benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Di dla Unité Ladina: unité combatuda
Politica

 

"Duc rejona de colaborazion, ma ......."

Siour plovan Fonjo Clara à dit cler:  i joufs entourn l Sela é n liam anter la jent ladina y ne dess nia vegnì scluc, davia che n per de operadours turistics se l ghira - El realistich che Trent y Belun reconesce la Generela zenza l consens de Bulsan?

Les ruines dl Ciastel d'Andrac simbol dla Unité Ladina, minova un ti cialan ai murs bludri y zenza tet, derturé su aluesc, ma sostanzialmenter na ruina. Nia plu da nen fé. Rejonan sun l Dì dla Unité Ladina a Andrac ta Fodom con n valgugn partezipanc de sies imprescions ciàfien da d'avei n puech deplù clareza: al fova na bela festa, organiseda ben y dorata truepa jent se à fat permez. L post entourn l Ciastel d'Andrac fova demarevueia bel. An à ence pensé al enforniment, ma al manciova chel entusiasm che fova da sentì dl 1996 sun l jouf dl Sela, en gaujion dla recordanza di 50 agn. Duc n pue stufés de audì declamazions de colaborazion vigni ann? Y canche ala vegn a les dretes, desche pro la chestion dl ladin scrit se outé l spinel.  La Ladinia, oramai na ruina desche l Ciastel d'Andrac, en spidic y zenza tet?

metù ite da noeles ai 19 July 2004 da les 22:05:07 (1562 liet)
(liej inant... | 12707 letres | comentars? | ponc: )


Di dla Unité Ladina: les prumes imprescions
Politica

 

Prums segns de na vera sun l prinzip dla unité interladina

Dai 15 ai 20 de messel dess dutes les Unions Ladines y les assoziazions turistiches ti lascé lerch a la Festa dla Unité y ne organisé nia d'autres de gran manifestazions tl medem temp y avei enscì n maiour respet y sentiment ladin

L Di dla Unité Ladina ta Andrac/Fodom encuei (18.07.2004) é sté dantaldut n dì de dialogh y de proposta. L problem zentral sun meisa é steda l'unité ladina y i trois per la realisé. Chesta unité voléssen fé deventé viva tres doi organisms, l comité di ombolc che Durnwalder cherdarà ite d'otober y la Generela che dess vegnì azeteda desche organism cultural interladin. Les minonghes va endere endalauter. 

metù ite da noeles ai 18 July 2004 da les 22:37:27 (1305 liet)
(liej inant... | 6650 letres | comentars? | ponc: )


Istitut Ladin Ciasa de Jan a Col de Santa Lizia
Cultura

 

Vito Pallabazzer é l prum president 

Diretoura dl nuef Istitut Ladin é Paola Agostini - De setember jiràn tla Ciasa de Jan dertureda, senta dl Istitut a Col de Santa Lizia

L professour Vito Pallabazzer é l prum president dl Istitut Cultural Ladin "Cesa de Jan" a Col de Santa Lizia. Chesta é la dezijion dla endoneda di sozes fondadours, vuel dí les trei aministrazions comunales y les respetives Unions di Ladins de Fodom, d'Ampez  y de Col, á tout en venders seira. Sie vize é Sandra Agostini, joena assessoura comunala de Col.  Al consei nuef Istitut Ladin ti staràl permez n consei scientifich de sies componenc lités, doi per comun: Luciana Palla, Teresa Pezzei, Maria Sief, Dino Dibona, Stefano Lorenzi y Sergio Masarei. Col de Santa Lizia, l plajoul comun ladin plu a sud, con viadedò l Pelf.


metù ite da noeles ai 18 July 2004 da les 21:49:57 (1484 liet)
(liej inant... | 2683 letres | comentars? | ponc: )


Festa di Molins a Lungiarü
Manifestazions

 

I ultims molinés che mantegn l'ert da majené

Al 1 de aost gniràl endò metù a jì la "Festa di Morins"  envieda via dai studafuesc dl paisc te Chi Pinis

La picera val da Lungiarü s'à fat conesce lonc y lerch ti ultims agn per la restruturazion di molins y per avei valorisé les "viles". Duta la valeda é de na beleza particolara, nia dezipeda da implanc portamont, con de gran estenjions de pres verdienc encertlés da larjeis y peceis con souracà na morona de creps sclauris. La valorisazion turistica dla contreda ova scomencé a la fin di agn '80 con l'organisazion dla "Roda dles Viles",  aldidancuei vàla inant con la "La festa di Molins".

 

metù ite da noeles ai 18 July 2004 da les 08:52:49 (1612 liet)
(liej inant... | 6870 letres | comentars? | ponc: )


Museum Ladin Ciastel de Tor: L artist Richard Agreiter
Cultura

 

N tesour da tegní cont

La Ministra per Afars Foradecá dl'Austria Benita Ferrero Waldner se á tout la bria de vegní enstessa a daurí l'esposizion de Richard Agreiter: n ladin ruvé forapert con les opzions de Hitler-Mussolini dl 1939 vegn endò a ciasa - Per el él sté l'esposizion plu scomoventa

La Ministra per i Afars Foradecá dl'Austria en persona, dot. Benita Ferrero-Waldner, á enaudé enseira (16.07.04) l'esposizion de scultures de bron dl artist tiroleis-ladin Richard Agreiter dal titul "Mister dla forma"  tl Ciastel de Tor, senta dl Museum Ladin.  Truepa prominenza politica dla provinzia s'á fat permez. Benita Ferrero-Waldner conesc l artist dret ben personalmenter bele da trueps agn y con sia partezipazion a la enaudazion ála volú sotrissé l gran apriejament che ela sent per l artist. Richard Agreiter ti souralascia duta sia opera al Museum Ciastel de Tor.

Durnwalder, la Ministra per Afars Foradecá dl'Austria, Benita Ferrero-Waldner y l artist, Richard Agreiter.


metù ite da noeles ai 17 July 2004 da les 16:13:09 (1282 liet)
(liej inant... | 7334 letres | comentars? | ponc: )


Documentazion: n protocol dla Svp de Gherdeina
Ladin Standard

 

SVP Gröden: "Rechtzeitig einen Riegel vorschieben!"

Datrai n iade pòl ester dret interessant de lieje do valch document vedl, enscì per ejempl chest protocol dla SVP de Gherdeina dl 1992, dantaldut davia che al deida capì miec i ultims svilups tla politica ladina, na touta de posizion y n spirit che ne s'à mudé enfin a encuecondì nia. Deguna demarevueia: trueps di esponenc che resulteia stés a la enconteda é dutaorela atifs di grems politics. L assessour ladin atual en ciaria, Florian Mussner, é sen sie raprejentant.


metù ite da noeles ai 17 July 2004 da les 07:59:14 (2874 liet)
(liej inant... | 7007 letres | 2 comentars | ponc: )


Paurs: ala va dret straceda con l fen
Paurs

 

Cie fadia da mete ite l fen chesta outa!

Prest vigni dí pluevies, temperatures basses y en l'edema passeda enfinamai n blauch de neif enfin ju a 1.500 m - I paurs se la baudia dassen

L rie temp de chesta outa à sceché dassen i paurs a la mont y chi ladins en particolar che met man, aladò dl'auteza, entourn i 10-20 de jugn da sié fen con prés prest dlonch soura i 1.200 m. An á metú man, ma an se fej ert da ruvé. L fen é bele dadie plu che madur y perd sostanza con vigni di che al passa.Temperatures dret basses, pluevies, pres biei moi, n ciel plen de nioles scures y manaciouses (La Ila - Alta Badia), feter vigni di che al tampieia: chest l cheder encherscioul tles ultimes edemes. 

metù ite da noeles ai 16 July 2004 da les 07:52:28 (1288 liet)
(liej inant... | 2919 letres | comentars? | ponc: )


Al Plan de Mareo: preselezion per la MISS ITALIA
Desvalives

 

Les plu beles dla bacheta sun paion

Les joenes spazirará dant da na juria con anterite esponenc dl turism local y l ombolt - en sabeda, 17 de messel y ai 1 de aost

Per l secont ann endolauter fej l concurs de beleza de MISS Italia, sun iniziativa dl'assoziazion turistica de Mareo, n'architeda a Al Plan de Mareo y plu avisa en sabeda che vegn, ai 17 de messel, da les 21.00 pro l paion dles manifestazions a meteman da les 21.00. N clap de joenes spazirará dant a la juria, componuda da esponenc dl turism y dla vita publica locala, anter chisc ence l ombolt de Mareo, Albert Palfrader. L event vegnirá viventé musicalmenter y con entrategniment.
 

metù ite da noeles ai 15 July 2004 da les 21:41:16 (2058 liet)
(liej inant... | 1814 letres | comentars? | ponc: )


Juesc de Mont ite a La Stua
Manifestazions

 

Maroi y ampezans mesura endò sies forzes y sie slum

Seconda edizion di Juesc da Mont, chest ann ite a La Stua  - En l ann passé ti l'ova sticheda i jugadours maroi sun Fodara Vedla

Te na colaborazion anter les assoziazions turistiches de Al Plan de Mareo y de Cortina d'Ampez végnel metù a jí en domenia, ai 18 de messel, da les 10,30 inant la seconda edizion di "Juesc da Mont", chest ann sun Mont de La Stua t'Ampez tl Parch Natural dles Dolomites Ampezanes. Les scuadres marores y cheles ampezanes se mesurarà endò pro n clap de juesc che é valch moda liés al laour da paur. En l'ann passé ti l'ova sticheda sun Fodara Vedla i maroi tla classifica finala. Orela curta, beive y mangé sun l post.
 

metù ite da noeles ai 14 July 2004 da les 23:26:33 (1475 liet)
(liej inant... | 4264 letres | comentars? | ponc: )


Doi vins ladins ruva sun l marcé
Cultura

 

I vins nuefs da la saour "ladina" 

"Dantfora" y "Enrosadira", Carlo Filiberto Bleggi, diretour dla Cianeva Toblino, vuel valorisé empera les carateristiches di vins y dla Ladinia - Les does mesceides speziales  vegnirá prejentedes chest fin dl'edema a Moena da l'assoziazion di sommeliers fascians con a cef Giuliano Cadrobbi - Etichetes te Ladin standard

La Cianeva de Toblino tla Valle dei Laghi, na valeda plajoula y soredleda che se destira anter Trent y l Lech de Garda, conesciuda per si vineis particolars y les bones ues da vin, metará da sen inant te boza bendebot de cuantités de vin "ladin" y chel con etichetes scrites a grassin dantfora te Ladin Standard. Al se trata de does sortes de vin enjignedes ca aposta. Do meisc de cerces y de conseis de enologs conescius, dantaldut de Lorenzo Tomazzoli, án giaté la dreta mesceida, la saour "ladina" che caraterisará chisc doi vins che dess vegní comerzialisés demé tl raion ladin dolomitan.


metù ite da noeles ai 14 July 2004 da les 17:02:04 (1597 liet)
(liej inant... | 7387 letres | 1 comentars | ponc: )


Museum Ladin Ciastel de Tor: lerch dedicheda a la eroina ladina
Persones

 

Catarina Lanz á sen n post d'onour ence tl museum 

Enaudazion con l President dla Jonta Durnwalder y autorités en domenia, ai 11 de messel - L storich Craffonara á referí de trueps detais nuefs

Con la prejenza dl President dla Jonta Provinziala Luis Durnwalder, dl President dla Corporaziun di Museums de Südtirol Bruno Hosp, de sie vize Heinrich Huber, dl assessour Florian Mussner, de autorités locales, dla mujiga "Catarina Lanz" d’Al Plan y dla bandiera di Scizeri de Mareo él vegnù daurì dantenier, domenia 11 de messel, la sezion nueva dl Museum Ladin Ciastel de Tor, dedicheda a Catarina Lanz, l’eroina de Spinges. L storich, prof. Lois Craffonara, à conté su n valgugn aspec fora dla vita dla joena marora che á vivú al temp dla ocupaziun franzeisa de Tirol. Al á conté su episodes bele conesciudes, ma laprò à Craffonara ence abú da ti pité al gran publich valch element che ben puec conesciova denant, nience la jent d’Al Plan. Foto: i scizeri da La Pli de Mareo á fat da cornisc a la daurida y la mujiga "Catarina Lanz" d'Al Plan de Mareo á sport permez sons da festa.


metù ite da noeles ai 13 July 2004 da les 21:07:12 (1413 liet)
(liej inant... | 3656 letres | comentars? | ponc: )


18 de messel 2004: Di dla Unité Ladina ta Andrac/Fodom
Cultura

 

Dí tl segn dl folclor y dla mujiga

Tendon metú en pé ti prés davejin a la frazion de Ciastel - Eserzitazion dl Aiut Alpin da Fodom

L program dl dí veid dantfora che dutes les raprejentanzes dles cinch vals ladines dl Sela, deberieda ai grups che animará la festa, se abine sun mont de Ciastel, olache da les 10,00 piaràl demez la desfileda folcloristica che ruvarà enfin a damprò al ciastel d'Andrac. Da les 10,30 vegniràl dit la Messa ladina, cianteda dal Cor Fodom. A la fin saludará les autorités duc chi che à tout pert. La festa la jirà inant con l conzert di corgn da mont y dla mujiga da Rina. Da les 12,30 podaràn vedei n’eserzitazion dl Aiut Alpin da Fodom.

L Di dl'Unité recorda l'enconteda de revendicazion sun l jouf dl Sela dl 1946, oláche al s'ova abiné 3000 ladins do la vera per damané de vegní endò unis. Dal 1996, 50 agn dedò, vegn l Dí recordé vigni ann sun iniziativa dla Union Generela.


metù ite da noeles ai 13 July 2004 da les 07:12:26 (1241 liet)
(liej inant... | 1859 letres | 1 comentars | ponc: )


18 de messel 2004: Di dla Unité Ladina ta Andrac/Fodom
Politica

 

Gianni Pezzei Baiol: al basta dé na odleda entournvia

Intervista al ombolt de Fodom, Gianni Pezzei: I messon emparé ence nos a jughé la cherta dla valorisazion dl Ciastel y dla cultura ladina

L « Dì dl’Unité Ladina » entourn al Ciastel d’Andrac, adum al folclor y a la storia, sclarirá ence n auter aspet, chel turistich-cultural. Sun chest argoment ne pdòven nia tralascé de audí la minonga dl nuef capocomun de Fodom, Gianni Pezzei "Baiol" che viest ence l’enciaria de assessour al turism. Gianni ova abú te sie prum mandat da capocomun, dal 1980 al 1990, truepes discuscions con la Souraintendenza ai Bens Culturai pervia dla restruturazion y la valorisazion dl ciastel d’Andrac.

Fodom en festa.


metù ite da noeles ai 12 July 2004 da les 23:16:02 (1169 liet)
(liej inant... | 3357 letres | comentars? | ponc: )


N pice cheder storich sun i avenimenc a Spinges
Storia

 

N di d'aisciuda, ai 2 d'auril dl 1797

L "Tiroler Landsturm"  vuel ataché i franzeisc aclapés entourn Aicha y Mühlbach - La bataia cioda de jí fora mel, ma al ruva a la jonta Catarina Lanz che deida outé l destin

La revoluzion franzeisa dl 1789 y sies idees revoluzionares ti ova dé na scasseda a duta l'Europa. Dl 1796 ova Napolion Bonaparte, nominé general con apeina 26 agn, sourantout les brenes dl'armeda franzeisa tla Italia y sies trupes avanzeia devers les Alpes. Dlonch s'á l Tiroler "Landsturm" aclapé per paré demez i invasours franzeisc, enscí ence tl raion da Persenon y tl'Auta Val d'Isarch. Ai 2 d'auril dl 1797 á scomencé la ofensiva di 3000 oms dl "Tiroler Landsturm" dal jouf de Vals ju, comanés dal avocat Philipp Wörndle, contra i ocupadours che ova si aciampamenc militars a Aicha y a Mühlbach. Ma i tiroleisc fova vegnus embanis.

metù ite da noeles ai 12 July 2004 da les 22:54:08 (1942 liet)
(liej inant... | 4065 letres | comentars? | ponc: )


La Muta da Spinges: 150 agn da sia mort, fac die asconus via
Persones

 

Catarina Lanz, la eroina con la fourcia

Fòvela traumatiseda do la bataia per avei copé saudés franzeisc?  Dedò ne àla nia rejoné sovenz o gen de chisc fac - Empermò te si ultims agn àla dé inant sia testemonianza, contan de ester propi ela la "muta da Spinges" - Al vegn a lum ence na fauza Katharina Lanz

Dassen interessant y informatif l referat de Lois Craffonara tegnú ai 8 de messel 2004 da seira tl Museum Ladin Ciastel de Tor soura Catarina Lanz, la muta da Spinges (* 20.09.1771 a Col sot Ciasé/Al Plan de Mareo † 08.07.1854 a Andrac/Fodom) en gaujion di 150 agn da sia mort. Al remona su con certes ipoteses y interpretazions faledes de documenc che roda dutaorela y met en valgugn fac sun meisa y en cler. Una na cossa ti dova da pensé a Craffonara, la frasa che Ludwig Steub, l storich y etnologh da Minca, á scrit te sie liber "Drei Sommer in Tirol": "Die Wissenden wollen eigentlich von dieser Heldin Nichts wissen ...." (Chi che savova ne volova nia nen savei de chesta eroina) che Steub ova audì da n cert Schuler. A cie moda ne volovei pa nia nen savei? Se daudova na pert che Catarina fova na ela combatenta o ti fòvela massa scleta, davia che al fova na "Krautwalsche"?

Na rafigurazion de Catarina Lanz. Te na picia tor dl Ciastel dl museum Ladin a San Martin végnel sen conté de Catarina Lanz.


metù ite da noeles ai 12 July 2004 da les 00:29:04 (1826 liet)
(liej inant... | 14314 letres | comentars? | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.376 seconc