benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Radunanza Generala dl Istitut Cultural Ladin ”majon di fascegn”
Manifestazions

 

Portes davertes tl Museum Ladin de Fascia

En sabeda ai 13 de dezember 2003, scomenciadiva metuda a jì dal Istitut Cultural Ladin "majon di fascegn" y dal Museum Ladin de Fascia

(be) Per ti dé l dret peis a la Radunanza Generala dl Istitut Cultural Ladin ”majon di fascegn”, che vegnirà tegnuda en sabeda ai 13 de dezember tl Museum Ladin, él vegnù metù a jì na giorneda ”Usc daverc” per ti lascé vijité a duc l Museum debant.

Dr. Fabio Chiocchetti, diretour dl Istitut


metù ite da noeles ai 05 December 2003 da les 11:30:36 (796 liet)
(liej inant... | 3111 letres | comentars? | ponc: )


Alta Badia: Edema blancia di films
Cultura

 

Edema de films de autour a La Ila

Al vegnirà prejenté entourn 40 films d'autour per promueve chest jender de films

La industria da films fajarà en autra outa n'edema "blancia" tl'Alta Badia y plu avisa tla nueva Ciasa polifunzionala de La Ila. Entratant l'edema dai 26 de fauré ai 2 de merz él vedù dantfora la proiezion de entourn 40 films che é vegnus prejentés en l ann passé en gaujion dla 60eisema Mostra dl Lido tla sezion Contracorent, Teritors Nuefs, Films Curc y dl Milano Film Festival. Per promueve l film d'autour vegniràl ence prejenté zacotanc de films conescius de rejissours de renom desche Stanley Kubrick, Jean-Luc Godard, Federico Fellini, David Lynch, Lars von Trier, Akido Kurosawa.


metù ite da noeles ai 04 December 2003 da les 18:32:09 (759 liet)
(liej inant... | 1524 letres | comentars? | ponc: )


Mond di computers
Economia

 

174 milions de computers é vegnus venus chesta outa

L rode de afars aumenteia - Vita mesana de n computer: 4 agn

(if) Soura dut l mond él vegnù venù chesta outa 147 milons de computers aldò dles enrescides di archiridours de marcé de "iSuppli". Chest rapejenteia n aument dl 11.4%. Per cie che reverda l volum d'afars, che an pò sciazé entourn 109 miliards de dolars, podaràn enscì registré n aument dl 12,1%. La perzentuala de chersciuda anuala per la perioda 2003 enfin al 2007 dess ester dl 11,9% per l volum d'afars y dl 12,7% per unités venudes. A paredl: tla perioda 1998 enfin al 2002 é ju l rode d'afars endò dl 3,5% y l numer dles unités venudes é ju su dl 8,6%.

 


metù ite da noeles ai 03 December 2003 da les 13:57:11 (789 liet)
(liej inant... | 1760 letres | comentars? | ponc: )


Ladin te scola
Scola

 

Dlongia n comité di ombolc, ence n comité per scola y cultura

Fodom y Ampez se enjigna a introduje l ladin te scola

de Lorenzo Soratroi

(if) L seminar de dantenier a Reba, metù a jì dai Comuns de Fodom, Col y Ampez, da les trei Unions di Ladins y dal Istitut Ladin "Ciasa de Jan", é sté n prum moment de reflescion per paridlé cie che al é vegnù fat entournvia l ensegnament dl ladin te scola y co che an podarà scomencé da l tò su ence decà dai joufs. I reladours che à descorù, à traté l argoment da odledes desvalives, chela plu burocratica che à da nen fé con la lege 482/99 sun les mendranzes, ma dantaltut ence da chela plu didatica.  Truepes autorités fòvel a scuté su: dal assessour provinzial de Belun, Loris De Col, ai vize-ombolc de Fodom y Ampez, Delmonego y Dimai, dal ombolt de Col, Frena ai presidenc dles Unions di Ladins, ma souradut trueps ensegnanc.


metù ite da noeles ai 02 December 2003 da les 17:17:29 (798 liet)
(liej inant... | 4261 letres | comentars? | ponc: )


Museum Ladin - orars de daurida d'invern
Manifestazions

 

Les cripeles da Nadel en mostra

Enaudeda ai 12 de dezember da les 18.00 - 3 dis a l'edema davert

L Museum Ladin Ciastel de Tor deura ai 3 de dezember 2003 per l terz ann entratant la sajon da d'invern sies portes. L museum romagn davert de mercui, de juebia y de venders da les 14.00 a les 18.00 enfin a la Domenia dal Olif. Entratant l temp da Nadel sarà l museum ence davert ai 8 de dezember, tamben ai  4, 5 y 6 de jené 2004. Desche bele en l ann passé végnel ence chesta outa fat na Mostra de Cripeles, dret apriejeda da la jent. La mostra vegnirà enaudeda ai 12 de dezember da les 18.00 tl cheder de na picera festa y restarà daverta enfin ai 6 de jené entratant les ores de daurida dl museum dedes dant dessoura.


metù ite da noeles ai 02 December 2003 da les 15:11:46 (700 liet)
(liej inant... | 1190 letres | comentars? | ponc: )


Spell, do passa diesc agn de laour
Ladin Standard

 

"L standard ne é nia valch de nuef, ma peia via dai idioms"

Intervent de dr. Nadia Chiocchetti, romanista, enseira tl Josefssaal a Bulsan

Bona seira a vosautri duc canc che i seis vegnus a scuté chesta prejentazion. Do da la GLS (gramatica dl ladin standard), prejenteda te chest medem salf dant da 2 agn végnel sen prejenté ence l Dizionar dl Ladin standard y siei indesc de referiment dal talian y dal todesch. Perdret é l DLS (dizionar dl ladin standard) vegnù fora bele l ann passé y à abù sia pruma curta prejentazion a Urtijei entratant l convegn metù a jì dal SPELL y dal CELE; enlaouta fòvel prejent dantaldut jent che tolova pert al convegn y perchel tolonse sen chesta ocajion per l fé conesce miec al publich ladin, plu diretamenter enteressé a la opera. Emplù él ensnuet ence la novité di indesc, che vegn giusta fora de stamparia y che raprejenteia, sciche i vedaron, n strument dret de utl per anuzé deplen y saurì l DLS mioran enscì la conescenza dl ladin standard. Ma jon damprovia.


metù ite da noeles ai 02 December 2003 da les 10:44:50 (1145 liet)
(liej inant... | 10042 letres | comentars? | ponc: )


Seira d'informazion soura l LS
Ladin Standard

 

Tla provinzia da Bulsan él n boicot

Erwin Valentini: "Les istituzions messessa avei deplù trasparenza y prejenté si programs publicamenter" - Rut Bernardi: "Important él sen scrive truep per Ladin Dolomitan/Standard, al volessa ester n Harry Potter per Ladin Dolomitan" - Vittorio Dell'Acquila: "L LS é demé n'autra maniera de scrive ladin"

Sun envit dla Comunanza Ladina à Bulsan él vegnù tegnì enseira n'enconteda de informazion soura i laours fac dal projet SPELL te chisc ultims agn y les prospetives per l davegnì. I laours pò se lascé vedei. Dl 2001 fòvel vegnù prejenté la gramatica, dl 2002 l dizionar y sen dl 2003 él vegnù metù sun meisa valgunes d'autres "scincundes": l indesc talian-LS y todesch-LS, l coretour ortografich y l Dizionar dl Ladin Standard on-line. Sen ésen tl laour de laoré inant pro l vocabular y sun ciamps spezifics, vedus dantfora é desvalifs glossars setoriai: botanica, medejina, architetura y e.i. L strumentar per scrive ladin é naouta dantman. "L lingaz scrit unitar é dantman, ma les valedes ladines é spedicedes, nia demé con confins politics, ma dantaldut da confins psicologics cherscius ti cerviei", à dit Erwin Valentini l atual president en ciaria dl projet SPELL. En vender che vegn vegniràl tegnì l'enconteda con l Istitut Ladin Micurà de Rü per vedei, sce al é ciamò valch che an pò fé deberieda. La meisa di reladours tl Josefsaal dla Ciasa Kolping a Bulsan, da manciancia: Erwin Valentini, Rasom Sabrina, Nadia Chiocchetti y Vittorio Dell'Acquila.


metù ite da noeles ai 02 December 2003 da les 01:23:17 (1187 liet)
(liej inant... | 5601 letres | comentars? | ponc: )


L Ladin Standard y sia adoranza
Ladin Standard

 

Con l Ladin Standard pò i Ladins desmostré colaborazion anter ei

Les dolies da nasce dl Ladin Standard - Tost tegnirà les istituzions portadoures na enconteda

de Lois Trebo/aconsiadour tl Istitut MdR
 
Do che  i rumanc dl Grijon fova dal 1982 piés via con nia de piceres dificoltés con sie lingaz de scritura - l rumanc grijon - laoré fora sun la proposta dl prof. de Turic Heinrich Schmid, fova chest scienzié dl 1987 vegnù enciarié dal Istitut Ladin " Micurà de Rü" y dal Istitut de Fascia de studié fora ence per i Ladins dles Dolomites na sort de lingaz unifiché. Sun sia proposta arateda dret positiva à la Union Generela adum con l Istitut Cultural de Fascia envié via l projet Spell (= Servisc de Planificazion y Elaborazion dl Lingaz Ladin) dl 1994 che à abù plu dolies da nasce. Sun l retrat: l prof. universitar Heinrich Schmid, pere dl Ladin Standard y dl Rumantsch Grischun (1921-1999)

metù ite da noeles ai 01 December 2003 da les 11:10:37 (821 liet)
(liej inant... | 5742 letres | comentars? | ponc: )


Manifestazions te Fascia a sostegn dla UNICEF
Desvalives

 

Na schira de manifestazions per daidé i "mutons" che ne à nia l muet 

Cultura y folclor da vender 5 al 8 dezember tla Val de Fascia

de Chiocchetti Marta

La val de Fascia à l privilegh de scluje ju l ultim meis dl ann con na scomenciadiva de gran valuta culturala, etica y turistica. En ocajion dla festa de San Miculau, da dagnora sentuda y festejeda te nost raion y che  respon a na tradizion longia, él vegnù endrezé via cater dis de festa, cultura y folclor da vender 5 a lunesc 8 dezember, con na lingia de manifestazions dutes liedes anter eles da n tema soul: l mut y sie dert de cresce su te n contest sann y che tegn cont de sia natura.


metù ite da noeles ai 30 November 2003 da les 18:22:34 (761 liet)
(liej inant... | 3484 letres | comentars? | ponc: )


En lunesc prejentazion de LETRES TE N FOL
Cultura

 

Prejentazion de "Letres te n fol" de Rut Bernardi

En gaujion dla prejentazion di laours dl SPELL, ai 1 de dezember 2003, da les 20.00 tl Josefsaal dla Ciasa Kolpin a Bulsan - Na cercia da lieje dantfora, capitul 7: Canche ruva San Miculau

"Co podessi pa ves fé sentì almanco n fruz dla tema che sentive entant chela seira? Chela mia tema fova na tema che ne se lascia nia splighé con paroles. Al fova desche fermé l fle o destudé na lum. Tres dut l corp foròvela desche odles y n ciaut ovi ados, desche fuech ..." da lieje inant al intern.

Chisc dis jirà na autra publicazion a d'arichì la biblioteca ladina. Al é vegnù fora l liber en prosa per ladin dolomitan "Letres te n fol" de Rut Bernardi, perauter da giaté bele tla verscion gherdeina. Al vegnirà prejenté en lunesc a Bulsan, da les 8 da seira, tl Kolpinghaus tl cheder dla prejentazion di laours linguistics dl Spell te chisc ultims 10 agn. La seira vegn metuda a jì da la Comunanza Ladina a Bulsan. 


metù ite da noeles ai 29 November 2003 da les 20:08:40 (906 liet)
(liej inant... | 4570 letres | comentars? | ponc: )


Conties da les largures dla stepa mongola
Cultura

 

Galsan Tshinag .... "da la tera dal vent cruede"

Premié con l pest leterar todesch "Adalbert von Chamisso" - Na iniziativa metuda a jì da la Eurac

Al é vegnù descrit desche l sciaman dla leteratura todescia d'aldidancuei: Galsan Tshinag, autour de libri desche "L ciel brum", "La carovana", "Vintun dis", te chi che al fej revive a si letours la vita da nomadesc, da fameis tuvins tles largures dles stepes dla Mongolia. Con n stil da conté scempl y dret intensif fej Tshinag sovegnì i luesc dalonc de sia fantuleza, olà che la vita é vigni dì n combat, te na natura y te na sozieté romagnuda unfat per centenés. En l'edema che vegn liejel dant ence te Südtirol.


metù ite da noeles ai 29 November 2003 da les 08:24:03 (809 liet)
(liej inant... | 1937 letres | 1 comentars | ponc: )


La Consulta di Joegn
Desvalives

 

Les Consultes di joegn vuel n avocat per i mendri y joegn

Inoms y miscions di membresc dla Consulta di Joegn Ladina al intern

BüroEnstadì ti él vegnù prejenté al President Durnwalder na lingia de propostes per n laour plu frutoul con i joegn ti proscims agn da pert dles Consultes di joegn todescia y ladina. Les Consultes veid l empegn dla Provinzia tl laour con i mendri y i joegn de bon uedl, ma an tingia a valch deplù. Dlongia la segureza finanziara se damànen sen ence na lege per stravardé giuridicamenter mendri y joegn. Les Consultes fej da intermediares anter aministrazion provinziala y iniziatives joeniles. Sun l retrat: na foto de Neus Jeuni de Gherdeina, na organisazion assozieda.


metù ite da noeles ai 27 November 2003 da les 19:02:27 (1137 liet)
(liej inant... | 8035 letres | comentars? | ponc: )


Paula Bioc Gasser: consciderazions de na funzionara dla SVP
Politica

 

Bioc-Gasser: "Ich verstehe die Welt nicht mehr"

Consciderazions de na funzionara dla Svp dla Val Badia/San Martin de Tor 

Jetzt sind die Wahlen vorbei und ich verstehe die Welt nicht mehr. Vielen die sich heute brüsten ein Quantum Stimmen mehr zu haben als der Kollege, möchten bedenken, dass sie viele Stimmen bekommen haben, weil sie mitgewählt worden sind, es ist nicht alles ihr eigenes Verdienst.


metù ite da noeles ai 27 November 2003 da les 14:26:26 (1495 liet)
(liej inant... | 7509 letres | comentars? | ponc: )


Copa dl Mond sun la Saslonch y la Gran Risa
Aministrazion

 

L reclam per la Copa dl Mond se làscen costé valch

N bel smaz de 150.000 euros da pert dla Provinzia ai comités organisadours tl'Alta Badia y te Gherdeina a rete con reclam per l logo "Südtirol" - Dai 19 ai 21 de dezember "Gara de Copa dl Mond"

La Provinzia sponsoriseia les trei garejedes de Copa dl Mond che vegnirà tegnudes te Gherdeina y tla Alta Badia ti dis dai 19 ai 21 de dezember con za. 150.000 euros. Ala dà i mesi finanziars, ma ala vuel samben a rete che l logo "Südtirol" figureie dlonch. Kristian Ghedina entratant na garejeda sun la Saslonch.


metù ite da noeles ai 27 November 2003 da les 07:59:10 (822 liet)
(liej inant... | 2933 letres | comentars? | ponc: )


Sotescrivede l Manifest LADINIA 2005!
Cultura

 

Les undesc teses per na politica linguistica interladina

Sce Vos seis a una podeise sotescrive on-line l MANIFEST  LADINIA 2005 - 100 agn Union Ladina dl 2005


Sciche an sà él ciamò bendebot de dificoltés per jì inant con  projec a sostegn dl lingaz ladin tla realté ladina tles Dolomites, dantaldut per gauja dla situazion politica (ladina) te Südtirol. N valgugn inteletuai y militanc ladins à endrezé na azion de sburla, che peie via dantdaldut da la sozieté zivila y che deide a sclarì anter la jent i termins reai dla chestion dla "politica linguistica", che ne reverda nia demé l Ladin Standard, ma ence i idioms locai. Al é vegnù laoré fora n document-manifest de 11 ponc, sotescrit da persones de aut profil tla cultura y tla sozieté ladina desche prums firmatars, y sen é chest document tl vegnì deslarié y fat conesce anter la jent de vigni valeda y sourafora. Dl 2005 saràl 100 agn da la fondazion dl'Union Ladina a Dispruch, la pruma che abinova adum ladins de dutes les valedes entourn l Sela. Aldidancuei vàl ciamò tres dret debujegn de sburlé inant l'azion dl'Union Generela y de dutes les ativités interladines. I podeis firmé on-line sun chest sit! I vegnireis tegnis informés sun i svilups dla chestion.


metù ite da noeles ai 25 November 2003 da les 16:16:31 (19746 liet)
(liej inant... | 63002 letres | comentars? | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.437 seconc