benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Scì a doi projec de miorament
Aministrazion

 

Plu neif sun "Cir" y drenaja a Daunei

Doi projec tl Comun de Selva à passé chisc dis l ejam de soportanza ambientala



Tl’ultima senteda dla comiscion per la soportanza ambientala él vegnù cialé tres 20 projec, anter chisc ence doi che reverda l teritore comunal de Selva, plu avisa l raion de Daunei y  l portoi dai schi „Cir“. Dal terac che manacia de smoié sun Daunei déssel vegnì avisé demez l'ega. Les roies, i aghés y les roles da l'ega dess vegnì metudes a forma de steila. L'ega vegnirà enscì abineda adum te trombons y aviseda tres n microtunel de 128 metri de lungheza tl ruf che regor davejin.  Sun l retrat: l raion da schi devers l jouf de Frera.


metù ite da noeles ai 08 November 2003 da les 09:30:11 (772 liet)
(liej inant... | 1708 letres | comentars? | ponc: )


La Patrie dal Friul te n guant nuef
Friul

 

Na schira de novités sun l sit furlan

La Patrie dal Friul renforzeia sia prejenza te internet con n design modern y na navigazion saurida y a clera veduda

http://www.friul.net al à il plasê di informâUs che il sît al è stât rinovât e miorât. Une gnove grafiche, plui moderne e plui clare, une navigazion plui svelte, une schirie di novitâts ch'o podês scuvierzi "passonant" pal sît.

Tla "Patrie dal Friul" giàten ence tres endò contribuc sun la leteratura furlana, na richeza de centenés de autours y poec che Lois Craffonara à daurì tres sia antologia "Flus leterares dal Grijon y dal Friul" ence ai letours ladins, ma che an pò lieje ence tl original.
Novella Cantarutti, una dles majeres poetesses furlanes, nasciuda dl 1920 a Spilimberc (la zité di mosaics), à passé sia joeneza a Navarons, na frazion de Medun, te chesta rejoneda àla ence scrit sies poesies.
 
 
 
 
Cujeta
Mari, tu mi conos
da un timp antîc,
quant ch'i eri rosa
tal cjo pinséir.
Po' i mi sei fata cour di cjâr
e ala duta trímula di svual.
A mi àn sbatuda i agn
come sisila,
tal varc di un mâr,
ma al mi nudrís
il cjalt da la tô vègla.
Al si cujeta,
ta li' pleis strachi' da la mê musa,
il cjo sum antîc.

metù ite da noeles ai 07 November 2003 da les 18:44:00 (1260 liet)
(liej inant... | 7975 letres | comentars? | ponc: )


Servisc zivil: truepes organisazions chier volentars
Desvalives

 

Fé l servisc zivil empede l saudé

N cogol de informazions per chi che vuel fé servidour zivil

(if) Joegn che mess jì a fé l servisc da saudé pò empede fé l saudé ence fé l servisc zivil de diesc meisc. L ofize per l servisc zivil à metù adum a la miscion www.provinz.bz.it/zivildienst dutes les informazions de uega, i formulars y la lista dles istituzions che chier servidours zivils. L servisc zivil vegn anuzé cotant da istituzions publiches y privates che laora tl ciamp sozial, cultural, sanitar y ambiental. Per chestes organisazions é l aiut y la colaborazion de chi che fej l servisc zivil dret d'utl. Sun les plates te internet www.provinz.bz.it/zivildienst él da abiné les informazions che va da la vijita y al sburlé su per rejons de stude enfin a les domandes per podei fé l servisc zivil. En plu végnel ence dé resposta a chestions che ne é sovenz nia cleres.


metù ite da noeles ai 07 November 2003 da les 18:28:45 (846 liet)
(liej inant... | 2409 letres | comentars? | ponc: )


Lista LADINS
Politica

 

Al vegnirà renové la direzion dl partì "LADINS"

Enier da seira se àn abiné a La Ila per valuté l resultat lital y se fé pensiers sun l davegnì - Les oujes de za. 30% di litadours ladins romagn na oblianza

La Lista LADINS é ruveda enier adum belau al complet a La Ila y comunicheia encuei, duc a una, sia volenté de jì inant, meranchei i resultac dles lites y l ester vegnus scluc fora dal Consei Provinzial. 4109 oujes é purempò entourn l 30% di litadours ladins che se à declaré per la raprejentanza politica autonoma. Do l resultat lital ne n’à i obietifs di LADINS nia perdù importanza, ma ai é deventés plu de atualité y de prescia. Sun l retrat: Carlo Willeit: stè does legislatures tl Consei per i "LADINS".

metù ite da noeles ai 07 November 2003 da les 13:51:28 (801 liet)
(liej inant... | 1242 letres | comentars? | ponc: )


Publicazion nueva: Val Badia. Usanzes, cherdenzes y tradizions
Cultura

 

La vita zacan tla Val Badia tl certl dl ann

Prejentazion dl liber "Val Badia. Usanzes, cherdënzes y tradiziuns", ai 14 de november a La Pli

de Daria Valentin

(if) L Istitut Ladin "Micurà de Rü" y la Union Maestri Ladins envieia en vender, ai 14 de november 2003, da les 16.00 tl salf dles manifestazions da La Pli a la prejentazion dl liber "Val Badia. Usanzes, cherdënzes y tradiziuns" metù adum dal dr. Lois Trebo. Ala se trata de na publicazion de 456 plates con 280 fotografies (en pert a colours y en pert a blanch y fosch) che prejenta la vita da paur da zacan tla Val Badia. L autour mostra su ciunes che fova les usanzes, les cherdenzes y les tradizions tegnides da joegn y manco joegn, da eles y ei, ti singui momenc dl ann. I giaton perchel informazions sun l chirì patron da San Blaje, sun l jì a uefs da Pasca, sun l mené sceibes en San Jenn, sun l vegnì de mont en San Michil y enscì inant.


metù ite da noeles ai 07 November 2003 da les 07:27:38 (943 liet)
(liej inant... | 2324 letres | comentars? | ponc: )


YEN - Youth of European Nationalities
Cultura

 

Joegn y joenes dles mendranzes dl'Europa s'enconta

L grup ladin tla YEN chier interessés - Al vegn fat viadesc, seminars y de vigni sort de iniziatives

A livel european él bele da valgugn agn ativa na organisazion che abina adum joegn y joenes de mendranzes desvalives che à inom YEN (Youth of European Nationalities www.yeni.org). Ala organiseia encontedes, seminars y chest a rode tl raion dles respetives mendranzes. Ence joegn ladins à tout pert y tol pert a les iniziatives y à enfinamai bele envié n iade does mendranzes, joegn ungareisc y joegn slovacs, a conesce la Val Badia. La proscima enconteda é veduda dantfora da Pasca dl 2004 a Flensburg ti Paisc Todesc, olà che l grup ladin vegnirà tout su ofizialmenter. Una dles raprejentantes atuales, Anita Huber da Tintal/Rina, dij: "I son lapro da trei agn y per me él sté n gran arichiment personal conesce joegn y joenes de d'autres mendranzes tla Europa con si problems y sies mentalités y i posse demé encorajé d'autri joegn de fé empera".


metù ite da noeles ai 06 November 2003 da les 18:37:42 (875 liet)
(liej inant... | 1889 letres | comentars? | ponc: )


Dal ofize cultura y scola ladina
Cultura

 

Contribuc per ativités per l ann 2004

Domandes de sostegn per la promozion dla cultura aldò dla lege provinziala dl 29 otober 1958, n. 7

(if) L termin de prejentazion dles domandes de contribut per ativités per l ann 2004 é lunesc, ai 2 de fauré 2004. Les domandes pò ence vegnì ortiedes al ofize cultura y scola ladina, 39100 Bulsan, Bindergasse n. 29 - enchin a chest termin - con letra racomaneda. Te chest caje vel la data dl timber dla posta. Les domandes per investimenc culturai pò vegnì prejentedes entratant dut l ann. L sostegn conzedù ne pò nia ester majer dl 80% dles speises reconesciudes y de chest él da tegnì cont canche an met adum l plan de finanziament: chel vuel dì che tl plan de finanziament méssel vegnì dé dant entredes per almanco l 20% dl preventif. Demé te caji de ezezion y motivés pòl vegnì conzedù n contribut plu aut dl 80%.

L assessour Mussner tegn tres ciamò zeruch l contribut a valgunes unions ladines.


metù ite da noeles ai 06 November 2003 da les 16:39:34 (794 liet)
(liej inant... | 1708 letres | comentars? | ponc: )


Dal Namibia
Politica

 

Pensiers do les lites provinziales

Chestes linies nes à mané l dr. Bonifazio Willeit dal Namibia tl'Africa olà che al viv bele da agn.

Ai, cie fadia pensé, lascia demé che d’autri pense per me.
Ma?
Ie son sté n bon paster dles biesces, i ne sé nia sce cheles pensa, ma i sé che ales aspeta che l paster i dae n segn, spo ólgheles .. (i cians é de n'autra categoria…).
Ai, cie fadia pensé, miec olghé, spo sàn pa cie che an é.
La storia nes dij, bah, cie pa?
Olghede, olghede, spo seise pa de prosc!
Tant per les lites, per l auter podéssen s’la ciacolé.


metù ite da noeles ai 06 November 2003 da les 15:43:40 (931 liet)
(liej inant... | 1121 letres | 1 comentars | ponc: )


Dal Ofize dles Eghes
Manifestazions

 

Arsen tl’ega da beive – convegn ai 14 de november

I temesc é: l arsen tl’ega da beive, i valours dla normativa nueva che va en doura ai 25 de dezember y les descorides scentifiches te chestions de sanité y de tratament dl’ega.

(if) Arsen é sun dut l mond n tuesse che an abina dret sovenz tl’ega de sotfonz. Demé datrai vegn chest gaujé da les persones enstesses desche per ejempl canche al vegn ciavé do minerai metalics o can che al vegn adoré pestizids. Tla majera pert di caji é l arsen da abinè tl sotera per rejons naturales, al se desfej ti sedimenc da ega y ruva a chesta maniera tl’ega de sotfonz. Te de plu condutes da l’ega te Südtirol él bele vegnù registré valours de arsen plu auc de chi azetés da la organisazion mondiala per la sanité WHO. Chisc valours de 10 micrograms per liter vegnirà dal 25 de dezember 2003 inant ence de oblianza tla Talia aldò dl decret Nr. 31/01. Per chesta rejon met la Repartizion Provinziala per la sanité, ega y energia a jì n convegn dal titul „arsen tl’ega da beive“.

 


metù ite da noeles ai 06 November 2003 da les 13:49:07 (910 liet)
(liej inant... | 2777 letres | comentars? | ponc: )


Noeles.net: en ona ai 6 de november
Desvalives

 

La pruma ciandeila per "Noeles.net"

Passa 400 articui, duc da podei ciamò lieje do te nost archif

Encuei, 6 de november 2003, complesc Noeles.net 1 n ann. Sce an va a cialé a plata 28 de chest sit veiden ence ciamò l prum articul y i prums tentatifs. Te chest ultim ann onse mudé plu iadesc viesta; i on ence emparé n grumon soura sistems informatics te internet y perchel daràl ca mudazions damprovia ence tl davegnì. Con l forum y la poscibelté de fé comentars ai articui él sté meso ofrì na interazion anter anuzadours y sit. Ence sce al é un di ponc dassen critichés, davia che nia dagnora ne corespon dut a la "bela maniera y al bel stim" y che l autour pò mantegnì l anonimat con n pseudonim, nes pèrel empò un di ponc plu interessanc, perauter ofris da feter duc i media eletronics via internet, perchel nia valch de nuef o fora de uega. Con internet a d'auta velozité "adsl" se giatará dut na sburla inant.


metù ite da noeles ai 06 November 2003 da les 07:58:57 (817 liet)
(liej inant... | 1866 letres | 1 comentars | ponc: )


Dal ofize a l'assistenza scolastica y universitara
Scola

 

Ciamò posc' ledesc ti albercs di studenc a Bulsan y Persenon

Al é ciamò 25 posc' ledesc tles does sentes universitares. Les domandes de assegnazion pò vegnì fates al ofize assistenza scolastica y universitara dla Provinzia autonoma de Bulsan.

(if) La Jonta Provinziala  à aprové chesta outa de jugn i criteres per l "servisc d'alberch" dla Provinzia Autonoma de Bulsan tl cheder dl dert al stude universitar. Duc i studenc scric ite a la Université ledia de Bulsan pò en basa ai chisc criteres prejenté domanda per vegnì albergés sun l post de stude te n alberch universitar y chest unfat cala che é sia condizion economica. I priesc de afit bandoleia anter i 180 a 240 euro al meis, aldò che an cern n post te na ciamena dopla o te na ciamena singola. La dureda dl contrat de afit é normalmenter de dodesc meisc. Per podei ruvé permez a n alberch mess l student desmostré de avei arjont entratant si studes n merit nia mender dl 60% de chel ghiré sciche minim per la conzescion de n stipendium ordinar.


metù ite da noeles ai 05 November 2003 da les 15:04:42 (878 liet)
(liej inant... | 1909 letres | comentars? | ponc: )


Uties da mont
Desvalives

 

450 mile euro per derturé les uties da mont

Les uties ne é nia demé na adassosta tles montes, ma infrastrutures importantes per l turism y per la segureza dla jent

12 uties da mont giata contribuc da la Provinzia de Bulsan per laours de miorament y engrandiment de si locai. Sun enteressament dl assessour per chestions alpines Werner Frick, à l Govern Provinzial dé pro contribuc de endut 450.000 Euro a cater uties da mont privates y a ot uties da mont dl CAI, l Club Alpino Italiano. Cun i scioldi déssel vegnì daidé da curì les speises per i laours de mantegniment y eventualmenter engrandiment cualitatif de locai y dl servisc pité tles uties da mont, n servisc che ne vegn nia demé pité a la jent dl post, ma dantaldut ence ai turisc´ che vegn a se gode l temp lede. Les uties da mont ne pieta nia demé na adassosta anter les montes, ma raprejenteia ence na pert importanta dles infrastrutures turistiches te Südtirol. Sun la foto: la utia de Fanes.

 


metù ite da noeles ai 05 November 2003 da les 12:37:36 (801 liet)
(liej inant... | 1821 letres | 1 comentars | ponc: )


Na iniziativa interessanta tl Friul
Cultura

 

An vuel fé conesce a la jent les scienzes per furlan

La "Societât sientifiche e tecnologjiche furlane" vuel conduje l furlan tl ciamp dles scienzes y encorajeia l prozes con sostegns finanziars

(is) En l ann passé él vegnù metù en pé tl Friul da pert de n clap de professours, archiridours y profescionisc', anter chisc  Marzio Strassoldo, Sergio Cecotti y Corrado Cecotto, na union particolara la "Sozieté de Scienzes Furlanes" che se tol dant de promueve la adoranza dl lingaz furlan ence tl ciamp tecnich-scientifich, samben tla koinè furlana, l lingaz scrit unitar. Ala dá fora na revista scientifica, l "Gjornal furlan des siencis-Friulan journal of sciences" (per furlan/ingleis) che contegn archirides scientifiches desvalives, rassegnes, rezenjions y dlongia ence d'autres publicazions tecnich-scientifiches. Per arjonje si fins se á la union ence tout soura de mete a disposizion bourses de stude y sostegns finanziars per archiridours che se tol la bria de mete ju sies archirides, si articui ence per furlan. A chesta maniera vuelen asseguré n svilup dl lingaz furlan te chest ciamp, enfin a sen prest totalmenter dominé dal talian. Sce an se colieia a sie sit www.siencis-par-furlan.net pòn lieje do les finalités prinzipales y i ciamps de ativité. Te chesta luegia él ence meso da des-ciarié ju glossars tecnics-scientifics do setours y l coretour ortografich furlan.


metù ite da noeles ai 04 November 2003 da les 21:51:30 (852 liet)
(liej inant... | 3159 letres | 1 comentars | ponc: )


Lites 2003: n comentar
Politica

 

I LADINS à perdù na gara, ma nia la vera

Sciode y n gran dann per la medranza ladina - La dé su fossa na scincunda a la Svp - La soluzion é una soula, jì inant

de Umbert Cians

L teater - tragedia dles lites é ruvé, sen pòn endó scrive, per gauja dla par condicio. Cotant de cefs é tomés, sie da pert todescia che da pert taliana, ma souradut é tomeda da pert di ladins la speranza de podei audí te Consei Provinzial la ousc de n cuer ladin. Mai ne án audí rejonan tant di ladins che te chisc ultims 10 agn tres la persona dl dr. Carlo Willeit. Scluje fora lista LADINS per ti asseguré de vigni vers l post al raprejentant dla Svp é sté n gran fal. Nia demé per la lista LL, ma ence per l raprejentant Svp deventa dut plu rie. Con la prejenza ence de n candidat de LL giatassa l raprejentant Svp n assessorat. Encandenò vedarán sce .....


metù ite da noeles ai 03 November 2003 da les 20:10:19 (827 liet)
(liej inant... | 2984 letres | comentars? | ponc: )


Lites 2003: Caro elettore noneso ....
Politica

 

Olàche Mussner à chirì les oujes

Test dla letra che Mussner ti à mané ai noneisc aciasés tla provinzia da Bulsan

Canche dant da n pér de agn él vegnù publiché l prum articul per noneis sun la Plata Ladina, à zachei de Gherdeina atira telefonè dijan: cie spavent! Olà che an va a chirì ladins. Ma che Mussner damane la ousc ai noneisc, la jent vegnuda da la Val de Non, va ben: audide! .

Florian Mussner: "Caro elettore noneso ..."


metù ite da noeles ai 03 November 2003 da les 20:07:12 (1103 liet)
(liej inant... | 1820 letres | 4 comentars | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.407 seconc