benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Les competenzes di assessours / dles assessoures
Politica

 

La nueva Jonta provinziala de Bulsan é en pe

Deguna mudazion ne él per Florian Mussner, al resta inant assessour per i laours publics y la scola y cultura ladina.

(osp) An aspetova bele ert de enrescì coche al vegnissa spartì su les competenzes tla Jonta provinziala nueva, sceben che bele valgugn dis dantfora fòvel trafonù dut cant. Pro la senteda de chesta edema él vegnù fat alsavei ofizialmenter l ejit dles tratatives. Dampertfora él sté la nomina de Otto Saurer desche prum Vizepresident Provinzial y de Luisa Gnecchi desche seconda Vizepresidenta, spo ésen passés a la spartizion di doviers.


metù ite da noeles ai 23 December 2003 da les 13:47:44 (890 liet)
(liej inant... | 3905 letres | comentars? | ponc: )


Union Scritours Ladins Agacins: Stritaries canche ala jiva di Agacins
Cultura

 

Propi, la dreta cultura sperd, l folclor plej y deida pro

Clarificazion sun l “njet” da pert assessour Florian Mussner - i Agacins s'à merité la creta, l laut y ai resta - Truepes unions ne vuel medret nia tofé da "oposizion", deventan oportunistes

(uc) Sen conescionse la dreta motivazion, l dret ciuldì che al ne ti vegn nia dé i contribuc finanziars a la Union Scritours Ladins "Agacins" (USLA), € 5.000. Tla pruma letra reverdenta la lege 45/76 vegnìvel demé rejoné de "Finanzmittelknappheit", pecugna de scioldi, ma tla seconda letra é la motivazion cotant plu longia. An vegn al savei che tla Consulta per i contribuc él tres sté vera canche ala jiva di Agacins. Dantfora lascionse audì l test sotescrit dal assessour Florian Mussner. I fajon la traduzion dl test todesch che é plu senzier: "I fajon referiment a Vosta domanda per la conzescion de n contribut per la realisazion dl program de ativité culturala ordinara tl ann 2003, i Ves feje al savei che l Govern provinzial ne n'é nia a una de conzede l contribut. Chest pervia che aldò dla lege provinziala dl 29 de otober 1978, n.7, mess l'ativité dles Unions ester per l plu culturala.  La caricatura fej alujion a la enciaria dl assessour desche vize-president provinzial di studafuesc che sprinza ai "agacins".


metù ite da noeles ai 23 December 2003 da les 09:24:19 (1102 liet)
(liej inant... | 4337 letres | 3 comentars | ponc: )


Fascia – privatisazion dl’ assoziazion de turism
Economia

 

N organism nuef sourantol la promozion turistica te Fascia

Dutes les categories interessedes al turism tol pert - President é Riccardo Franceschetti

(c.g.) Do n ann de laour y de discuscions che se à porté do polemiches enfin enultima, él vegnù sotescrit ai 12 de dezember tla senta dl Comprenjore Ladin l at notaril per la fondazion dla sozieté cooperativa turistica (Scarl) da pert di 7 comuns, dles does assoziazions di ostiers/hoteliers (Asat y Unat), dla Union de Comerz y Turism, dai 2 consorzes di implanc portamont, dai 2 consorzes de comerz y da d'autres assoziazions per l temp lede. 1.000 euros é la cuota soziala paieda ite da chisc sozes per ti dé vita al organism nuef che condujará a la privatisazion.


metù ite da noeles ai 22 December 2003 da les 09:59:34 (964 liet)
(liej inant... | 2170 letres | comentars? | ponc: )


Invit dl Papa a chirì la gheneda interioura
Desvalives

 

L Papa: ne sofoion nia l Nadel tla fuera y tla confujion!

L secret de chesta festa vìven tres umilté, gheneda, marevueia y liegreza.

(if) "Depierpul che i fajon les ultimes comedures pro la cripela y l legn da Nadel enjignondenes ca nosta anima a vive intensivamenter l mister daidés dal ejempl dla Madona!". Chest é l consei dl Papa ai catolics per se arvejiné tla dreta maniera al Nadel. Enscì ál perdiché encuei te n state de sanité mesan y scialdi fluid tl rejoné entratant l Angelus dant da n valgugn cenc de fedei abinés adum sun Plaza San Piere. L Papa à dit che an mess empruma daurì sia anima per podei vive chest gran moment dl mister dla fede.


metù ite da noeles ai 21 December 2003 da les 21:57:00 (801 liet)
(liej inant... | 1806 letres | comentars? | ponc: )


La streda dla Val Badia daverta enchin ai 13 de auril 2004
Desvalives

 

La streda dla Val Badia daverta enfin auril

Entratant la sajon da d'invern él da encuei, juebia ai 18 de dezember, la streda endò daverta.

L’ordinanza de daurida dla streda dla Val Badia al transiament di auti vel enchin ai 13 de auril 2004. I laours pro i tuniei é jus inant, ence sce peigher. Sun cinch tuniei é cater ciavés tres, ma nia ciamò ruvés. Per l viadut nuef de 431 m àn enjigné 8 pilastri, da d'aisciuda vegnirà la streda spo sposteda. Al moment végnel laoré per seguré l trat. La pruma pert dla streda é enjigneda provisoricamenter per l invern.


metù ite da noeles ai 18 December 2003 da les 20:32:31 (710 liet)
(liej inant... | 1258 letres | comentars? | ponc: )


La declarazion de Govern y i LADINS
Politica

 

Carlo Willeit: "Ciuldì ne végnel pa sen nia cherdé n assessour da fora?"

Ladins vegn nominés te apeina 7 risses - Al vegn rejoné de revalutazion dl lingaz ladin, ma la declarazion ne é nia vegnuda metuda ju per ladin

"Sun l general, puech de concret, apeina valch da nuef", enscì carateriseia dr. Carlo Willeit la declarazion de govern dla Jonta Provinziala. "Pertes longes é scemplamenter vegnudes sourantoutes da declarazions da dant o descriv situazions atuales. Con n cert interes pòn osservé i ponc: agentura de lingaz, la autonomia finanziara, les tarifes tla sanité, les prestazions soziales, toponomastica y problems de transit", vàl inant. "Truep massa puech végnel depierpul dit soura familia, joeneza y mutons. Per cie che reverda i ladins contegn la declarazion de ben 43 plates apeina 7 curtes risses".


metù ite da noeles ai 17 December 2003 da les 08:22:37 (797 liet)
(liej inant... | 2502 letres | comentars? | ponc: )


Vigni dì Aunejia-Cortina
Desvalives

 

N coliament diret anter Aunejia y Cortina d'Ampez

Al é na scomenciadiva dles impreises de trasport publich "DOLOMITI BUS" y "ATVO"

(em) Chisc dis à l'impreisa “Dolomiti Bus S.p.A.” de Belun y la ’”Azienda Trasporc dl Venet Oriental S.p.A.” de San Donà del Piave prejenté tl hotel Hotel Ancora a Cortina na linia nueva de bus che coliarà da sen inant Cortina d'Ampez con Mestre y Aunejia. La coriera che peia via da Mestre ruvarà enfin a Cortina d'Ampez y spo furnaràla endò derevers. Al é n servisc volù souraldut da la Provinzia de Belun che se à dret dé da fé per la realisé.


metù ite da noeles ai 16 December 2003 da les 16:31:14 (801 liet)
(liej inant... | 1649 letres | comentars? | ponc: )


Mussner fej desche el fossa la Consulta a la Cultura Ladina
Politica

 

L "njet" sterch dl assessour dl peton

Degun contribut a la Union Scritours Ladins Agacins - L spirit de vendeta dl assessour Florian Mussner é gran

Propi en curt "Rache ist suess" végnel dit, ma la vendeta à gracé. Chesta la spligazion plu clera y segura dla dezijion touta dal assessour ai laours publics, Florian Mussner, de ne ti dé nia a la Union Scritours Ladins Agacins l contribut finanziar anual, perauter bele conzedù da la Consulta Culturala. Na sodesfazion megra: scioldi touc al jornalism ladin per i scinché ai amisc de partì.


metù ite da noeles ai 15 December 2003 da les 15:10:10 (960 liet)
(liej inant... | 3778 letres | 4 comentars | ponc: )


Endoneda generala di studafuesc de Fascia
Sozieté

 

Onoranzes ai volontadifs pro i studafuesc en S. Berbora

I corps di studafuesc é jus a daidé tla Val d'Aosta do les agajons de chest isté

(c.g.) Ence i studafuesc de Moena tl distret de Fascia? A auzé fora chest augure él sté l conseier provinzial Luigi Chiocchetti en ocajion dla festa de S.Berbora steda a Ciampedel. Desche an sà l distret ladin trentin, desche l decanat, tol ite l teritore storich dla Val de Fascia, da Soraga enfin ta Penia. Do la messa zelebreda da siour Luigi Trottner che tla perdica à enluminé i valours spirituai y umans di studafuesc te n mond che à tres debujegn de ciarité y de fradaia, se ài tramudé tl teater per la tradizionala radunanza. Ombolc, President dl Comprenjorie Ladin, Presidenc dles Frazions se à strent entourn ai studafuesc, 155 operatifs y 45 arlefs partis fora te 6 grups comunai, per palesé a inom dla comunanza afet y reconescenza . L ispetour di studafuesc de Fascia Rinaldo Debertol.


metù ite da noeles ai 14 December 2003 da les 09:57:23 (1045 liet)
(liej inant... | 2915 letres | comentars? | ponc: )


L software lede é na alternativa al software comerzial
Tecnica: computer, internet y e. i.

 

An ti à plu y plu creta al software "Open Source"

L software lede davagna tres deplù aplicadours  - N valgugn comuns de Südtirol adora "open office".

(if) L parlamant dl "Australian Capital Territory (ACT, Canberra)" à aprové na lege che perten che l Govern tegne cont te sies planificazions de investimenc informatics ence dla poscibelté de adoré software open-source (na bona definizion de cie che an miena con "open source" giàten a la miscion: http://solution2u.net/opensource/about/definition).  En curt "open source" vuel dì che al se trata de software nia lié a copyright. Al pò vegnì mudé ju liberamenter. En pratica còstel truep demanco, sce nia debant y gonot pòl scemplamenter vegní des-ciarié ju da internet. I sostegnidours/svilupadours vuel con chest garantì n azes lede a l'informazion y a internet y se dejarenté dal monopol Microsoft che se ghira strambaries per les lizenzes.


metù ite da noeles ai 12 December 2003 da les 14:05:06 (897 liet)
(liej inant... | 3188 letres | comentars? | ponc: )


Stieres da ensegnanc - concurs
Scola

 

Concurs per ensegnanc dles scoles elementares ladines

Concurs per stieres da ensegnanc/tes de classa y per ensegnanc/tes de religion dles scoles elementares ladines. Termin:  enchin ai 23 de jené 2004

(osp) L test complet per chest concurs é vegnù publiché enier, en mertesc ai 9 de dezember 2003, tl Boletin ofizial dla Region. Duc chi che à na stiera a temp determiné y à per chesta n titul de stude, pò fé domanda per l concurs per na stiera a temp indeterminé. I titui de stude ghirés y les condizions damanedes é splighedes tl detai tla escrizion dl concurs enstes. I formulars per i doi concursc é da giaté pro la Intendenza a la Scola Ladina. 


metù ite da noeles ai 10 December 2003 da les 16:19:23 (765 liet)
(liej inant... | 2096 letres | comentars? | ponc: )


Global Information Technology Report 2003-2004
Scienzes

 

I Stac Unis é la nazion plu "enjignoula" tla rei internet

I stac sun l troi dl svilup é tl smendrì la locia digitala anter stac ric y pueresc - La Talia al 28eisem post

(if) Sun l forum dla economia mondiala a Ginevra él encuei (09.12.2003) vegnù prejenté la terza edizion dl"Global Information Technology Report 2003-2004". Tl "Global Information Technology Report 2003-2004" végnel mesuré desche les economies é enjignedes ca a adoré les tecnologies informatiches y desche ales nen aprofiteia di svilups informatics. La Talia tol ite te chesta classifica clameda "The Networking Readiness" (tant che "ester enjignés a la rei") l 28-eisem post. Ai prums posc' giàten i Stac Unis dant Singapur. La Finlandia, denant pruma, tol ite sen l terz post con atira viadedò la Svezia y la Danimarca.


metù ite da noeles ai 10 December 2003 da les 08:26:38 (969 liet)
(liej inant... | 2537 letres | comentars? | ponc: )


Personalités: Modesto Locatin
Persones

 

Modesto Locatin à complì i 85 agn

Con gonfeis y la neif enfin sussot l cul, passan per i joufs de Fauzares y de Pordou per ruvé  a Pera can che les ciampanes de San Laurenz cherda a la pruma messa ...

(cg) Modesto Locatin de Simon, "decan" di  meinacreps de Fascia, à complì i 85 agn; l ann passé òvel festejé, adum a sia femena Maria, i 50 agn de matrimone. Do l burt inzident dl meis de mei passé che l à tegnù chiet per meisc alalongia, àl metù man dilan a sie spirit pazient y saren  a jì encantourn se daidan con na crocia y a laoré te sia picera boteiga da calighé. La vita de Modesto, anter l auter él "neine" de Pera, é n pice tesour dla storia dl alpinism y dl schi che à enluminé la Val de Fascia do la seconda gran vera. Saudé dal 1939 al 1943 tla Scola de Alpinism de Aosta rùvel derevers te Fascia con l diplom de istrutour y, souraldut, con la gran fortuna de ne ester nia vegnù cherdè ite a tò pert a les azions de vera.


metù ite da noeles ai 08 December 2003 da les 19:42:39 (840 liet)
(liej inant... | 2780 letres | comentars? | ponc: )


Publicazions nueves: Cesa Bernard Haus
Cultura

 

Fascia fata conesce tres dessegns sun la Cesa Bernard

Les pitures de Virgilio Soraperra che conta la storia de Fascia da zacan sen ence te n liber

de Marta Chiocchetti

"…fosc aràn n dì plajei de recordé chestes cosses". Enscì se fenesc l liber prejenté en domenia, ai 30 de november da les 16.00 domesdì tl salf ploanal de Ciampedel. "Cesa Bernard Haus" é l titul dl laour porté inant da Mario Bernard Tabac, gustoul impresar, nasciù a Ciampedel y enciasé oramai da agn a Cianacei. L domesdì se à daurì con l salut dles autorités per jì inant con na ‘performance’, tegnuda da Annelise Vian che, con n pue de batecuer desche ela à dit dantfora, à sapù dè n corp y na anima a n grum de plates.


metù ite da noeles ai 08 December 2003 da les 08:58:38 (988 liet)
(liej inant... | 2738 letres | comentars? | ponc: )


MANIFEST LADINIA 2005 va inant
Ladin Standard

 

La scienza linguistica dij de scì, la politica pesima

La chestion dl lingaz é na cossa che ti envel a vignun - La azion de sotescrizion va inant enfin al 2005

L'elaborazion de n lingaz scrit ladin unitar se à giaté bendebot de arfereda do la delibera di 27 de jené 2003 dl assessour provinzial Florian Mussner. Al à praticamenter sclut fora chesta forma scrita da l'ofizialité tla provinzia de Bulsan. Na delibera che ne jiva daldut nia debujegn y che é demé vegnuda ideeda per chesta funzion, condutes les autres spligazions y vertoles entournvia. Con chesta situazion giuridica che respiedla ence la impostazion politica él dassen vegnù metù comprometù l avanzament saren dl projet de n lingaz scrit unitar che veid dutes les unversités, les istanzes linguistiches y culturales che meina do y la politica depierpul che arfera, Istitut Ladin Micurà de Rü (MdR) anterite, ma che a la fin mess "olghé" a la politica, desche sie arat a la delibera souradita à desmostré (dut l Consei a una!). Al é cler che l impuls, la vijion te chesta chestion mess dantaldut ence vegnì dal aut, al mess vegnì popularisé anter la jent da la politica, da les istituzions de dovei. Al scomenciament fòvel propi l Istitut Ladin Micurà de Rü con a cef enlaouta l diretour Dr. Lois Craffonara, na persona con vijions y gran savei tl ciamp linguistich, che ova aplané l troi dantfora y ova metù a brodolé, per la pruma outa, la pera lingaz scrit unitar, Ladin Dolomitan o Ladin Standard (LS) desche al vegn nominé aldidancuei. L obietif che an vuel arjonje empera é scempliscim: avei n pont de referiment linguistich unitar ence per i idioms, sauridé empera la comunicazion interladina, se mostré linguisticamenter deforavia unis y enfortì les poscibeltés de souravivenza.  


metù ite da noeles ai 07 December 2003 da les 12:17:31 (1273 liet)
(liej inant... | 4687 letres | comentars? | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.367 seconc