benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Toponomastica: comiscion zenza raprejentant ladin
Politica

 

Govern Provinzial scluj fora i Ladins da la comiscion per la toponomastica

Les linges generales vegn stabilides anter todesc y talians, na prozedura contra l Statut de Autonomia

L minister a les Regions, Enrico La Loggia, á nominé enier ofizialmenter la comiscion aconsienta tla materia dla toponomastica sudtiroleisa. De chesta féjel pert, desche raprejentanc nominés dal Govern da Roma, l giurist Francesco Coran da Bulsan y l professour universitar Carlo Alberto Mastrelli, diretour dl Archivio per l'Alto Adige da Florenza.  L Govern Provinzial á depierpul nominé l professour universitar Guntram Plangg y Herman Berger. La Comiscion dess ti sté permez a la Comiscion di Sis pro la elaborazion dles normes de atuazion sun la toponomastica, na chestion zitia che vegn bele sburleda da agn dantcá. Per cie che reverda la toponomastica ladina déssel empermň vegní cherdé a consei 2 raprejentanc canche al vegnirá rejoné de chesta. I raprejentanc ladins vegn enscí dal scomenciament scluc fora da la definizion dles linges generales dla chestion, condut che l Statut de Autonomia (Art. 102) ne fej te chest caje deguna desferenzia. Na prozedura che va clermenter contra i prinzips dl statut.


metů ite da noeles ai 17 June 2004 da les 15:04:29 (1610 liet)
(liej inant... | 2891 letres | 2 comentars | ponc: )


Lites europeiches: n comentar dla lista LADINS
Politica

 

Tl davegní endň plu lerch per i "LADINS"

Ti comuns ladins pňn intravedei la mancianza dla lista LADINS - L suzes lital pň se ouje

de Carlo Willeit

Sce i partis de govern s'á ciaté na lezion te chest y te chel stat, á les lites europeiches  lascé  sie segn plu cler ence chilň da nos, pro l partí de maioranza assoluta dla SVP. L 10 % demanco é na bela sondla che ti va ai Kustatscher, Gruber, Klotz. Dolarata truepes oujes tla provinzia de Bulsan á giaté l candidat ladin Detomas ence sce sie Ulivo Unito ne l'á nia prejenté y propagandé a Bulsan, sce i ladins dla SVP á aconsié de nia ti dé la ousc al ladin, ma al todesch de sie partí y ence sce media potenc de Bulsan a lascé al savei che l moviment LADINS sostegn l candidat "trentin" Detomas.

Carlo Willeit dla lista "LADINS": "La perduda dla SVP desmostra che al resta la lerch per l davegní dla lista Ladins".


metů ite da noeles ai 15 June 2004 da les 23:42:01 (1123 liet)
(liej inant... | 1758 letres | 1 comentars | ponc: )


Comentar: les lites europeiches y i ladins
Politica

 

Les oujes di ladins: politica de renunzia

La stampa ne á nia sapú de valorisé endertura la candidatura de Bepe Detomas  -  La Svp ladina meina inant l ciar dl'assimilisazion

N capitul a pert é la candidatura de Bepe Detomas y l comportament di litadours ladins defront a n candidat de sie lingaz. La SVP „ladina“ ŕ fat cie che deguna autra raprejentanza de na mendranza de chest mond fej (almanco  nia chi che s’impegneia per les rejons dla mendranza y che ne meina nia inant l ciar dl’assimilazion): aconsié de lité n esponent dla maioranza. N servisc a la maioranza empede a la mendranza – n at de sotmiscion, tl segn de na politica dagnora steda de renunzia y dla sotmiscion y dl arvene l’identité ladina te chela todescia con l fin de la desfanté aladň che ala sie demé plu n pue de folclor. Tant inant é la tripartizion bele ti cefs, dantadut te Gherdeina y te Badia, che an ne lita nia n ladin davia che al é de Fascia: na vitoria de Mussolini tl ann 2004.


metů ite da noeles ai 14 June 2004 da les 21:38:21 (1291 liet)
(liej inant... | 2452 letres | 5 comentars | ponc: )


Les lites europeiches: n comentar
Politica

 

Viadelá dal mur dl 50%

La SVP sot al 50% - I Ladins chest iade n pue manco cufés dant dal partí de maioranza

Con chestes lites per l Parlament Europeich ésen te Südtirol per l prum iade ruvés viadelŕ dal mur – chel mur che ŕ tegnů da do la vera encŕ: la SVP é ruveda sot al 50 %. Na perduda de plu de 9 % dles oujes. Chest resultat s’essa poester puec aspeté. Ciamň pro les lites provinziales ova la SVP perdů ti paisc todesc, ma davagné te chi ladins y pro i talians. Sen é la tendenza juda inant jupert, y i talians n’á nia salvé la SVP – y ence i ladins é chest iade manco cufés dant al partě (sceben che al ŕ perdů dorata puech tles valedes ladines).


metů ite da noeles ai 14 June 2004 da les 19:22:57 (1092 liet)
(liej inant... | 3435 letres | 1 comentars | ponc: )


Enconteda de Mussner con i ombolc fascians
Politica

 

N prum salut y nia truep deplú

L comunicat ofizial dla Region a revert l'enconteda Mussner-raprejentanc fascians:   bilinguism,  scola y trafich  

L assessour regional a les mendranzes linguistiches Florian Mussner (Svp) s'á abiné dant valgugn dis con i ombolc di comuns fascians de Moena, Soraga, Vich, Poza, Mazin y Ciampedel tla senta dl Comprensore Ladin de Fascia a Vich.  A l'enconteda á ence tout pert l President dl Comprensore Fascian Fortunato Bernard y l vizepresident dl Consei Regional Luigi Chiocchetti. Chesta enconteda é l'ultima dla "roda" do les vijites a les comunités mochena y zimbra per rejoné empera de problems spezifics di comuns y de projec en doura per na mioura sconanza dles mendranzes linguistiches.
 
Mussner y i raprejentanc fascians pro meisa.

metů ite da noeles ai 13 June 2004 da les 20:31:51 (1195 liet)
(liej inant... | 3515 letres | comentars? | ponc: )


Les Cinch Tors: una, la Trephor, é tomeda
Desvalives

 

"Desplajus che na tor ne é nia plu"

Dant da n'edema él tomé ju tl Grup dl Naerou una dles tors, per fertuna ne fňvel nia temp de sajon

Él mesoester desplajus per n crep che ne é nia plu? Al me pčr propi de scí: al m’é suzedů, canche i son gnů al savei che al é tomé ju la Tor Trephor, y a sie post él van demé n busc y na majiera. Al fova la mendra, ma ence la plu erta de dutes les undesc Tores de Naerou. Auta demé 30 m, ma lizia y tireda a plom: i prums a ruvé su sun chel spizon, strent y corí de barantli, fova sté Angelo Pilato, Angelo Sceco y Luije Longo de setember dl 1927, che ai ova ti via na corda da na ponta ilň defaza y spo fňvei jus via a ciavalot. L prum a arjonje la Tor da sotensů é sté Piero Longo d’isté dl 1939: sia via, la plu saurida de dutes, é de cuint degré y dessouraLes Cinch Tors  (ma en verité nen él deplú) é un di creps plu carateristics tl raion ampezan/jouf de Fauzares. Dret trueps alpinisc' y freeclimbers se tripa vigni isté sun chisc pedrons.


metů ite da noeles ai 12 June 2004 da les 19:50:09 (1541 liet)
(liej inant... | 5198 letres | comentars? | ponc: )


Region Trentino-Südtirol-Ladinia: temps madurs per na mudazion dl inom
Politica

 

La Region dess avei inom "Trentino-Südtirol-Ladinia"

y respidlé les trei comunités de lingaz che viv te chest raion - L inom "Ladinia" é gnú scrit per l prum iade dl 1607, Südtirol empermň dal 1948 inant - Na proposta a l'Enconteda di grups etnics zenza stat a La Ila, ai 17 y 18 de jugn, de mete ju na ressoluzion che se ghira chesta mudazion

Ti ultims temps se fej tres plu stersces les oujes che al vegne demé plu adoré la dizion "Südtirol" per la provinzia de Bulsan: la politica dla Svp, la Südtiroler Marketing-Gesellschaft, i operadours economics, i todesc en general vuel nes druché su chest marcl. Nia demé i talians, ma ence i ladins se fej do l mote istintivamenter ert con chesta definizion. I operadours turistics tles valedes ladines n'á nia cis liegreza empera, ai á protesté y vuel avei dlongia la dizion taliana Alto Adige. Y daveir, ciuldí messessa pa i ladins ester a una? I Ladins á dutes les rejons per ester decontra. Desche pruma mesura él ora da se damané finalmenter na mudazion dl inom ofizial dla Region da Trentino-Südtirol te Trentino-Südtirol-Ladinia / Trentino-Alto Adige-Ladinia, desche i todesc se á damané enjontan permez Südtirol dant en valgugn agn con lege. "Südtirol" ne dess nia deventé na cialdira con dut laite. La tramudazion de Plan de Corones te Kronplatz é n ejempl desche an ne dess nia fé. Dede ju Vosta ousc pro la enrescida tl cheder a mandreta!


metů ite da noeles ai 11 June 2004 da les 23:18:12 (1598 liet)
(liej inant... | 7306 letres | 2 comentars | ponc: )


Lungiarü: esposizion d'ert a Seres y Miscí
Cultura

 

"Chirian l'armonia perduda"

Viles de Seres y Miscí desche cheder -  l'esposizion d'ert alalergia romagnará daverta enchin a la fin de aost

Les viles de Seres y de Miscí ta Lungiarü fajará da cheder a na esposizion alalergia n pue particolara. En sabeda, ai 17 de messel, da les 16.00 vegnirál daurí ofizialmenter tla picera plaza amesa la vila de Seres na mostra de composizions dl artist Friedrich Sebastian Bacher da Luttach a chela che an ti á dé l inom "Chirian l'armonia perduda". Les composizions dl artist puster ne gnirá nia arconcedes sun parei, ma metudes su alalergia anter les ciases y les majons, dlongia i fourns da pan y ti trevesc anter y encer les does viles. La flour de na viola.


metů ite da noeles ai 11 June 2004 da les 07:19:33 (1085 liet)
(liej inant... | 3424 letres | comentars? | ponc: )


I Ladins tl spiedl dla stampa
Cultura

 

25 agn "I Ladins tla stampa"

Vigni ann na mapa: I articui clupés adum da truepes publicazions da Lois Trebo cuer sen passa 25 agn - i prums va inaň ai agn '60 - Les mapes penjes de informazion deventará na fontana enredoula per scrive la storia

Una dles publicazions anuales dret apriejedes tla Ladinia, dandaldut da jent che laora tl ciamp dla publizistica, é la mapa "I Ladins tla stampa" metuda adum con truepes bries dal dr. Lois Trebo y deda fora da l'Union Maestri Ladins. La edizion 2003 contegn endň n sclafon de articui, bonamenter damprň da 10.000, partis ite cronologicamenter do meis y sourantouc da desvalives publicazions ladines, talianes y todesces dl raion, sclut ite i Grijons y l Friul. Ence n centené de articui de noeles.net á giaté lerch laite. La cerna di articui é gnuda fata da Lois Trebo y reverda dantaldut i svilups politics y les tematiches cultura, lingaz y storia, dantfora ladin-dolomitans, ma tamben con odleda devers i Grijons y l Friul. L cuertl dla mapa 2003. 

metů ite da noeles ai 10 June 2004 da les 21:47:48 (1151 liet)
(liej inant... | 1976 letres | comentars? | ponc: )


Mendranzes: I Cornvalisians, na mendranza che nasc danuef
Cultura

 

L bel ejempl di Cornvalisians

L lingaz celt cornvalisian fova mort fora entourn l 1700, encuei cióscel a vita nueva - L Govern dl Cornwall meina do y n grum de organisazions privates sostegn chest "revival"

En gaujion dla "Enconteda dles nazions europeiches zenza stat", ai 17 y 18 de jugn 2004 a La Ila, sarál ence a la pert na delegazion di Celtesc dla Cornovalia/Cornwall. L caje di Cornvalisians é dret particolar, davia che al se trata de na mendranza nasciuda "da nuef" tl secul passé.  Ai temps dla "Rebelion contra l liber da messa" dl 1549 rejonova y entenova ciamň la maioranza dla jent tla Cornovalia, la peninsula sudozidentala tla Inghiltera, cornvalisian, n lingaz celtich. La rebelion populara fova na reazion contra le Act of Uniformity (legia de uniformazion). L govern britan volova impone a ries l lingaz engleis ence te gliejia y entratant la rebelion fňvel na gauja de vita o de mort. Trueps cornvalisians s'á paré contra la introduzion de n liber de orazions demé engleis tres l'armeda reala. I caps é vegnus sarés via y esecutés y la jent á messú patí truepes represalies. Encer le 1600 fova l lingaz celt cornvalisian bele dassen metú a cianton y la situazion s'á pioré ti centenés do. La liejenda conta che l'ultima persona che á rejoné celt dla Cornovalia fova na certa Dolly Pentreath che fova morta dl 1777, ma zacai arata che l lingaz se ae bele destudé via dl 1676 tl paisc de Gwithian. Al lim dl 1800 ne rejonova plu degugn chest lingaz.  "Learn Cornish", l lingaz celt cornvalisian vegn descurí y al se remet ti ultims agn.


metů ite da noeles ai 10 June 2004 da les 17:10:46 (1433 liet)
(liej inant... | 5603 letres | comentars? | ponc: )


La Ila: Seminar dla Fuen - les nazions zenza stat
Cultura

 

Enconteda dles nazions zenza stat

La Ila albergeia dai 17 ai 18 de jugn 2004 la 3. Enconteda Internazionala dles nazions zenza stat y zenza hinterland cultural y linguistich - Tema: proiezion devers foradecá -  Meisa torona: l reclam turistich vegn vegn fat a livel provinzial con "Südtirol" - ne ti végnel pa nia fat n tort ai ladins y ai talians empera?

de Iaco Rigo

N marketing per l ladinI Ladins dolomitans ti dá chesta outa l benodú a la "3. Enconteda dles Nazions zenza stat". Les conferenzes y les discuscions tla Ciasa de Cultura a La Ila en juebia, ai 17 y en venders ai 18 de jugn, rodarŕ encer l tema “La proiezion de n lingaz minoritar fora tl mond”. Al se trata dla terza enconteda dles nazions culturales y linguistiches che n’ŕ viadň sies sciables degun stat de portegnuda linguistica desche somponta y che pň demé se tralascé sun sies forzes. L prum congres fova gnú tegnú dl 2002 tl Schleswig-Holstein pro i frisons y l secont en l ann passé a Starbienino pro la comunité casciuba tla Polonia. Les delegazions gnirŕ ence chesta outa da duta l’Europa adalerch: Ladins-dolomitans, Frisons dl nord (Germania), Frisons di Paisc Basc, Cornvalisians (Gran Bretagna), Galizians (Spagna), Sorbs (Paisc Todesc), Ladins-grijons (Svizera), Ladins-furlans (Italia), Aromuns (Bulgaria), Aromuns (Mazedonia), Ozitans (Italia) y e.i.. Grup ospitant é chesta outa i Ladins dles Dolomites.


metů ite da noeles ai 09 June 2004 da les 20:35:24 (1713 liet)
(liej inant... | 11893 letres | 4 comentars | ponc: )


Apel a les unions Ladines: tolede na posizion!
Politica

 

A cie moda scoutéles pa chietes dutes les unions?

Les lites: la vertola de ne volei nia se ficé ite tla politica é fauza, frut dla tema de perde valch contribut

Bonamenter él bele massa tert, ma empň volonse nes damané a cie moda che an ne aud deguna union ladina: culturala, sportiva, d'orela curta, de folclor, de meinacrep, degun cor y degun curat rejonan dles lites, dan n consei de orientament a la jent. Dutes les unions todesces fej propaganda per la Svp, per la "steila da mont". Pro les lites de comun á plu ombolc, portretés alangrana sun i jolantins, reconesciú che litan Svp él plu saurí giaté contribuc da la provinzia y perchel sbůrlei do, ence tres les ciastegnes dl assessour, che al vegne lité l partí de maioranza.


metů ite da noeles ai 08 June 2004 da les 15:53:40 (1440 liet)
(liej inant... | 1691 letres | 2 comentars | ponc: )


Dai Retics ai Ladins
Storia

 

Les raijes retiches di Ladins

Con gran mueia di archeologs ne ésen nia datant de dezifré les iscrizions retiches che podessa porté n pue de lum  

Chi fova pa i Rec che an rata desche i avons di ladins y che vivova tles Alpes Zentrales, do l mote sie decá che delá dla morona prinzipala dles Alpes, ma con conzentrazion particolara tla region Trentin-Adesc Aut-Tirol-Grijon. Fňvel na unité o demé na denominazion coletiva che i Romans ti ŕ dé? Fňvei veramenter emparentés con i Etruscs dla Toscana desche n valgunes fusties linguistiches podessa nes fé raté y istoriografs romans da enlaouta scriv? N grum de domandes, n cogol de ipoteses, ma pueces brances concretes enfin aldidancuei. La reziologia, nasciuda dant da 150 agn per ti jí do a chest mister, se fej ciamň plu ert che l'etruscologia a d'avei na vijion ence demé tourbla dla sozieté, dla cultura y dl lingaz retich tles Alpes te chi temps tant desman. Na scritura retica dal Renon.  An po la lieje clermenter da manciancia a mandreta!:  "laseke / maze'e", baudi ne sán nia cie che al vuel dí.


metů ite da noeles ai 06 June 2004 da les 20:34:58 (2098 liet)
(liej inant... | 11824 letres | comentars? | ponc: )


Lites europeiches 2004: lité n ladin per valei deplů
Politica

 

Les lites europeiches, na ocajion per dě "i esistion ence nos!"

Les lites: ne i dé nia la ousc a la Svp fossa n vare inant - Unis nia demé tl pice monument sun l jouf dl Sela, ma dantaldut tla coscienza de vigni ladin

La touta de posizion da pert dla Lista Ladins da lité Bepe Detomas en gaujion dles lites europeiches en domenia che vegn é n segnal che la mendranza ladina dles Dolomites é ciamň viva, che an la giata altamo te valch vedl vocabular, dessegur nia te chel dla politica dla Svp da encuei. L juech y la funzion dles lites é gragn per i ladins che podessa ruvé ite tl parlament europeich.

Do da 80 agn da la tripartizion fascista á i Ladins sen la poscibelté de lité deberieda n sie raprejentant.

 


metů ite da noeles ai 05 June 2004 da les 11:10:04 (1114 liet)
(liej inant... | 4731 letres | comentars? | ponc: )


Lites europeiches 2004: Apel ancje ai Furlans
Politica

 

Invit ai Furlans de lité Bepe Detomas

Bepe Detomas al č il candidât di ducj i Ladins

Udin - Cu la presentazion des listis dai candidâts dentri il cinc di mai stât e je scomeçade uficialmentri la campagne eletorâl pes votazions europeanis. Diviers i candidâts de Regjon Friűl-V.J. presints tal colegjo dal Nord-Est (Friűl-V.J. , Venit, Trentin-Sud Tirôl e Emilie Romagne). Il centri-çampe al presente la gnovitât de liste "Uniti nell'Ulivo", prudelade dal president de Comission europeane, Romano Prodi. Tal Nord-Est la liste 'e ŕ come capoliste Enrico Letta. Tra i candidâts di chenti o cjatěn il secretari regjonâl dai Ds, Carlo Pegorer. Par Rifondazion Cumuniste (che si presente par cont so) il candidât di ponte al č invezit l'assessôr regjonâl Antonaz.


metů ite da noeles ai 04 June 2004 da les 21:06:36 (1205 liet)
(liej inant... | 3749 letres | 1 comentars | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.424 seconc