl radio y tla televijion publica ne pòl nia plu vegnì fat confrontazions politiches publiches. Y les unions pò o miec mess fé reclam per la Svp. I membri y/o candidac de d’autri partis vegn bandis y pò se fondé na sia union, l’unica medejina contra la politica clientelara y l entravai de unions de categoria de rejim.


metù ite da noeles ai 15 October 2003 da les 19:42:36 (806 liet)
(liej inant... | 2318 letres | comentars? | ponc: )


La redazion envieia a respone - lites 2003
Politica

 

Trei domandes ai partis

Cie vel pa: la mendranza o valch d'auter?

Chisc dis porta dant vigni partì sies rejons, sie program, sia minonga sun la mendranza ladina. La redazion envieia la Svp, Lista Ladins y i Verc a nes mané ite per en sabeda seira les respostes a chestes domandes tres e-mail Usla@dnet.it:

  1. Pensan al davegnì dla mendranza ladina, saràl meso che ala posse souravive, sce an arata che a livel economich, de "public relations", de identité ne à l lingaz ladin feter plu deguna emportanza; sce an miena che al é miec se mescedé ite con i autri o azeté na colaborazion te d'autri partis che nes tegnirà tres a n livel plu bas?
  2. À pa na mendranza zenza cef, zenza sia raprejentanza autonoma, direta, na chance de podei valei valch y per cie motif déssela pa l'avei? Anter doi patrons é l dialogh dessegur plu valif che anter subordiné y patron?
  3. Valgugn ombolc à dé pro che a ester con la Svp él plu saurí porté inant operes publiches, valch un auter dij che al ti basta Durnwalder. Chest vuel dì che i scioldi publics à n patron, che nos son te n monopol. É chesta la democrazia nueva?

metù ite da noeles ai 15 October 2003 da les 08:06:32 (724 liet)
(liej inant... | 1592 letres | comentars? | ponc: )


Opera: mete sun la crousc - ressuscité
Cultura

 

Laour de Wilfried Senoner tl Museum Ladin

Con l sostegn dla Fondazion dla Cassa dl Sparagn él vegnù compré n'opera de Wilfried Senoner


Danter i fins dl Museum Ladin él dessegur ence chel de emplenì con l temp la colezion de operes d'ert de artisc' dla Ladinia. Una dles majeres personalités en cont de creativité artistica é sté Wilfried Senoner, artist de Urtijei che se à fat onour laoran per truepes zités d'Europa y fajan n grum de mostres personales y coletives ence a livel internazional. Wielfried à ence tout pert a trueps concursc vencian l prum pest. Artisticamenter é Wilfried nasciù bele tla berstot de sie pere, ma el à ence fat la Scola d'ert a Urtijei. Do avei laoré per n ann a ciasa él jù a Milan a frecuenté l'academia de Brera, olà ache al à abù coche professours i maestri de scultura Marini Marini, Francesco Messina y Alik Cavalieri. Do cater agn àl sclut ju si studes y al à  arjont l diplom de maester de scultura d'ert con la mioura votazion. Do avei laoré per n valgun agn a Augsburg él ruvé derevers a ciasa, olà che al à ensegné tla scola profescionala y tla Scola d'Ert de Urtijei. Plu tert laòrel demé plu per sie cont. Wilfried é sté n maester tla conescenza dles tecniches artistiches, dal dessegn a la pitura (uele sun teila, uele sun legn, pitura a fresch y e.i.), dal relief a la scultura plastica; el à dagnora adoré con gran savei y sensibelté plu sortes de materiai, l legn, l mermol, l bron, l colour, l'arjila, la mauta fina, l poliester y d'autri, adatés sun mesura y aldò dla filosofia espressiva dl moment. Chesta gran polivalenza à fat de Wilfried Senoner un di majeri artisc' che Gherdeina à abù.

sun l retrat: portal dal titul " mete sun la crousc - ressuscité"


metù ite da noeles ai 14 October 2003 da les 16:21:36 (866 liet)
(liej inant... | 2427 letres | comentars? | ponc: )


Devers les lites provinziales 2003
Politica

 

Propaganda litala fora de mesura

An drumbla, sbroca y sbuera - I adoron raprejentanc che se damana na dreta autonomia ence per i ladins

de Lois Trebo

(if) Vignun conesc che al é les lites dant porta. Desche na locomotiva se fej inant la propaganda di partis. Sce al é veira che demé la SVP soula darà fora plu de n miliard de vedles lires per la propaganda, vuelel dì che al nen é bel assé. Te vigni cianton se spraiza i candidac sun i toflons de chi pareis, reclams a colours sun papier lujent te feter vigni foliet. Cialede a les muses puzenedes y sfarinedes ite sun i placac sproporzionés: an mess pu cialé fora da joegn, biei sagns y dantdaldut stersc. Chi vuel pa n raprejentant melnudrì y da puech? L litadour vuel se identifiché con sie raprejentant y perchel déssel cialé fora ben, gaiert y al dess fé imprescion. An proclama che an vuel resté stersc y vegnì ciamò plu stersc, samben per fracogné duc i autri te n piz che ai teje endò per 5 agn. Vigni partì vuel se prejenté enscì, demè che ala ne ti gareta nia a trueps. An proa da compré oujes con scincundes da puech - na picera marena, na ciastagneda, an partesc fora prosc/pontapiec y retrac di candidac; sce al vegnissa pu dé fora tornadures de fè smauz, moles de ciajuel y de tel meses mesanes de ciociul, dailò sce nen fòssel pa trueps che tomassa tla jopa y se lasciassa compré. Ma de chisc n'él pa ben dagnora stés; al n'é nia da creie, tant de jent che ne s'interesseia daldut nia dla politica y se lascia compré da les empromiscions. Sen à duc de biei programs, ma ai dij demé cosses generales.


metù ite da noeles ai 14 October 2003 da les 08:10:29 (836 liet)
(liej inant... | 4503 letres | 3 comentars | ponc: )


Envit dla Lista Ladins
Politica

 

Manifestazion dla LL sun Plaza dla Blava a Bulsan ai 16 d'otober

Prejentazion dl program y di candidac - program de cornisc de Alessandro Trebo y Christian Pescosta

En juebia ai 16 d'otober 2003 met la LISTA LADINS a jì sun la Plaza dla Blava (Kornplatz)a Bulsan na manifestazion litala publica, olà che al vegnirà prejenté i candidac y l program per les lites provinziales di 26 d'otober. La manifestazion vegn tegnuda alalergia sun plaza y met man da les 15.30 per duré zirca enchin a les 18.30. Te chesta ocajion saràl ence i doi artisc' badioc Alessandro Trebo (da San Martin) y Christian Pescosta (da Corvara) che portarà dant n pice program musical de cornisc. Al vegnirà ence dé fora valch da beive per tegnì n puech adum la jent a s'la conté.

sun l retrat: Alessandro Trebo (da San Martin) y Christian Pescosta (da Corvara)


metù ite da noeles ai 13 October 2003 da les 15:45:03 (803 liet)
(liej inant... | 1316 letres | comentars? | ponc: )


Ann academich 2003/2003
Cultura

 

La université popolara de Fascia deura endò sies portes

Ultim termin per se scrive ite é l 17 de otober

(cg) Ai 13 de otober végnel inauguré a Poza l ann academich 2003/2004 dla université popolara dla Val de Fascia. Ela é metuda a jì dal comun de Poza en colaborazion con l Istitut regional de studes y enrescides soziales de Trent. Na scomenciadiva che va bele inant da agn y che vegn tres deplù aprijieda: l ann passé fova  i scric ite na otantina. Les lezions piarà via en vender ai 17 de otober da les 3 domesdì tl auditorium y ales durarà enchin ai 2 d'auril 2004. Te chest ann de scola vegniràl traté desvalifs argomenc:erbes da medejina, alimentazion , prum aiut, geografia, storia trentina dl XX secul, museum ladin, religion y ambient. Dlongia n'ora a l'edema de ginastica vegniràl ence pastelné. N valgunes conferenzes se darà ju con erbes da medejina, con l'Europa, la vera tl Irak y testimonianzies de viadesc.


metù ite da noeles ai 12 October 2003 da les 17:10:52 (721 liet)
(liej inant... | 1346 letres | comentars? | ponc: )


Candidac dla LL tol posizion: Peter Huber
Politica

 

Kultur ist das Andere in uns

N valgugn pensiers de Peter Huber per cie che reverda sia canditatura pro i LADINS en chesta outa

de Peter Huber/Lana


Zur Beantwortung einiger Fragen betreffs Kandidatur eines Nichtladiners in der Liste der LADINS, die nur in einem Land gestellt werden können, in der Sprache gleichgesetzt ist mit Identität, Identität mit Volk(sgruppe), Volk(sgruppe) mit Recht und Recht abhängig gemacht wird vom Gebrauch einer Sprache.
Erste Frage: Darf ein Nichtladiner für eine ladinische Partei kandidieren?
Antwort: Ja. Er darf.
 (Und sogar dann, wenn er sich bei der letzten Volksgruppenzugehörigkeitserklärung nicht als Ladiner erklärt hat.)


metù ite da noeles ai 10 October 2003 da les 16:20:23 (1039 liet)
(liej inant... | 2049 letres | 1 comentars | ponc: )


N comentar da "La Quotidiana"
Scola

 

La domanda ne é nia Rumanc Grijon te scola sci o no, ma demé te cie velozité

Comentar dl capo-redadour dla "Quotidiana" sun la dezijion dla Govern dl Grijon de dé fora dal 2005 inant i libri da scola demé plu te Rumanc Grijon

Entratant che chilò ne auden net nia per cie che reverda la introduzion dl Ladin Standard tles scoles,  paridlabel al Rumanc Grijon (rg), nience sperimentalmenter, ésen pro i Ladins dl Grijon cotant plu inant, l rg é da n pez lingaz aministratif dl Cianton Grijon y vegn ensegné sperimentalmenter bele da agn te valgunes scoles. Te na intervista deda ultimamenter a la televijion ladina en gaujion dl scomenciament dl ann de scola se à l Intendent Ladin,  Roland Verra, sun na domanda spezifica, destanzié conferman che "tles scoles vegniràl ensegné l lingaz rejoné tla comunité dl luech", vuel dì l dialet local. Tl Grijon vuelen depierpul dal 2005 inant passé de gre en gre definitivamenter te dutes les scoles al rg. L Govern dl Cianton y plu avisa l assessour a les scoles Claudio Lardi à tout la dezijion de dé fora i libri (cudeschs) da scola demé plu te una na varianta y nia te 5. Sun la foto: Asterix per rg: Asterix ed ils Helvets.

 


metù ite da noeles ai 10 October 2003 da les 07:44:05 (1017 liet)
(liej inant... | 6331 letres | 2 comentars | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.383 seconc