benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Di dl'Unité Ladina, 18 de messel 2004: l Ciastel d'Andrac
Storia

 

L Ciastel d'Andrac, stories che se mesceida a la liejenda

En domenia, ai 18 de messel, Dí dla Unité Ladina a Andrac ta Fodom - Ciastel d'Andrac: Nicolò Cusanus y l Gran Bracun á abité laite

L Ciastel d’Andrac é dessegur un di documenc plu carateristics dla storia dles vals ladines. Chela costruzion che se erj desche na rama encalmeda soura chel sas, fosc vegnù ju dal Sas de Stria dant milenés, fej se astalé la jent che passa su per l jouf de Fauzares. Daite da chi sasc, che n iade ova ence n tet lassoura, degeoul de n tel inom, se ál consumé ti secui stories che se mesceida datrai con la liejenda.

Nicolò Cusanus, l gran filosof dla gliejia, á vivú tl Ciastel d'Andrac dal 1454 al 1460.


metù ite da noeles ai 10 July 2004 da les 19:21:37 (1746 liet)
(liej inant... | 7203 letres | comentars? | ponc: )


Intervista al President dla Generela Nani Pellegrini
Persones

 

Unis per l reconesciment dla Generela  

En domenia, ai 18 de messel, Di dla Unité Ladina a Andrac ta Fodom - Nani Pellegrini: sce Trent y Belun reconesc la Generela, cie fajarà pa Bulsan?

L president dla Generela, Nani Pellegrini, é l veir "deus ex machina" dl "Di dla Unité Ladina", che vegnirà zelebré en domenia che vegn, ai 18 de messel, entourn al ciastel d’Andrac. Deberieda con el á laoré n comité de organisazion che s’à abiné y é sauté lonc y lerch a na moda che dut sie enjigné ca endertura. La manifestazion se vestirà de trueps aspec simbolics, dantfora chel dla particolarité di Ladins dl Sela y dl debujegn de unité. Sun chisc temesc ti onse fat en valgunes domandes a Nani Pellegrini, President dla Generela.

Doi mutons fodoms ciutia fora dal Ciastel d'Andrac.


metù ite da noeles ai 10 July 2004 da les 17:19:06 (1366 liet)
(liej inant... | 6142 letres | comentars? | ponc: )


Streda dla Val Badia: situazion atuala
Aministrazion

 

I laours vegnirá ruvés dl 2005 

Streda dla Val Badia: encuei domesdí enconteda d'informazion sun l plazal di laours a Mantena Todescia - Na dezijion da tó: l desviament de Lungega 

La firma de costruzions Grassetto á ruvé l 60% di laours pro la streda dla Val Badia, enscí él vegnú splié encuei en gaujion dla enconteda a Mantena Todescia al scomenciament dla Val Badia a chela che al fova prejent l assessour ai laours publics Mussner, l diretour di laours Julius Mühlögger y i tecnics Fulvio Pisetta y Aldo Marzola. Enfin a sen él vegnú spenú 54,5 milions de euro per derturé la streda. Ence sce an s'á entardivé chesta aisciuda per gauja dles pluevies, dess i laours empò vegní finis do termin, vuel dí anter l 2005 per podei daurí la streda, anter l 2007 deplen. Chest él vegnú reconfermé encuei. Laours pro l prum tunel.


metù ite da noeles ai 09 July 2004 da les 20:02:11 (1055 liet)
(liej inant... | 2983 letres | comentars? | ponc: )


Statut de autonomia per gherdeina y badiot, promozion dla dejunion ladina
Desvalives

 

Ofize linguistich dl assessorat ladin: net deguna cherianza!

Les traduzions dl statut de autonomia é vegnudes fates mel dal "original" - Les pueces adatazions fates destorj enfinamai l segnificat - An valutará les condizions per na plura dij Carlo Willeit

Se scrive permez la " traduzion" dl statut de autonomia tl badiot y gherdeina zenza anunzié les traduzions ladines bele dantman tl ladin standard, fej pert dla tradizion politica de fé l gran con la roba dai autri.L ofize stampa provinzial ne á fat deguna traduzion nueva, ma á scrit ju l statut de autonomia ladin laoré fora scientificamenter y linguisticamenter da na comiscion de linguisc' y giurisc', sot a la responsabelté, con i cruzes y con i scioldi dla frazion LADINS  y dai comissars- colaboradours enstesc. Assessorat Ladin: copié ju l statut de automomia da les edizions te Ladin standardisé, ma zenza l dí, no tla introduzion no enzaul d'auter. Traduzions  de deguna valuta.


metù ite da noeles ai 09 July 2004 da les 12:34:44 (1587 liet)
(liej inant... | 2774 letres | 7 comentars | ponc: )


Les raijes dl ladin
Cultura

 

Orbilat.com, la storia dl latin y de si jerfs

N sit con n grumon de informazions soura l mond latin, i lingac neolatins: origines, strutura, fonetica y svilups storics

L latin é n lingaz indo-europeich che ruva con na ona de imigrés da l'Asia sun la penijola italica entourn l 1.500-1000 dant Crist. Aldidancuei rejona passa 800 milions de persones lingac derivés dal latin vulgar, anter chisc ence l ladin. Nia daldut per la strutura, ma dessegur per l vocabolar pòn araté l ingleis laprò: l 75% de sies paroles é de derivazion latina y é ruvedes sun la ijola te de plu ones, la plu emportanta chela di Normans. Ma cie lingaz é pa l latin? Cie é pa l ladin classich y cie fova pa l latin vulgar? Co se ál pa mudé ti centenés y co é pa nascius i lingac neo-latins. L sit Orbis Latinus respon a truepes de chestes domandes. Al conta dla storia dles faeles neo-latines, de sie svilup, dles interferenzes tl raion europeich, dla fonetica, dl gre de parentela y d'auter plu. (jerf=fió)

 


metù ite da noeles ai 08 July 2004 da les 22:41:03 (1345 liet)
(liej inant... | 6495 letres | comentars? | ponc: )


Nuef te Noeles.net
Aministrazion  

Doi modui nuefs per n majer plajei

Modul mioré "Manifestazions" y modul  per chirí

  Tla strutura dl sit él endò vegnú fat n valgugn laours de derturazion. L vedl modul dles manifestazions é vegnú baraté fora con n nuef, plu pratich, con colours per les desvalives sortes de manifestazions y na prejentazion plu plajoula di contegnus. L modul contegn ence n editor per chi che vuel eventualmenter scrive ite y dé tres na manifestazion sun troi eletronich. Al é ence la poscibelté de ortié congratulazions. En plu él vegnú enjonté n modul d'archridida con  sun la mandreta, l mairent motor archiridour de Internet. Con chest modul a does opzions ciáfien da fé archirides restrentes al intern dl sit y generales tla rei web zenza messei jí fora dl sit. Medret cliché sun l logo NOELES.net sunsom per vegní inaò a la plata.


metù ite da noeles ai 08 July 2004 da les 16:43:13 (1083 liet)
(liej inant... | 1888 letres | comentars? | ponc: )


Declarazion de vera al spam
Tecnica: computer, internet y e. i.

 

Vera a la posta refudam

Conferenza internazionala a Ginevra da encuei inant - Al vegn ghiré na majera colaborazion internazionala anter i statesc

En gaujion dla pruma conferenza "anti spam" metuda a jì da les Nazions Unides vuel raprejentanc de 60 statesc y organisazions internazionales ti declaré la vera a les emails de reclam nia apostedes. "Al se trata de n problem che i messon ensivé ite y combate" dij l cef dla aministrazion australiana dles telecomunicazions, Robert Horton che à daurì la debata de trei dis encuei (07.07.04) a Ginevra.


metù ite da noeles ai 08 July 2004 da les 00:00:00 (1332 liet)
(liej inant... | 2238 letres | comentars? | ponc: )


Museum Ladin Ciastel de Tor: esposizion de R. Agreiter con vips politics
Cultura

 

Richard Agreiter y l “Mister dla forma”

La Ministra dl'Austria Benita Ferrero Waldner enaudará l'esposizion, ai 16 de messel da les 18.00 tl  Museum Ladin Ciastel de Tor - Prejent ence Durnwalder y Hosp y en valgugn vips politics

“Anter i artisć d’aldidancuei tol ite Richard Agreiter n post particolar. Sies scultures de bron gareta deplen te sie ambient creatif y chest tl dret sens dla parola.” (Dot.a Sylvia Mader, storica dl’ert, Dispruch) Con chest pensier sotrisseia la studiousa l fat che l’artist ne fej nia demé l dessegn, la proa de ghips o l model 1:1, sciche al vegn scialdi dagnora fat da laoré tl bron. Richard Agreiter cola ence enstes sies scultures a Steinberg am Rofan (Tirol). Ales nasc da el enstes per entier. Richard Agreiter, nasciù dl 1941, vegn da na vedla familia ladina dla Val Badia, plu avisa de Fornela a Antermeia (sen luech dl Cheder), che à lascé sie paisc entratant la opzion dl 1939 y é ruveda a Steinberg am Rofan tl’Austria. Entrami i genitours fova Ladins, el enstes é nasciù dlafora, conzepì él gnù tla Ladinia y sun chest tégnel dret dassen.

Richard Agreiter entratant che al cola bron.


metù ite da noeles ai 07 July 2004 da les 09:34:14 (1330 liet)
(liej inant... | 3757 letres | 1 comentars | ponc: )


50 agn Cesa di Ladins a Urtijei: restruturazion
Politica

 

La Cesa di Ladins, sen dant na dezijion fondamentala

L assessour Florian Mussner tira ca la vertola che la provinzia ne finanzieia nia fabricac privac - L assessorat ladin te Südtirol promuev demé plu la "cultura fancela"

(j.p.) A la fin de aost complesc la Cesa di Ladins a Urtijei i 50 agn y per chesta ocajion minova la Union Generela tres sie vize-president Egon Vinatzer de giaté n bon iade i finanziamenc da la jonta provinziala, desche al fova gnú fat fora entratant na abineda de raprejentanc dla Generela y chi dla jonta tres l assessour Florian Mussner. Sclut fora l gran projet se fòven gnus sun n projet mesan. Ma sen pérel che al tome tl vuet ence chest ultim projet. 

Provinzia y comun de Urtijei ti sita a la "Cesa di Ladins". Union di Ladins y Museum Ladin ne vuel nia se vene y mess sen chirí fontanes alternatives de finanziament dla derturazion dla Cesa Ladina a Urtijei. L president dla ULG, Egon Vinatzer a manciancia y l raprejentant dl Museum.


metù ite da noeles ai 05 July 2004 da les 14:48:30 (1399 liet)
(liej inant... | 7415 letres | comentars? | ponc: )


Di dla Unité Ladina: ai 18 de messel a Andrac ta Fodom
Cultura

 

Di dla Unité Ladina entourn l Ciastel d'Andrac

En domenia, ai 18 de messel: program folcloristich con desfileda te n cheder storich - Poscibelté de ti dé na ciutieda al Ciastel

En domenia, ai 18 de messel (lui) 2004, recordarà i ladins dla Generela endò la gran enconteda sun Sela dl 1946 y dl 1996. Ai l fajarà entourn l Ciastel de Andrac, n luech simbolich y storich per la populazion ladina. An ne pò che recordé l liam anter chest ciastel carateristich, che se erj soulent sun n peron, con Ciastelbadia (Suneburg), l prinzipat dl Tirol y l prinz-vescul de Persenon, n liam che rondenesc tla liejenda dl Gran Bracun y tles veres per l control dles vals ladines.


metù ite da noeles ai 05 July 2004 da les 07:44:57 (1161 liet)
(liej inant... | 2672 letres | comentars? | ponc: )


Ampez: per fortuna rúvel adalerch i giaponeisc
Desvalives

 

Ampez: na sajon che peia via a pé zot 

Empede aier fin, pesc y spaziredes tl vert camions che buera dut l dí, 11 cantiers tl zenter dl paisc - n valgunes uties da mont saredes - stredes sclutes per les rodes: na desperazion

Te Ampez pérel che l isté scomence propi a pé zot. L temp se fej plu fadia de chi autri agn a se mete a jì dalvers (can él ciaudin enfin ite per la nuet, can se desceiden con cater degrés y la pruma pluevia de aost desfreidará bele les temperatures), su alaut él neif. Tl zenter de Cortina él undesc de gran cantiers implantés, anter de gran y de pices ciases, boteighes y hotiei; ai é do che ai asfalteia dutes les stredes dl paisc, n tof entratant dut messel (lui).


metù ite da noeles ai 04 July 2004 da les 09:22:32 (1144 liet)
(liej inant... | 5663 letres | comentars? | ponc: )


Rezenjion dal Friul sun l liber de Lois Trebo: usanzes, cherdenzes y tradizions
Cultura

 

Usancis e tradizions ladinis contadis di Lois Trebo 

Articul sourantout da "Ladins dal Friul", ciala ence cheder sun la mandreta che reporta duc i titui

"Val Badia. Usanzes, cherdënzes y tradiziuns" al è il titul di un saç su lis tradizions popolârs ladinis de Val Badie metût adun di Lois Trebo e editât zà fa cualchi mês par cure dal Istitut Ladin "Micurà de Rü", di San Martin de Tor.  Al sclarìs justeapont te jentrade l'autôr che i ladins (des Dolomitis) a son un popul ric di tradizions, di liendis, di usancis e storiis cetant vieris. Patrimoni chest che si è tramandât di gjenerazion in gjenerazion, di von a nevôt. La plui part di chestis usancis a son stadis vivis e presints fintremai ai agns Sesante dal secul passât, po i mudaments soci-economics rivâts ancje tes vals dolomitanis a àn lassât il segn, a àn puartât a mudaments, in cierts câs fintremai a la disparizion di un pôcjis di chestis usancis. Dutcâs ur va ricognossût ai ladins des Dolomitis une condurance tal tignî cont il lôr patrimoni des tradizions e des liendis.


metù ite da noeles ai 04 July 2004 da les 08:30:35 (1319 liet)
(liej inant... | 6249 letres | 1 comentars | ponc: )


18eisema Maratona dles Dolomites: 8.500 amatours dla roda peia via
Sport

 

Al prum albié 8.500 garejadours al start 

Nia daldut sclarida la chestion de tré ite tl reclam dutes les valedes ladines - Arobedes valgunes rodes enier: i Carabiniers da Corvara amaina de scluje endertura garajes y cianeves

Maratona dles DolomitesEndoman, ai 4 de messel, al prum albié piarál via a La Ila la 18eisema Maratona dles Dolomites. Cie che fova pié via dant da 18 agn sun iniziativa dl'Uniun Rodes Alta Badia sco manifestazion per promueve l sport dla roda a livel local é deventeda entratant una dles maioures manifestazions de roda amatoriales de livel internazional. Ala cherda adalerch vigni ann n grumon de amatours dla roda tl'Alta Badia, nia demé garejadours, ma gonot tamben familiars y acompagnadours, emplenin i albercs badioc. "Na manifestazion che deida dassen da pié via con la sajon da d'isté" desche la ostiera de "La Majun" Rina-Mellauner Roberta de La Ila dij con gran contenteza. 

metù ite da noeles ai 03 July 2004 da les 14:51:17 (1758 liet)
(liej inant... | 9067 letres | comentars? | ponc: )


Assoziazion di alcolisç en tratament: problems dl alcolism
Desvalives

 

Curs de sensibilisazion ai problems dl alcol 

Les iscrizions vegn toutes su enfin ai 4 de setember 2004 - Vijitede ence l sit internet dl'APCAT metú ju per Ladin Standard!

L'assoziazion di clubs di alcolisç en tratament (APCAT) endrezeia via en colaborazion con l Zenter de Terapia Bad Bachgart, l Servisc dles Dependenzes dles Aziendes Sanitares, i Raions soziai dles Aziendes Sanitares, l Servisc per i grups de auto-aiut, l Consorz di Comuns, la assoziazion Taliana di Clubs di Alcolisc’ en tratament, Genova, APCAT Trentin y Zenter Studes, Trent en curs de sensibilisazion al aspet eco-sozial di problems liés al consum d'alcol (metoda Hudolin) a Weissenstein/Peralba, dai 27 de setember enfin ai 02 de otober 2004. Tla ciasa di pelegrins él la poscibelté de sté soura nuet. L curs é pensé per entourn 80 persones desche medesc, psicologs assistenc soziai, assistenc sanitars, infermiers, educadours, ensegnanc, prevesc y persones che fej pert di clubs di alcolisc’, y duc chi che à l’intenzion de fé zeche tl ciamp dl alcol. Per chest curs él vegnù damané ence l reconesciment desche ajornament E.C.M.  Da aconsié sie sit internet, metú ju per Ladin standard, con n grumon de informazions y quiz: sonsi n alcolist? Beive y furné? y e.i.


metù ite da noeles ai 02 July 2004 da les 21:58:55 (1382 liet)
(liej inant... | 2235 letres | 2 comentars | ponc: )


Museum Ladin Ciastel de Tor: Catarina Lanz y i temps dles veres
Cultura

 

Catarina Lanz, la muta da Spinges 

Dr. Lois Craffonara á abú soura la  pert storich-scientifica dla mostra

A la "combatenta per la liberté" Catarina Lanz  ti végnel dediché chesta outa na esposizion tl Museum Ladin a San Martin de Tor che á volú enscí recordé i 150 agn da sia mort.  La esposizion romagnará spo desche sezion durenta dl museum. Catarina Lanz fova nasciuda ai 22 de setember dl 1771 a Al Plan de Mareo y é morta a Andrac ta Fodom  ai  08 de messel dl 1854 a l'eté de 83 agn. Laoré ála desche fancela da paur y ciasarina dl plovan. L salf dediché a Catarina Lanz tl Museum Ladin vegn daurí ofizialmenter en domenia, ai 11 de messel, da les 15.00. L inom de Catarina Lanz é conesciú enfin a nosc dis davia che ala á combatù da joena, zenza tema  y con ortú, deberieda ai oms y saudés dl Tirol contra i franzeisc dantcá con na fourcia dal fen tles mans, n fat entourn a chel che al s'á formé truepes conties. Foto: l mit dla sauderina Catarina Lanz, conesciuda ence con l inom la muta da Spinges, con la fourcia sun mur de cortina dl paisc da Spinges soura Persenon te n depent.


metù ite da noeles ai 02 July 2004 da les 13:54:55 (1587 liet)
(liej inant... | 3055 letres | comentars? | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.381 seconc