benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

I neo-Ladins tl Beluneis se organiseia
Politica

 

L Istitut di Neo-Ladins tl Beluneis met man sies ativités 

Al darà fora na revista scientifica-culturala -  Diretour é Ernesto Majoni  - Vegn la posizion di Ladins dl Sela endeblida?

L’Istitut cultural ladin dla provinzia de Belun, pont de referiment di ensci-nominés neo-ladins, scomencia a se mueve y a mete ju programs de laour con sie diretour, l ampezan, Ernesto Majoni, daidé da na comiscion scientifica. La senta dl Istitut é logheda tla Ciasa dla Comunité montana dla Val dl Boite a Bourcia de Ciadoura. Chisc dis él vegnù enjigné l program de laour per i proscims meisc: na publicazion scientifica-culturala, lezions de ajornament per maestri y professours y d'auter plu. An vuel ence tré a nuz les ressourses finanziares prevedudes da la lege cheder statala sun les mendranzes 482/99.  Enscì se fajarà audì ciamò plu sterch na nueva entité "ladina". Endeblesc l Istitut Ladin MdR, pesiman con l Ladin Standard la posizion di Ladins dl Sela?

Sun la imaja: L Ciadoura a Calalzo. Tl Beluneis, Ciadoura y Agordin, se ál formé ti ultims agn passa 10 unions che reclameia per si teritores de ester ladins. 


metù ite da noeles ai 13 January 2004 da les 08:05:56 (787 liet)
(liej inant... | 3806 letres | comentars? | ponc: )


L codesc eletronich per produc (EPC) é bele dant porta
Tecnica: computer, internet y e. i.

 

Revoluzion tl setour dla logistica

L codesc eletronich per produc (electronic product code) dess sostituì defata l codesc a risses tradizional - I chips nuefs pò ence vegnì emplantés te tiers y persones

(if) Produtours de hardware, impreises de logistica y destribuzion se enjigna ca per podei anuzé l codesc eletronich per produc (EPC). A desferenzia dl codesc a risses,  codesc UPC- y EAN (Universal Product Code, European Article Numbering System) pòn lieje i dac sun les etichetes RFID (radio frequency identification) zenza messei avei n contat diret. I dac vegn salvés sun n chip "EPC", dan la poscibelté de identifiché produc singui tres n numer serial. Propi encuei àn podù audì che dlongia la majera impreisa de comerz todescia, la Metro, ence la britanica Tesco y dantdaldut la franzeisa Carrefour vuel laoré adum con la Intel per introduje l plu debota poscibel chesta tecnologia nueva dl EPC. La Metro testeia bele da auril dl ann passé les mersces RFID sot condizions reales.  L codesc a risses veiden aldidancuei sun prest vigni produt tl comerz, al dess vegní sostituí con n numer serial.


metù ite da noeles ai 12 January 2004 da les 21:22:04 (833 liet)
(liej inant... | 3216 letres | comentars? | ponc: )


I Ladins sot Belun: relazions nia saurides con i neo-ladins
Politica

 

Siro Bigontina, president nuef dla Federazion di Ladins tl Venet

Con l fodom Nanni Pellegrini a cef dla Union Generala di Ladins se sent i Ladins tl Venet endò plu liés ai Ladins dl Sela

de Marco Dibona / Ampez

La Federazion di Ladins tla Region Venet zotineia, ma ala va inant ence te chest ann 2004, scomencé da puech. A la fin dl ann passé él vegnù metù l president nuef tla persona dl ampezan Siro Bigontina Titoto, do i trei agn de laour de n auter ampezan, che fova Iji Menardi Malto. Siro Titoto à giaté les oujes dles trei unions ladines de Ampez, de Col y de Fodom, adum con l vot de chi da Rocia. Chi autri ladins, dal Ciadoura y da Belun, che fova de set, à dé ju la zedola blancia.


metù ite da noeles ai 09 January 2004 da les 21:15:53 (975 liet)
(liej inant... | 5697 letres | comentars? | ponc: )


Dal Ofize provinzial per l sport de Bulsan
Aministrazion


Contribuc ordinars per les ativités sportives per l ann 2004

Domandes de contribuc per l sport enchin ai 2 de fauré

(osp) L Ofize provinzial per l sport recorda che les domandes per aiuc y contribuc ordinars per les ativités sportives y dl temp lede, per enjigné enjigns, per cursc de formazion o per mioré implanc sportifs y dal temp lede, pò vegnì dedes ju enfin al lunesc ai 2 de fauré 2004. Damané do chisc contribuc pò lies y assoziazions dal sport y dl temp lede. Ence i comuns pò damané scioldi fora de chesta cassa. I comuns pò vegnì ensarés tl program 2004 per i implanc sportifs. La Provinzia de Bulsan deida te chest caje con na spraiza finanziara unica o sourantol la garanzia y despaia ju i credic. L ofize provinzial per l sport à bele ortié fora i formulars a les lies y ai comuns.


metù ite da noeles ai 09 January 2004 da les 20:55:54 (722 liet)
(liej inant... | 1409 letres | comentars? | ponc: )


Na letra a la redazion
Politica

 

"Con de beles manieres arjònjen deplù che sclapan maiolica"

de Hilda Pizzinini / ex-presidenta dla Union Generala

I à lit con plajei che siur Berto Videsott à na gran conscidrazion dl president nuef dla Union Generela y che al spera ence che al ti vegne contè dut cie che al suzed, a na moda che al posse scrive sun sia plata y "splundré da foradecà y daidé morde via la cresta al nemì", desche al aconsieia. Da n preve essi ence podù m'en avei empermel de chel che al à scrit, ma spo m'ài entenù che al ne conesc nience minimamenter l laour che la Generela à condut inant te chisc ultims 50 agn.


metù ite da noeles ai 06 January 2004 da les 10:59:40 (830 liet)
(liej inant... | 2773 letres | comentars? | ponc: )


Les lites y l temp dedò
Politica

 

"l todesc se à compré i ladins y ei se à venù"

Per n per de scincundes àn dé su vigni aspirazion a deplù autonomia

de Berto Videsott

 

Dant les lites ova valgugn n gran laour: enaudé mostres, zentri culturai, stredes, tunei, scoles y e.i. Na gran prescia, ajache dut messova ester sclut ju, ruvé dant les lites per podei mostré su tant de cosses che é vegnudes realisedes per merit y intervent de n cert partì. Al vegniva dé fora ciastegnes te vigni piz. A la jent vegnìvel prejenté n retrat soul, con en mus soul. Sen él dut chiet. Cie politica! Dl 1946 (sun l retrat) vegnìvel ciamò porté inant deberieda revendicazions.


metù ite da noeles ai 06 January 2004 da les 10:43:47 (798 liet)
(liej inant... | 4928 letres | comentars? | ponc: )


Contribut a la Union Scritours Ladins Agacins
Politica

 

L no de Mussner: fora de vigni cheder legal

Sen métel man l clientelism y al vegn metù en pericul la legalité y la liberté - Cie funzion à pa la Consulta Ladina?

de Carlo Willeit

Che dant les lites va i politics a vene contribuc desche al fossa scioldesc fora de sia tascia é na cossa  conesciuda, ma che i scioldi publics posse vegnì conzedus aldò dla bela o burta musa che un à, va contra vigni  regola. Dant da valgugn agn àn prové da ti stopé la bocia a la Usc con la manaceda da ti tò i contribuc, sen vuelen ti stopé la bocia a la Union dai Scritours, a chesta plata, a Noeles.net: n segn cler de arbitrarieté y de intoleranza, ma ciamò denant n at fora dal cheder legal y obietif. 10 agn alalongia fòvel  sté concordia anter Consulta y Jonta sun i contribuc a la cultura y sen métel man l clientelism?


metù ite da noeles ai 06 January 2004 da les 10:30:15 (813 liet)
(liej inant... | 2558 letres | comentars? | ponc: )


Dal ofize per l svilup dl personal dl setour sozial
Sanité

 

Curs per colaboradours / colaboradoures di servisc soziai

Con l moto „se capì per laoré miec deberieda“ met l servisc per l svilup dl personal a jì n curs per educadoures / educadours y colaboradoures / colaboradours di servisc soziai.

(osp) Chest curs che met man de fauré tla Haselburg a Bulsan, vegnirà tegnì te cater pertes de mez n di. L fin dl curs tla rejoneda taliana é chel de mostré su manieres per conscidré enstesc miec sies capazités y de mioré la colaborazion y la comunicazion con i compagns de laour. Fora da la analisa de cie che porta al stres vegniràl ence emparé a conesce l training autogen do J.H. Schultz. L curs che pieta lerch enchin a 15 persones vegn tegnì ai 5 de fauré, ai 5 de merz, ai 23 de auril y ai 28 de mei, for da les 9.00 enchin a les 13.00. Referent é Guido Carriero, psicologh y dozent tla université ledia de Bulsan.


metù ite da noeles ai 05 January 2004 da les 13:23:54 (958 liet)
(liej inant... | 1444 letres | comentars? | ponc: )


La miscion al planet Mars
Scienzes

 

La sonda "Spirit" é arsida sun l planet Mars

Sondes spaziales ciala de descuerje i misters de Mars - Sen chìrela do ega y ciala de afustié segns de vita sun l planet cuecen

(if) En domenia adora él arsì "san y enton" l robot "Mars Exploration Rover" dla NASA, clamé ence "Spirit", sun l planet cuecen, l planet plu vejin a nos tl sistem soredlar. Na arsida de suzes, do che la sonda europeica "Beagle" é juda a perde. Atira do l'arsida, da les 5:52, él vegnù capté i prums segns de vita de Spirit da la stazion de comane a tera dla Nasa. Per podei dé soura a "na maniera monejela" sun la cortesc marziana, é la sonda vegnuda protejuda da de grandiscims "airbags" soflés su con gas. Spo éla cogoleda per ben 800 metri denant che se archité dant l cratere "Gusev", belavisa desche an ova planifiché. L viade al planet Mars à duré passa mez ann. L proscim dovier de Spirit sarà chel de lubrì fora deplen i panei solars y empié si sensours y sies telecameres per chirì do ega y eventualmenter vita sun l planet Mars. La NASA à publiché sun sies plates internet les prumes imajes sensazionales y reportajes sun l stade dla miscion. Te trei edemes déssel arsì na seconda sonda sun l'autra pert de Mars.


metù ite da noeles ai 05 January 2004 da les 11:00:57 (1232 liet)
(liej inant... | 1850 letres | comentars? | ponc: )


Enrescida dl foliet economich CIO
Economia

 

Gran otimism tl setour dl’informatica

Na enrescida dl foliet economich CIO empermet per l 2004 na chersciuda dl 6% di investimenc tl setour informatich

(if) A la fin dl ann passé él vegnù descedé otimism con zacotantes enrescides de marcé tla industria dla informatica. Dutes é a una che les investizions tla infrastrutura informatica dles impreises dess jì chesta outa suvers. L foliet economich CIO sona la medema ciampana te n sie stude: aldò de chesta enrescida dess les investizions cresce mesanamenter dl 6%. Dant da puech él ciamò vegnù dit, per ejempl da la "Prudential Equity Group", che per gauja di mendri davagns messòvel vegnì demendrì les investizions tl'informatica. Sen s'à l umour out, an se aspeta de majeri davagns y perchel ence n aument dles investizions tla infrastrutura informatica aziendala. N segn che ne lascia nia pro dubes: ti ultims dodesc meisc é les speises per enjigns informatics chersciudes dl 3,4%.


metù ite da noeles ai 04 January 2004 da les 16:54:50 (987 liet)
(liej inant... | 1909 letres | comentars? | ponc: )


Enciariment di priesc endò dant porta
Economia

 

Duc aoda n bon ann, ma les previjions dij: 1.000 euros demanco tles families y plu grovaries

Ence tl 2004 se profileiel n enciariment di priesc inflazionar te duc i setours - N capitul nuef  dles speises per vignun sarà les "straufonghes saledes"

(if) Al orizont dl ann nuef se profileiel n demendriment dl podei de compra che se la roda anter i 800 y 1000 euros per n nojel familiar con doi davagns. Chest é l dat che resulteia da les previjions per l ann 2004 da pert de Adiconsum, l'union di consumadours che fej archirides merciantiles. L 2004 sarà l ann dl enciariment di priesc te trueps setours: dal setour dles mangiadives a chel bancar, dai viadesc ai afic. En plu ti vegniràl ados a les persones con demé un n davagn y ai pensionés d'autres grovaries finanziares che an sciazeia entourn ai 500-600 euros. Mete averda a les straufonghes sun streda! Ales raprejenteia encueicondì na grovaria scialdi pesocia.


metù ite da noeles ai 02 January 2004 da les 21:47:59 (926 liet)
(liej inant... | 3457 letres | comentars? | ponc: )


N comentar: Declarazion de Govern y Ladins
Politica

 

La bambona per i Ladins é megra  

Tla declarazion de Govern végnel rejoné de "Vernetzung" dles regions ladines, ma Mussner scouta - La pert da lion fej samben la mendranza todescia

Ti dàn na odleda a les paroles de prejentazion dl govern nuef 2003-2008 dites da Durnwalder y ti cialan al program de coalizion, veiden che la bambona per i Ladins é megra. Tla declarazion giàten chest iade ence valch toch metù ju per ladin: l impegn general dla politica de Südtirol "seguré inant, che nos duc podonse nes sentì da ciasa te nosta provinzia". Liejon deberieda l un y l auter document.
Azican la sconanza dles mendranzes miena Durnwalder dantaldut la mendranza todescia che "tolarà pert a la realisazion de n'agenzia europeica di lingac che é vegnuda proponuda dal Parlament Europeich..." Te chest contest é l emplei dles tecnologies nueves dl'informazion y l azes a la varieté di massmedia dezisifs ... L'azienda per i servisc radiofonics dla Provinzia messarà mantegnì la funzion de divulgazion dles trasmiscions de radio y televijion a n livel tecnicamenter ajorné, ma ence ester portadessa de d'autres funzions tl ciamp dla comunicazion y pité servisc per d'autres istituzions. Al vegn spo do l toch plu interessant dla declarazion per cie che reverda i ladins da Bulsan. Florian Mussner y Christoph Perathoner dla Svp ladina.


metù ite da noeles ai 30 December 2003 da les 09:37:59 (828 liet)
(liej inant... | 4475 letres | comentars? | ponc: )


Contribut a la USLA: Mussner resta dur, cie nen dij pa la Consulta?
Politica

 

Mussner: "I é tout personalmenter la dezijion" 

Mussner vuel che les unions stime, zenza résteles a pan sut, la politica dl assessorat

Dant Nadel àn podù audì tla televijion ladina na intervista fata da la jornalista Grossi al assessour Florian Mussner persoura l'ativité preveduda dal program de coalizion dl Govern provinzial nuef. Mussner á responù rejonan de strutures per la scola, strutures da porté fosc ence tles valedes. N pice pensier a la cultura zenza lascé entene cie che al miena. Spo àl toché dantaldut sie ciamp spezifich: les stredes. Na picera parola persoura l debujegn de na soluzion dl problem dl trafich su per i joufs. Nience na parola per cie che reverda l gran tema aziché da Durnwalder: l coliament con les autres regions ladines, la "Vernetzung", l tiesce la teila de liams con les autres valedes y raions ladins.


metù ite da noeles ai 30 December 2003 da les 08:31:58 (922 liet)
(liej inant... | 2615 letres | 1 comentars | ponc: )


Zifres de Nadel: milions de sms
Desvalives

 

Passa 600 milions de sms per aodé n Bon Nadel tla Talia

I medias moderns ti la stica a les formes tradizionales de fé aodanzes

Dal 20 al 26 de dezember él vegnù scrit "N Bon Nadel" dai talians tres sms (sistem de messaje scempl) per ben 600 milions de iadesc. D'autri 20 milions de aodanzes é vegnus manés tres mms (multi-media-system) y 300 milions tres email. Y laprò, 200 milions de telefonedes da telefonins y 150 milions da n telefon de rei fissa. Per l terz iade endolauter à les aodanzes telefoniches y eletroniches superé amplamenter les classiches chertes postales, sciazedes a 70 milions.


metù ite da noeles ai 26 December 2003 da les 21:38:34 (766 liet)
(liej inant... | 1578 letres | comentars? | ponc: )


Union Generela di Ladins dles Dolomites: aodanzes al president nuef
Persones

 

Tres ester diplomatics y scuté via, la dreta tatica?

Nani Pellegrini de Fodom sourantol sen ofizialmenter l'enciaria - Bradlé dant da la Svp ladina ne joa a net nia, ai vuel ester todesc -  Florian Mussner se permet de coioné i fascians - Al va debujegn de auzé l problem ladin a livel nazional y europeich

Al é suzedù: La Generela muda president. Bele da deplù de n ann encà fova la notizia tl'aria. Al fova bele vegnù fat fora che l enjinier Nani Pellegrini de Fodom dova ester l president nuef. L dotour Pellegrini à laoré per 33 agn al servisc dla Comiscion europeica tl ciamp dla archirida scientifica a Mol, a Petteny y enultima a Ispra desche diretour dl "Institute for the protecture and Security of citizen" (http://ipsc.jrc.cec.eu.int/) . Chesta redazion ti ova ence telefoné a Pellegrini per controlé la ousc che rodova encantourn. Sia resposta: "Al é ben zeche tl'aria, ma preibel, scutede, ajache al mancia dutaorela la conclujion ofiziala". Al à volù ester feter doi agn per podei dé la notizia. De "Preibel scutede" ne à audì chesta redazion cotanc da pert dla Generela. Él pa vegnù l moment che an pò rejoné y scrive liberamenter? Les gaujes per scuté via é ciamò cotantes. Ma an dess se damané sce chesta é la dreta tatica o sce ala deida plulere cresce la cresta dl nemich, empede de ti la morde via.


metù ite da noeles ai 24 December 2003 da les 15:24:29 (844 liet)
(liej inant... | 3349 letres | comentars? | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.386 seconc